अजित पवार यांचं मी अभिनंदन करतो, सहावेळा उपमुख्यमंत्री, नो ब्रेक, जणू काय त्यांच्यासाठी त्या पदासाठी आरक्षण कायम झालेलं आहे. हे आरक्षण ठेवण्यामध्ये अनेकांचं योगदान आहे. शरद पवार, देवेंद्र फडणवीस, उद्धव ठाकरेंचंही आहे. अनेक मुख्यमंत्र्यांबरोबर त्यांनी खूप चांगलं आणि उत्तम सहकारी म्हणून काम केलं. उद्धव ठाकरे नेहमी त्यांचे कौतुक करतात, मंत्रिमंडळातील भरवशाचा सहकारी म्हणून आजही अजित पवार यांचा नामोल्लेख करतात, असं संजय राऊत यांनी सांगितलं.

गेल्या अडीच-तीन वर्षामध्ये महाराष्ट्राची लूट झाली, महाराष्ट्राचे उद्योग, महाराष्ट्राची संपत्ती, सार्वजनिक उपक्रम या सगळ्यांवर दरोडे पडले. आता दरोडेखोरी थांबवून वैभवशाली राज्य बनवण्याची जबाबदारी त्यांच्यावर आहे. त्यांनी जर अशा प्रकारचं कार्य केलं तर नक्कीच महाराष्ट्र त्यांना चांगला मुख्यमंत्री म्हणून नोंद ठेवेल, असंही संजय राऊत म्हणाले.

शिंदेंची गरज संपली आता त्यांना फेकून दिलं आहे. शिंदे महाराष्ट्रात कधी मुख्यमंत्री होणार नाहीत. भाजप शिंदेंचा पक्षही फोडू शकतात. कारण भाजप कायम त्यांच्यासोबत असलेल्या पक्षाला संपवते. बहुमत असून पंधरा दिवस सरकार बनवलं नाही याचा अर्थ महायुतीमध्य काहीतरी गडबड आहे. उद्यापासून यांच्यातील गडबड समोर येणार आहे. हे सगळे महाराष्ट्र किंवा देशाच्या हितासाठी एकत्र आलेले नसून स्वत:च्या स्वार्थासाठी एकत्र येत सरकार चालवण्याची भाषा करत असल्याचं म्हणत संजय राऊत यांनी एकनाथ शिंदे आणि भाजपवर जोरदार टीका केली.

एकनाथ शिंदे गटाबाबत बोलताना संजय राऊत म्हणाले की, मुळात ती खरी शिवसेना नसल्याने त्यांना ही अपमान सहन करावा लागत आहे, पुढेही सहन करावा लागेल. अडीच-तीन वर्षांपूर्वी भाजप त्यांना गोंजारत होते, ते यासाठी कारण त्यांना आमची मूळ शिवसेना तोडायची होती. महाराष्ट्र कमजोर करायचा होता.
आता त्यांना कळेल भाजप काय आहे, भाजपचं अंतरंग काय आहे आणि बाह्यस्वरुप काय आहे. मुळात अजित पवार आणि एकनाथ शिंदे यांच्यात तुफान भांडणं लावण्याचा प्रयत्न सुरु आहे, असा आरोपही संजय राऊतांनी यावेळी केला.

ते दोघे एकत्र निवडणुका लढले, काल अजित पावर दिल्लीत होते, रात्रभर दिल्लीत फिरत होते. भेटीगाठी घेत होते. सरकार महाराष्ट्राचं आणि अनेक नेते दिल्लीत, असं चित्र आहे. काळजीवाहू मुख्यमंत्र्यांच्या प्रकृतीची काळजी भाजपला वाटत नाहीये, असं म्हणत राऊतांनी महायुतीला टोला लगावला आहे.

अशा परिस्थितीत जे सरकार स्थापन होणार आहे तो फार मोठा विनोद असणार आहे. पण, हे सरकार लोकशाहीचे संकेत पायदळी तुडवून येत आहे.
कारण ज्यांनी मतदान केलं, त्यांचा आपण केलेल्या मतदानावर निवडून आलेल्या सरकारवर विश्वास नाही. गावागावात फेरमतदान घेत आहे, यावर निवडणूक आयोगाने भाष्य केलं पाहिजे.

