मुस्लिम लाडक्या बहिणींचा महायुतीला पाठिंबा –

अजित पवारांनी सर्वच समाजातील महिलांसाठी लाडकी बहीण योजना आणली होती. मुस्लिम महिलांना मोठ्या प्रमाणात या योजनेचा लाभ झाला. राज्यातील मुस्लिम महिलांनी महायुतीला मोठ्या संख्येने पाठिंबा दिला. राज्यातील विधानसभा निवडणुकीचा निकाल पहिला असता, महिला मतदारांची संख्या मोठ्या प्रमाणात आहे. मतदानादिवशीचं चित्र आठवलं तर, मुस्लिम महिलांच्या रांगा मोठ्या होत्या. अल्पसंख्याक समाजातील लाडक्या बहिणींनी मोठ्या प्रमाणात महायुतीला मतदान केले असल्याची प्रतिक्रिया राष्ट्रवादीचे नेते वसीम बुऱ्हाण यांनी दिली आहे.
Crime News : शेजाऱ्यांमध्ये वाद टोकाला, घरात घुसून थेट ९ महिन्यांच्या बाळावर कुऱ्हाडीने वार; घटनेने खळबळ

बबनदादा शिंदे आणि संजयमामा शिंदेंदेखील निवडून आले असते –

माढा विधानसभा मतदारसंघात मागील सहा टर्मपासून आमदार असलेल्या बबनदादा शिंदेंनी ऐन निवडणुकीत राष्ट्रवादीकडून लढणार नाही, असे जाहीर केले होते. त्यावर राष्ट्रवादीचे स्टार प्रचारक वसीम बुऱ्हाण यांनी टोला लगावला. बबनदादा शिंदे आणि करमाळा येथील संजयमामा शिंदे अपक्ष लढण्याऐवजी राष्ट्रवादीच्या घड्याळ चिन्हावर लढले असते, तर तेही कदाचित निवडून आले असते. महाराष्ट्र राज्यात लाडक्या बहिणींच्या लाटेत माढा आणि करमाळा येथे राष्ट्रवादी अजित पवार पक्षाचे आमदार आले असते. बबन दादा शिंदेंनी मोठी चूक केली, अशी प्रतिक्रिया राष्ट्रवादी नेते वसीम बुऱ्हाण यांनी दिली आहे.

अजित पवार काय म्हणाले?

‘बाबासाहेबांनी आपल्याला संविधान दिलं आहे आणि त्यानुसार आपल्याला प्रत्येकाला मत मांडण्याचा अधिकार आहे, आपली भूमिका मांडण्याचा अधिकार आणि बाबांनी त्यांची भूमिका मांडली.’
शिंदेंनी मुख्यमंत्रीपदावरील दावा सोडल्यानंतर फडणवीसांनीचे मोठे वक्तव्य; लोकांच्या मनातील किंतू परंतू…
‘निवडणुकीच्या निकालावरुन बोलताना पवार म्हणाले, काही गोष्टी निवडणूक आयोगाशी संबंधित आहेत, त्यांना स्वायत्तता दिली आहे. त्यांना तो अधिकार दिला आहे. वयस्कर लोकांना मतदान करण्यासाठी जाताना त्रास होऊ नये म्हणून निवडणूक आयोगाने ८५ वर्षीय वरील लोकांसाठी घरी येऊन मत नोंदवून घेतलं जातं. पण बाबा यांना घरी मतदान करणं योग्य न वाटल्यामुळे त्यांनी निवडणूक प्रक्रियेप्रमाणे स्वत: तिथे जात मतदान केलं.’

‘लोकसभा निवडणुकीवेळी महाविकास आघाडीच्या ३१ जागा आल्या, महायुतीच्या १७ जागा आल्या. आम्ही मान्य केलं हा जनतेचा कौल आहे. त्यामध्ये ईव्हीएमबद्दल कोणी बोललं नाही. आम्हीही काही बोललो नाही. माझं बारामतीतील उदाहरण आहे, की मागच्या वेळी मी उभ्या केलेल्या उमेदवाराचा ४८ हजार मतांनी पराभव झाला होता. मात्र लगेच पाच महिन्यांनी झालेल्या निवडणुकीत मी ती ४८ हजारांची भर भरुन काढत १ लाखांच्या वर निवडून आलो. हा जनतेचा कौल आहे. लोकसभेला ताईंना आणि विधानसभेला दादांला, असं जनताच बोलत होती, जनतेला कोण धरणार आहे. जनतेने कोणाचं ऐकलं नाही. आम्हाला विधानसभेत तुम्ही गेला पाहिजेत असं जनता म्हणत होती. पाच महिन्यांनी जनतेचा कौल बदलला त्याना आम्ही काय करणार?’ असा सवाल करत अजितदादांनी विरोधकांना टोला लगावला.
देवेंद्र फडणवीसांनी तर कमालच केली! स्वत:च्या दोन PA ना आमदार केले, हा ट्रेंड काय सांगतोय?
‘१९९९ मध्ये लोकांनी लोकसभेला अटल बिहारी वाजपेयींना मतदान केलं आणि विधानसभेला विलासराव देशमुखांना मतदान केलं होतं. त्यावेळी विलासराव हे मुख्यमंत्री झाले होते. विलासरावांची काँग्रेस आणि राष्ट्रवादी एकत्र आले आणि सरकार स्थापन झालं होतं. आता एकीकडे मतदार लोकसभेला पवार साहेबांना मतदान करत होता आणि विधानसभेला मला मतदान करत होता, तरी पवार साहेबांना बारामती विधानसभा मतदारसंघात ८५ हजारांचं लीड मिळालं आणि मला ५० हजारांचं लीड मिळालं. पण मी असं म्हणालो नाही, की ३५ हजार मला का कमी पडले, हा जनतेचा कौल आहे आणि तो मान्य केलाच पाहिजे.’, असं अजित पवार म्हणाले.
Sharad Pawar : मला त्या रस्त्याने जायचे नाही, पण तुम्हाला दम दिला तर मला कळवा; शरद पवार आक्रमक, नेमकं घडलं तरी काय?

‘काही जणांचे पराभूत उमेदवार आम्हाला सांगत होते की आमचा पराभव झाला, पण तो आमच्यामुळे (महायुती) झाला. त्यांना मी हे सिद्ध करुन दाखवा म्हणालो. नाना पटोले म्हणाले संध्याकाळी मतदान कसं वाढलं? यावर उत्तर देताना अजित पवार म्हणाले, ५ च्या पुढे लोक आल्यानंतर ते रांगेत आले आणि मतदान केलं. माझ्या मतदारसंघात सकाळी ७ ते ९ पर्यंत पाच टक्के मतदान झालं होतं. संध्याकाळी ५ ते संपेपर्यंत मतदानाची टक्केवारी १५ टक्के वाढली. त्यात आमचा दोष नाही. मतदारांनी कधी लाईनमध्ये यायचं आणि कधी मतदान करायचं हा त्यांचा प्रश्न, मी अनेकांनी मतदान करण्यासाठी विनंती करत होतो, पण आम्ही जबरदस्ती करू शकत नाही.’, असं म्हणत त्यांनी विरोधकांकडून होत असलेल्या ईव्हीएम घोटाळा, मतदान संध्याकाळी अचानक कसं वाढलं अशा अनेक मुद्द्यांवर प्रतिक्रिया दिली.

शिंदेंनी मुख्यमंत्रीपदावरील दावा सोडल्यानंतर फडणवीसांनीचे मोठे वक्तव्य; लोकांच्या मनातील किंतू परंतू…

अमित शाहांच्या घरी महाबैठक

गुरुवारी रात्री सुरुवातीला काळजीवाहू मुख्यमंत्री एकनाथ शिंदे अमित शाहांच्या भेटीसाठी त्यांच्या निवासस्थानी पोहोचले होते. त्यानंतर काही वेळाने देवेंद्र फडणवीस, खासदार सुनील तटकरे आणि अजित पवार अमित शाहांच्या भेटीला गेले. गुरुवारी रात्री जवळपास १० वाजून २० मिनिटांपासून महायुतीचे नेते अमित शाहांच्या घरी पोहोचले. महायुतीच्या नेत्यांची अमित शाहांसोबतच्या भेटीनंतर राज्याचे नवे मुख्यमंत्री कोण होणार याची घोषणा होऊ शकते. चले.