मारकडवाडीत १४४ कलम लावलं, लोकशाही पद्धतीने मतदान घेऊ इच्छिणाऱ्या लोकांवर १४४ कलम लावून त्यांना घरातून ठांबून ठेवलं जात आहे अशा धमक्या दिल्या जातात. त्या मतदासंघात भाजपचा पराभव झाला आहे, पण लोकांच्या मते विजयी उमेदवाराला मिळालेली मतं कमी आहे, असंही संजय राऊत म्हणाले.

व्हायरल झालेल्या फोटोमध्ये काय?

महाराष्ट्रात सरकार स्थापन करण्याआधी भाजप नेते देवेंद्र फडणवीस, अजित पवार आणि एकनाथ शिंदे यांच्या दिल्लीमध्ये जोर-बैठका सुरू आहेत. मुख्यमंत्रिपदावरून चाललेल्या रस्सीखेचमध्ये फडणवीस अग्रेसर ठरल्याची माहिती समजत आहे. सोशल मीडियावर देशाचे गृहमंत्री अमित शहा आणि देवेंद्र फडणवीस यांना गुच्छ देत असून त्यावेळी बाजूला उभे असलेल्या एकनाथ शिंदे यांच्या चेहऱ्यावर स्पष्टपणे नाराजी दिसून आली. तर फडणवीस यांच्या चेहऱ्यावर हास्य फुलले होते. हा फोटो सोशल मीडियावर व्हायरल होत असून यावरूनच आता फडणवीस यांच्या नावावर दिल्लीतून शिक्कामोर्तब झाल्याची राजकीय वर्तुळात जोरदार चर्चा आहे. या फोटोवर संजय. राऊत यांनी आपली प्रतिक्रिया देताना शिंदेवर निशाणा साधला आहे.
Maharashtra CM : शिंदे नको-नको म्हणतायत, पण भाजपला त्यांनाच उपमुख्यमंत्रिपद का द्यायचंय, तिसरं कारण विचार करायला लावणारं
उगवता सूर्य आणि मावळता सूर्य थोडातरी फरक असतो. उगवत्या सूर्याचे तेज एकाबाजूला दिसत आहे. दुसऱ्या बाजूला मावळतीचा सूर्य झुकताना वाकताना दिसत आहे, ढगाआड जातना दिसतोय. राजकारण आहे, राजकारणात काय होईल सांगता येत नाही, चंचल असतं राजकारण, असं संजय राऊत म्हणाले.
भले अण्णा हजारे झोपले, EVM घोटाळ्याविरूद्ध बाबा आढावांसारखा ज्येष्ठ नेता रस्त्यावर उतरला- संजय राऊत

व्हायरल फोटावर शिंदे काय म्हणाले?

मी कधी गंभीर असतो तर कधी हसरा असतो. बैठक सकारात्मक झाली असून आमची सत्तास्थापनेबाबत चर्चा झाली आहे. आमच्यामध्ये समन्वय आहे, मी काळजीवाहू मुख्यमंत्री असल्याने सर्वांची काळजी घेतो, असं मोघम उत्तर एकनाथ शिंदे यांनी दिलं.

आम्ही निवडणूक आयोगाच्या निदर्शनास हा विषय आणला आहे. बाबा आढाव यांच्यासारखा ज्येष्ठ सामाजिक कार्यकर्ता ईव्हीएमच्या घोटाळ्याविरूद्ध लोकशाही वाचवण्यासाठी आत्मक्लेश आंदोलन करत आहे याची जाणीव महाराष्ट्राच्या जनतेने ठेवावी. भले अण्णा हजारे झोपले असतील अन्य सगळे लोक जे ऐरवी क्रांतीच्या मशाली पेटवतात ते झोपले असतील पण लोकशीहीची मशाल विझू नये म्हणून बाबा आढावांसारखा नेता रस्त्यावर उतरला आहे याची आम्ही जाणीव ठेवतो, असं संजय राऊत यांनी म्हटलं आहे.
पोलिसांचा छापा, घरात सापडले लाखाेंचे ड्रग्ज, विधानसभा निवडणुकीतील पराभूत उमेदवार एजाज खानच्या पत्नीला अटक

बाबा आढाव काय म्हणाले?