Eknath Shinde : एकनाथ शिंदेंच्या मुख्यमंत्री पदासाठी ठाण्यात देवाला साकडे, मंदिरांमध्ये महिलांच्या महाआरत्या, दर्ग्यातही सामूहिक प्रार्थना
एकनाथ शिंदे दिल्लीत पोहोचल्यानंतर त्यांनी माध्यमांशी बोलताना सांगितलं, की बुधवारी घेतलेल्या पत्रकार परिषदेत मी माझी भूमिका स्पष्ट केली आहे. आता हा लाडका भाऊ दिल्लीत आला आहे. माझ्यासाठी लाडका भाऊ हेच सर्वात मोठं पद असल्याचं ते म्हणाले. दरम्यान देवेंद्र फडणवीस आणि एकनाथ शिंदे यांचा अमित शाहांसोबतचा एक फोटो समोर आला आहे. या फोटोमध्ये देवेंद्र फडणवीस स्मित हास्य करताना दिसत आहेत. या फोटोवरुन राजकीय वर्तुळात फडणवीस हेच तिसऱ्यांदा पुन्हा महाराष्ट्राचे मुख्यमंत्री होतील अशी चर्चा होत आहे.

दरम्यान, नुकत्याच झालेल्या विधानसभा निवडणुकीत भाजपच्या नेतृत्वाखालील महायुतीने २८८ जागांपैकी २३० जागा जिंकल्या. भाजपने १३२, शिवसेना ५७ आणि राष्ट्रवादी काँग्रेसने ४१ जागा जिंकल्या. महाविकास आघाडीतील उद्धव ठाकरेंच्या शिवसेनेने (UBT) २० जागा, काँग्रेसने १६ आणि शरदचंद्र पवारांच्या राष्ट्रवादीने (SP) १० जागा जिंकल्या.

नेमकं काय घडलं?

यशवंतराव चव्हाण यांच्या स्मृतिस्थळावर दर्शन घेऊन अजित पवार निघाले होते. त्यावेळी रोहित पवारही आले होते, तेव्हा दादांनी त्यांना दर्शन घे म्हणत पाया पडायला लावले. रोहित पवारांनीही आपल्या काकांना वाकून नमस्कार केला. ढाण्या थोडक्यात वाचलास, माझी सभा झाली असती तर काय झालं असतं, असं म्हणत दादा निघून गेले. सोशल मीडियावर हा व्हिडीओ व्हायरल झालेला पाहायला मिळत आहे.

रोहित पवार काय म्हणाले?

माझे ते काका आहेत म्हणून पाया पडलो. विचारामध्ये भिन्नता आतातरी आहे, शेवटी संस्कृतीप्रमाणे वडीलधारी व्यक्तीच्या पाया पडणं माझी जबाबदारी आहे. २०१९ च्या निवडणुकीला त्यांनी मला खूप मदत केली होती. चव्हाण साहेबांच्या स्मृतिठिकाणावर भेदभाव करून चालत नाही. संस्कृती पाळणं महत्त्वाचं आहे तेच आम्ही केलं आहे. सभा झाली असती तर काही प्रमाणात वर-खाली झालं असतं. उलटंही होऊ शकलं असतं. मात्र ते बारामतीमध्ये अडकून पडले होते. शेवटी ते मोठे नेते होते आणि निर्णय त्यांचा होता. पक्षाचे आमदार निवडून आले चांगली गोष्ट आहे, आम्ही त्याचं अभिनंदन केल्याचं रोहित पवारांनी सागितलं.

लोकसभेला उपमुख्यमंत्री अजित पवारांच्या पत्नी सुनेत्रा पवार तर शरद पवारांच्या कन्या सुप्रिया सुळे यांच्यात लढत झाली. या चुरशीच्या सामन्यात खासदार सुप्रिया सुळे यांचा मोठ्या मताधिक्याने विजय झाला. लोकसभा निवडणुकीनंतर अवघ्या काही दिवसातच विधानसभा निवडणुकांचे बिगुल वाजले. आणि कधी नव्हे ते बारामतीत पवार विरुद्ध पवार असा सामना रंगला. महायुतीकडून उपमुख्यमंत्री अजित पवार तर राष्ट्रवादी काँग्रेस शरदचंद्र पवार पक्षाकडून महाविकास आघाडीचे युगेंद्र पवार यांच्यात हा सामना रंगला. या मतदारसंघातून उपमुख्यमंत्री अजित पवार सलग सात वेळा मोठ्या मताधिक्याने निवडून आले आहेत. योगेंद्र पवार हे पहिल्यांदाच निवडणूक लढवत असले. तरी त्यांना बारामती मतदारसंघातून बहुतांशी अनुकूल वातावरण असल्याचे दिसून आले.

काका विरुद्ध पुतण्या या चुरशीच्या सामन्यात बारामतीकरांनी कोणाच्या बाजूने कौल दिला. हे अवघ्या काही तासातच समजेल. मात्र तत्पूर्वी अजित पवारांचे भावी मुख्यमंत्री,तसेच आठव्यांदा आमदार झाल्याबद्दल हार्दिक अभिनंदन या मजकुराचे फलक बारामतीत जळकू लागले आहेत. सध्या बारामती परिसरात या बॅनरची जोरदार चर्चा सुरू असून, ठिकठिकाणी चर्चा होत आहे. मतदानाच्या दिवशी युगेंद्र पवारांच्या आई शर्मिला पवार यांनी बोगस मतदान केल्याचा आरोप केला होता.

बारामती तालुक्यातील सुपा परगणा परिसरातील प्रशांत शरद बारवकर मित्र परिवाराच्या वतीने बॅनर उभारण्यात आला आहे. सदर बॅनर वर उपमुख्यमंत्री अजित पवारांच्या विजयाचा नाम उल्लेख करत “भावी मुख्यमंत्री” तसेच आठव्यांदा आमदार झाल्याबद्दल हार्दिक शुभेच्छा…या आशयाचा बॅनर लावण्यात आला आहे.

अजित पवार काय म्हणाले..?

सदर केलेला आरोप हा धादांत खोटा आहे. तसं झालेले असेल तर सीसीटीव्ही कॅमेरामध्ये ते रेकॉर्ड झालेले असेल. निवडणूक आयोग बघेल. आज आम्ही एवढ्या निवडणुका पार पाडल्या. मात्र कधीही आमच्या कार्यकर्त्यांनी अशा पद्धतीने कधीही वक्तव्य केलेली नाहीत. आम्ही सुसंस्कृत महाराष्ट्रमध्ये राहत असून, सुसंस्कृतपणा दाखवतो. शाहू, फुले, आंबेडकरांची आमची विचारधारा आहे. त्यामुळे माझा कार्यकर्ता असं करणार नाही, असा माझा माझ्या कार्यकर्त्यांवर ठाम विश्वास आहे, अशी प्रतिक्रिया उपमुख्यमंत्री अजित पवारांनी दिली.
आम्ही व्यवसाय करतो, त्याचा कर भरतो त्यामुळे… शरयू टोयोटातील सर्च ऑपरेशननंतर श्रीनिवास पवार म्हणाले…

शर्मिला पवार काय म्हणाल्या…?

मला कार्यकर्त्यांकडून सांगण्यात आलं की, आम्हाला दबाव येत आहे. दमदाटी केली जात आहे. जीवे मारण्याची धमकी दिली जात आहे. आमच्या लोकांची तक्रार करू नको असाही दम दिला जात आहे. मतदानासाठी येणाऱ्या मतदारांकडे घड्याळ चिन्ह असलेल्या चिठ्ठ्या मला या ठिकाणी आढळून आलेल्या आहेत. सदर चिठ्ठ्या शर्मिला पवारांनी मीडिया समोर दाखवल्या. याबाबत आम्ही संबंधितांकडे लेखी तक्रार करणार आहोत. तसेच धमकी देण्याबाबतही तक्रार करणार आहोत. धमकी देणारे येथील स्थानिक पदाधिकारी, नेते आहेत. त्यांची नावे लवकरच समोर येतील, असं शर्मिला पवार म्हणाल्या.