देशात लोकशाहीचे वस्त्रहरण सुरू झालं आहे. रोज लोकांचे अधिकार काढून घेतले जात आहेत. निवडणुकीच्या काळामध्ये सरकारी पैशांचा मोठा गैरवापर झाला. लोकसभेचा निकाल आणि त्यानंतर विधानसभा निवडुकीचा लगेच वेगळा निकाल कसा लागतो? असा सवाल करत बाबा आढाव यांनी आत्मक्लेष आंदोलन करणार असल्याचं सांगत यांच्याविरोधात आवाज उठवण्याचं गरजेचं असल्याचं म्हटलं आहे.
मदरशामध्ये भयंकर घडलं! पानटपरीवाल्यामुळे धक्कादायक प्रकार उघडकीस, मौलानाने त्या रात्री…
दरम्यान, भाजप पक्षाला यांच्याकडून जे काम होतं करायचं होतं ते करून झालंय. महाराष्ट्र त्यांनी कमजोर केला, राष्ट्रवादी आणि शिवसेना दोन पक्ष फोडण्यासाठी यांची मदत घेतली आणि वापर केला. आता त्यांचं कार्य संपलं आहे. भविष्यामध्ये जर यांचे पक्ष फोडले आणि भाजपने बहुमत स्थापन केलं तर कोणाला आश्चर्य वाटणार नसल्याचंही संजय राऊत यांनी सांगितलं.

एका मुलाखतीत धनंजय चंद्रचूड यांनी त्यांच्या कार्यकाळात सुनवण्यात आलेले अशा महत्त्वाच्या याचिकांची यादी सांगितली ज्याची वाट संपूर्ण देश पाहत होता. आपल्या कार्यकाळात ९ सदस्यीय खंडपीठ आणि सात सदस्यीय खंडपीठाने महत्त्वाच्या घटनात्मक विषयांवर निर्णय दिले. यावर पुढे बोलताना चंद्रचूड म्हणाले- एखादा राजकीय पक्ष किंवा व्यक्ती ठरवणार का सर्वोच्च न्यायालयाने कोणत्या याचिकांवर सुनावणी करावी. मला माफ करा, पण हा अधिकार सरन्यायाधीशांकडे असतो.
सर्वोच्च न्यायालयाचा ऐतिहासिक निर्णय; संविधानाची प्रस्तावना बदलता येते; कोर्टाने थेट संसदेच्या अधिकारावर भाष्य केले
महाराष्ट्रात नुकत्याच झालेल्या विधासभा निवडणुकीत शिवसेना उद्धव बाळासाहेब ठाकरे पक्षाला अपेक्षिक कामगिरी करता आली नाही. या पराभवानंतर खासदार संजय राऊत यांनी पराभवाचे खापर माजी सरन्यायाधीशांच्या डोक्यावर फोडण्याचा प्रयत्न केला. न्यायाधीश चंद्रचूड यांनी आमदारांच्या अपात्रतेच्या याचिकांवर निर्णय न घेतल्याने कायद्याची भीती संपली आणि पक्षबदलणाऱ्यांचा फायदा झाला. जर त्यांनी योग्य वेळी निर्णय दिला असता तर या निवडणुकीचा निर्णय वेगळा लागला असता. संजय राऊत यांनी एक वादग्रस्त वक्तव्य देखील केले की- इतिहास तुम्हाला कधीच माफ करणार नाही आणि तुमचे नाव काळ्या शाईने लिहले जाईल.

२०२२ मध्ये एकनाथ शिंदे यांनी बंडखोरी केल्यानंतर शिवसेनेच्या आमदारांच्या अपत्रतेचे प्रकरण सर्वोच्च न्यायालयात गेले होते. यावर शिंदे गटाने देखील याचिका दाखल केली होती. कोर्टाने हा निर्णय विधानसभा अध्यक्षांकडे सोपवला होता. ज्यावर शिंदे गट हा मुळ शिवसेना असल्याचा निर्णय देण्यात आला होता. यावर शिवसेना ठाकरे गटाने सर्वोच्च न्यायालयात याचिका दाखल केली होती. मात्र न्यायालयात त्यावर निर्णय होऊ शकला नाही.दुसरीकडे शिंदे सरकारचा कार्यकाळ देखील संपला.
Maharashtra CM News: कोण होणार नवा मुख्यमंत्री? ३० तासात सरकार स्थापन झाले नाही तर राज्यात राष्ट्रपती राजवट, असे आहेत नियम
चंद्रचूड म्हणाले, गेल्या २० वर्षापासून सर्वोच्च न्यायालायत अनेक महत्त्वाची प्रकरणे प्रलंबित आहेत. अशातून सरन्यायाधीश जुनी प्रकरणे सुनावणीला घेतात. संजय राऊतांच्या आरोपांवर बोलताना ते म्हणाले, मुळ अडचण ही आहे की जर तुम्ही एका राजकीय पक्षाच्या अजेंड्याची काळजी घेता तेव्हा तुम्हाला निरपेक्ष मानले जाते. माझ्या कार्यकळात निवडणूक रोखे यावर निर्णय झाला. तो काही कमी महत्त्वाचा होता का? आम्ही अलीगड मुस्लिम विद्यापीठाचा निर्णय दिला. व्यक्तींच्या अपंगत्वाच्या अधिकारांबाबत विचार केला. कलम ६ ए च्या घटनात्मक वैधतेवर सुनावणी केली, हे सर्व मुद्दे कमी महत्त्वाचे होते का? चंद्रचूड यांनी हे देखील सांगितले की- त्यांच्या कार्यकाळात घटनापीठाने ३८ प्रकरणांवर निर्णय दिले आणि ते सर्व महत्त्वाचे होते.

महायुतीच्या विजयामुळे महाविकास आघाडीचं भवितव्य अंधारात आहे. दारुण पराभवातून सावरुन उभारी घेण्याचं आव्हान त्यांच्यासमोर आहे. राष्ट्रवादी काँग्रेस शपचे अध्यक्ष शरद पवार, शिवसेना उबाठाचे खासदार संजय राऊत, प्रियांका चतुर्वेदी यांची राज्यसभेची पुढील वाट आता बिकट झालेली आहे. सध्या सुरु असलेली आपली राज्यसभेची अखेरची टर्म असेल असं शरद पवार काही दिवसांपूर्वीच म्हणाले. त्यांनी संसदीय राजकारणातून निवृत्तीचे संकेत दिले. पण संजय राऊत, प्रियंका चतुर्वेदी यांचं काय होणार हा प्रश्न कायम आहे.
त्यांनी गद्दारी केलीय, पालकमंत्री होऊ देणार नाही! सेना आमदाराचा संताप; महायुतीत ठिणगी
महाविकास आघाडीत शिवसेना उबाठाला २०, काँग्रेसला १६ आणि राष्ट्रवादी शपला १० जागा मिळाल्या. त्यांचं एकत्रित संख्याबळ ४६ च्या घरात जातं. तिन्ही पक्षांचा सुफडासाफ झाल्यानं शरद पवार, संजय राऊत, प्रियांका चतुर्वेदी यांना राज्यसभेची पुढील टर्म मिळणं कठीण आहे. महाराष्ट्रातून राज्यसभेवर जाण्यासाठी ४३ चा कोटा आहे. त्यामुळे संपूर्ण महाविकास आघाडी मिळून केवळ एकालाच राज्यसभेवर पाठवू शकते. अंतर्गत राजकारण पाहता अशा परिस्थितीत एकाच्या नावावर सगळेच सहमत होणं अवघड आहे.
Raj Thackeray: लेक पडला, पक्षाला भोपळा; आता मनसेची मान्यता धोक्यात, राज ठाकरेंसमोर संकट; परिणाम काय होणार?
ऑगस्ट २०२१ मध्ये एका मराठी वृत्तपत्राला दिलेल्या मुलाखतीत खासदार चतुर्वेदी यांनी त्यांच्या शिवसेना प्रवेशाचा किस्सा सांगितला होता. २०२० मध्ये चतुर्वेदींनी काँग्रेसला रामराम करत शिवसेनेत प्रवेश केला. ‘मला पक्षप्रवेशाचा दिवस आजही आठवतो. आज माझ्यासाठी एक बहीण आलीय, असं त्यावेळी उद्धव ठाकरे म्हणाले होते. तो क्षण भावुक करणारा होता,’ असं चतुर्वेदी म्हणाल्या होत्या. त्यावेळी त्यांचे डोळे अश्रूंनी भरलेले होते.

प्रियंका चतुर्वेदी यांचा राज्यसभेचा कार्यकाळ ३ एप्रिल २०२० पासून सुरु झाला. त्यांचा कार्यकाळ ३ एप्रिल २०२६ मध्ये संपेल. याच दिवशी शरद पवारांचाही राज्यसभेचा कार्यकाळ संपणार आहे. संजय राऊत १ जुलै २०२२ रोजी राज्यसभेवर निवडून गेले. त्यांचा कार्यकाळ २०२८ मध्ये संपणार आहे.