न्हावरा येथे महायुतीचे उमेदवार माऊली कटके यांच्या प्रचारार्थ अजितदादा पवार यांच्या सभेचे आयोजन करण्यात आले होते. या सभेत अजितदादांनी कार्यकर्त्यांना सावध राहण्याचा सल्ला दिला.
Sharad Pawar : मला त्या रस्त्याने जायचे नाही, पण तुम्हाला दम दिला तर मला कळवा; शरद पवार आक्रमक, नेमकं घडलं तरी काय?
यावेळी अजित पवार यांनी विरोधी उमेदवार अशोक पवार यांना टोला लगावाला की, ‘अशोक बेटा, माझी का बदनामी करतोस?’ भावकी उण्याची वाटेकरी असते. माझी का बदनामी करतो, मी काय त्याचं घोडं मारलं.. बांध रेटला… मी म्हणेल ते खरं… अनेक कंगोरे आहेत तो कारखाना बंद पडला… मला कारखाना बंद पडायचा असता, तर व्यंकटेश बंद पडला असता, मी मदत करणारा कार्यकर्ता आहे असा उल्लेख केला.

अजित पवारांनी स्थानिक रोजगार, लाडकी बहिण योजना, कालव्याचे पाणी, चासकमानचे काम आणि शेतकऱ्यांसाठी दिवसा वीजपुरवठा यांसारख्या मुद्द्यांवर महत्त्वपूर्ण घोषणा केल्या.
Ajit Pawar : पवार साहेबांचे भले मोठे फलक लावले, निवडणुकीत साहेब उभे आहेत का? अजितदादांचा सवाल, भावनिक होऊ नका; दादांचं आवाहन
या सभेत अजित पवार यांनी विरोधकांवर टीका करत, माऊली कटके यांच्या विजयासाठी नागरिकांना एकत्र येण्याचे आवाहन केले. माऊली कटके यांना चांगला प्रतिसाद मिळत असून त्यांचा विजयी तुम्ही करणार असून २३ तारखेला विजयी होणार असल्याचा विश्वास व्यक्त केला.
उद्धव ठाकरेंच्या सभेची तयारी सुरू, मुख्यमंत्र्यांनी कारचा स्पीड कमी करुन वाकून पाहिलं…; फोटोची एकच चर्चा

तसेच “घोडगंगा साखर कारखाना बंद पडला तो आर्थिक गैरव्यवस्थेमुळे. मी मदत करणारा कार्यकर्ता आहे, बदनामी करणारा नाही.” कारखान्याच्या पुनरुज्जीवनासाठी त्यांनी एससीडीसी कर्जाचे काम मार्गी लावण्याची जबाबदारी स्वीकारली असून लवकरच घोडगंगा कारखाना सुरू करणार असून यावर्षी कोणाचेही उसाचे कांडे शिल्लक राहणार नाही, शेजारील सर्व कारखान्यांना ऊस नेण्याची विनंती, प्रसंगी त्यात राज्य शासनाची मदत करण्याचे आश्वासन अजित पवारांनी दिले.

राष्ट्रवादीची फूट बारामतीकरांनाही मोठी अडचणीत टाकणारी ठरते आहे. दोन्ही पवार जवळचेच असल्याने मतदान कोणाला करायचे हा मोठा प्रश्न बारामतीकरांपुढे उभा आहे. त्यातून त्यांना योग्य उमेदवार निवडून मतदान करावे लागणार आहे. यात विशेष बाब अशी की, राष्ट्रवादी पक्षामध्ये फूट पडली तेव्हा शरद पवार गटाकडे बारामतीत पदाधिकारी – कार्यकर्तेही नव्हते. ना स्वतःचे कार्यालय होते. तरीही गेल्या दीड वर्षात त्यांनी ज्या गतीने पक्ष बांधणी करत तालुक्यात मुसंडी मारली ती उल्लेखनीय बाब आहे. विशेष म्हणजे फक्त मुसंडीच मारलेली नाही तर खासदार सुप्रिया सुळे यांनी लोकसभा निवडणुकीत दीड लाखांहून अधिक मतांनी विजय मिळवला आहे आणि त्यांच्या या विजयात बारामतीच्या ४८ हजारांच्या मताधिक्याचा वाटा राहिला आहे.
बंटी पाटलांसारखं वागायला लागलो, तर काँग्रेस सोडून जिल्ह्यात अन्य पक्ष राहणार नाहीत, विश्वजीत कदमांनी शरद पवारांच्या शिलेदाराला घेरले
लोकसभेला ताई आणि विधानसभेला दादा अशी स्थिती मतदार बोलून दाखवत आहेत. प्रत्यक्षात ती अमलात येईल का हे निवडणूक निकालातूनच स्पष्ट होईल. परंतु ज्येष्ठ नेते शरद पवार हे सहजासहजी अजित पवार यांना ही जागा मिळू देणार नाहीत, हे ही तितकेच खरे आहे. अवघ्या सहा महिन्यात युगेंद्र यांनी तालुका पिंजून काढला. विविध स्तरांवर नागरिकांशी संवाद वाढवला. याउलट १९८४ पासून अजित पवार हे प्रत्यक्ष-अप्रत्यक्षरित्या बारामतीशी जोडले गेले आहेत. १९९१ पासून तर ते इथले लोकप्रतिनिधीच आहेत. पवार कुटुंबात कोणाचाच नसेल एवढा दांडगा जनसंपर्क त्यांचा तालुक्यात आहे. शरद पवार हे देशाच्या राजकारणात गेल्यावर राज्याची आणि बारामतीची जबाबदारी अजित पवार यांच्याकडेच होती. त्यातून त्यांनी बारामतीत आपले मजबूत नेटवर्क निर्माण केले आहे. परंतु हे नेटवर्क लोकसभेवेळी त्यांच्या उपयोगी पडल्याचे दिसून येत नाही.
Ajit Pawar : पवार साहेबांचे भले मोठे फलक लावले, निवडणुकीत साहेब उभे आहेत का? अजितदादांचा सवाल, भावनिक होऊ नका; दादांचं आवाहन
गेला महिनाभर प्रचाराच्या निमित्ताने पवार कुटुंबातील अनेक बाबी दोन्ही बाजूंनी समोर आल्या आहेत. बारामतीचे सात वेळा प्रतिनिधित्व करणाऱ्या आणि राज्यात पाच वेळा उपमुख्यमंत्री पद भूषवलेल्या अजित पवार यांना बारामतीसाठी अधिक वेळ द्यावा लागला. या उलट शरद पवार यांनी तालुक्यासाठी एकच दिवस दिला. अजित पवार हे रोज तालुक्यात दोन-तीन गावांना भेटी देत आहेत. दिवाळीत सलग तीन दिवस त्यांनी तालुका पिंजून काढला आहे. त्यांच्या ताब्यातील साखर कारखाने, दूध संघ, खरेदी विक्री संघ, बाजार समिती आणि अन्य संस्थांच्या पदाधिकाऱ्यांना कामाला लावले आहे. अजित पवार यांच्या पक्षाची बारामतीत कागदोपत्री अधिक ताकद दिसते आहे. लोकसभेवेळी सुद्धी ती दिसून येत होती. परंतु मतदार हाच लोकशाहीत अंतिम निर्णय घेणारा असतो, याची चुणूक त्या निवडणुकीने दाखवून दिली.

आता या कौटुंबिक लढाईत अजित पवार यांचा विकासाचा मुद्दा लोकांना भावतो की शरद पवार यांचे भावनिक आवाहन भावते हे निवडणूक निकालातून दिसून येईल. अजित पवार यांनी लोकसभेतील पराभवानंतर कोणतीही कसूर ठेवलेली नाही. सगळी यंत्रणा त्यांनी कामाला लावली आहे. दुसरीकडे शरद पवार यांनी अद्याप आपले पत्ते खुले केलेले नाहीत. मतदानाला अजून तीन दिवसांचा अवकाश आहे. या तीन दिवसात बारामतीत काय घडामोडी घडतात, यावर निवडणूक निकाल अवलंबून असेल.

अजित पवारांच्या व्यक्तव्यावर विनोद तावडे काय म्हणाले?

बटेंगे तो कटेंगे या घोषणेवर विनोद तावडे म्हणाले, की जेव्हा युती तयार होते, तेव्हा ती समान किमान कार्यक्रमांच्या आधारे तयार होते. अजितदादांनी जे सांगितलं ते त्यांच्या विचारांनुसार आणि त्यांच्या व्होटबँकेनुसार योग्य असू शकतं, पण राष्ट्र आणि महाराष्ट्राची प्रगती होण्याचा ज्यांचा विचार आहे, त्यांची मतं फुटतील, असं ते म्हणाले.
अशोक चव्हाण लेकीसाठी, तर सुनेसाठी खतगावकर मैदानात; नांदेडमध्ये सख्ख्या दाजी आणि मेव्हण्याची प्रतिष्ठा पणाला!
पुढे ते म्हणाले, महायुतीमधील प्रत्येक पक्षाकडे भाजप, शिवसेना आणि एनसीपीकडे आपल्या व्होट बँक आहेत आणि प्रत्येकाला आपली व्होट बँक समजेल त्या भाषेत बोलायचे आहे. जर एक महिना आधीची गोष्ट असती, तर चित्र अस्पष्ट होतं. कारण कोणता नेता कोणत्या पक्षाचा आणि आणि कोणत्या पक्षाचा नेता, कोणत्या दुसऱ्या पक्षात जातो, हेच अस्पष्ट होतं. पण आता हळूहळू गोष्टी स्पष्ट झाल्या आहेत. या निवडणुकीचे निकाल हे मायक्रो लेव्हल मॅनेजमेंटवर अधिक अवलंबून आहेत, आणि यावर भाजप आणि महायुतीने चांगलं काम केलं आहे.

भाजपच्या ९५ ते १०५ जागा येतील – तावडे

विनोद तावडे यांनी महायुतीच्या जागांबाबत बोलताना १५५-१६० जागा येतील असा विश्वास व्यक्त केला आहे. भाजप ९५ – १०५ जागा जिंकेल, हा आकडा वाढूही शकतं असंही ते म्हणाले. तसंच आम्ही एक चांगलं बहुमत असलेलं सरकार स्थापन करण्यात यशस्वी होऊ असंही मत त्यांनी व्यक्त केलं आहे.

विधानसभा निवडणुकीच्या पार्श्वभूमीवर उपमुख्यमंत्री अजित पवार प्रचारासाठी बारामतीत आले होते. बारामतीतील लोणी भापकर, जळगाव क.प, मेडद या ठिकाणी त्यांनी मतदारांशी संवाद साधला. दरम्यान त्यांना पत्रकारांनी पाच वर्षांपूर्वी गौतम आदमी आणि अमित शहा यांनी मध्यस्थी केली होती. असा प्रश्न केला असता, पवार म्हणाले की,नाही अशी काही मध्यस्थी झाली नाही, अशी प्रतिक्रिया उपमुख्यमंत्री अजित पवारांनी दिली.

सध्या राज्यात निवडणुकांची रणधुमाळी सुरू आहे. प्रत्येक पक्षाकडून आपला उमेदवार निवडून आणण्यासाठी जोरदार व्यूहरचना आखून प्रचार सुरू आहे. अशातच उपमुख्यमंत्री अजित पवारांनी एका वृत्तवाहिनीला दिलेल्या मुलाखतीत गौप्यस्फोट केला होता. याची सर्वत्र जोरदार चर्चा सुरू आहे. याची जोरदार चर्चा सुरू असतानाच उपमुख्यमंत्री अजित पवारांना याच विषयावर पत्रकारांनी विचारल्यावर त्यांनी आज छेडले असता त्यांनी गौतम अदानी बैठकीला उपस्थित नव्हते म्हटल्याने दादांनी यू-टर्न घेतल्याचं बोललं जात आहे.

अशी कोणतीही मीटिंग झाली नाही- सुप्रिया सुळे

मी ऑन कॅमेरा सांगते, अशी कुठलीही मीटिंग झाली त्याची माहिती मला नाही. झाली की नाही ते मला माहिती नाही. आम्हाला कुणालाच माहिती नव्हतं, हे मी या आधी सांगितलेलं आहे. मला अजूनही तो दिवस आठवतो मी सकाळी झोपले होते. सदानंद सुळे यांनी मला उठवलं आणि सांगितले की टीव्ही बघा काय सुरु आहे, असं सुप्रिया सुळे यांनी म्हटलं आहे.