apple - TEJPOLICETIMES

IPhone Assembling: ॲपलने जागतिक स्तरावर असेंबल केलेल्या एकूण आयफोनपैकी १४ टक्के आयफोन भारतात असेंबल केले आहेत. यासह जागतिक इलेक्ट्रॉनिक्स निर्यातीत भारताच्या क्रमवारीत चार स्थानांनी वाढ झाली आहे. गेल्या आर्थिक वर्षात, अमेरिकेबरोबरची मोबाईल फोनसह इलेक्ट्रॉनिक्सची निर्यात वाढून 5.7 अब्ज डॉलर झाली, जी 2022-23 मध्ये 2.2 अब्ज डॉलर होती.

महाराष्ट्र टाइम्स.कॉम

आर्थिक सर्वेक्षणात म्हटले आहे की, 2023-24 या आर्थिक वर्षात ॲपलने जागतिक स्तरावर असेंबल केलेल्या एकूण आयफोनपैकी 14 टक्के आयफोन भारतात असेंबल केले आहेत.संपूर्ण आर्थिक वर्षात Apple ने भारतात 14 अब्ज डॉलर किमतीचे आयफोन असेंबल केले आहेत. 2021-22 या आर्थिक वर्षात भारताच्या इलेक्ट्रॉनिक्स उत्पादन क्षेत्राचा जागतिक बाजारपेठेतील हिस्सा 3.7 टक्के होता. या काळात या उद्योगाने भारताच्या जीडीपीमध्ये चार टक्के योगदान दिले आहे. 2022-23 या आर्थिक वर्षात भारतात 8.22 लाख कोटी रुपयांची इलेक्ट्रॉनिक्स उत्पादने आणि 1.9 लाख कोटी रुपयांची उत्पादने निर्यात करण्यात आली.

इलेक्ट्रॉनिक्स क्षेत्रातील मोबाईल फोन सेगमेंटमध्ये सर्वाधिक वाढ

अर्थमंत्री निर्मला सीतारामन यांनी संसदेत सादर केलेल्या सर्वेक्षणात असे म्हटले आहे की, इलेक्ट्रॉनिक्स क्षेत्रातील मोबाईल फोन सेगमेंटने सर्वाधिक वाढ अनुभवली आहे आणि अमेरिकेतील निर्यात 2022-23 या आर्थिक वर्षात 2.2 बिलियन अमेरिकन डॉलरवरून आर्थिक वर्ष 2024 मध्ये 5.7 बिलियन अमेरिकन झाली आहे. .

जागतिक इलेक्ट्रॉनिक्स निर्यातीत भारताचा वाटा मोठा

“जागतिक इलेक्ट्रॉनिक्स निर्यातीत भारताचा वाटा 2018 मधील 0.63 टक्क्यांवरून 2022 मध्ये 0.88 टक्क्यांपर्यंत वाढला आहे. अशा प्रकारे, जागतिक इलेक्ट्रॉनिक्स निर्यातीत भारताची निर्यात (रँकिंग) 2018 मधील 28 व्या
स्थानावरून 2022 मध्ये 24 व्या स्थानावर पोहोचली आहे. भारताच्या व्यापारी वस्तूंच्या निर्यातीमधील इलेक्ट्रॉनिक वस्तूंचा वाटा आर्थिकवर्ष 2019 मधील 2.7 टक्क्यांवरून आर्थिक वर्ष 2024 मध्ये 6.7 टक्क्यांपर्यंत वाढला ,” असे सर्वेक्षणात म्हटले आहे.

भारताच्या इलेक्ट्रॉनिक्स उत्पादन क्षेत्रामध्ये लक्षणीय वाढ

सर्वेक्षणात असे नोंदवले गेले आहे की, भारताच्या इलेक्ट्रॉनिक्स उत्पादन क्षेत्राने 2014 पासून लक्षणीय वाढ अनुभवली आहे. या क्षेत्रातील आर्थिक वर्ष 2022 मध्ये जागतिक बाजारपेठेच्या अंदाजे 3.7 टक्के वाटा भारताचा आहे. इलेक्ट्रॉनिक वस्तूंचे देशांतर्गत उत्पादन लक्षणीय वाढून 8.22 लाख कोटी रुपयांवर पोहोचले आहे, तर आर्थिक वर्ष 2023 मध्ये निर्यात 1.9 लाख कोटी रुपयांपर्यंत वाढली आहे. या क्षेत्रातील गुंतवणुकीसाठी भारत हे एक आकर्षक ठिकाण बनले आहे आणि देशात मोठ्या प्रमाणावर उत्पादन क्षमता प्रस्थापित झाली आहे.

पीएलआय योजनेची महत्वाची भूमिका

इलेक्ट्रॉनिक्स क्षेत्रात, स्मार्टफोन उत्पादन आणि असेंबलीवर लक्ष केंद्रित केले जाते. सरकारची पीएलआय योजना कंपन्यांना आकर्षित करण्यात महत्त्वपूर्ण भूमिका बजावते. कारण यात कर सूट आणि सबसिडी समाविष्ट आहेत. भारतातील देशांतर्गत स्मार्टफोनच्या मागणीत वाढ हा देखील कंपन्यांमध्ये एक महत्त्वाचा घटक आहे.

मोबाईल फोन उत्पादनातील कर्मचारी संख्येत वाढ

आर्थिक वर्ष 2017 ते आर्थिकवर्ष 2022 या कालावधीत मोबाईल फोनच्या उत्पादनातील प्रत्यक्ष कर्मचाऱ्यांची संख्या तिपटीने वाढली आहे, विशेषत: महिला ब्लू-कॉलर कामगारांना याचा फायदा झाला आहे. फेज 1 आणि फेज 2 दरम्यान मजुरी आणि पगार 317 टक्क्यांनी वाढला आहे. असे सर्वेक्षणात म्हटले आहे. .

लेखकाबद्दलनंदिता रामेश्वर थोरातनंदिता थोरात हिने मास कम्युनिकेशन अँड जर्नालिझममध्ये मास्टर्स केले आहे. तिला पब्लिक रिलेशन्स, न्युज रायटिंग, फीचर रायटिंग, स्क्रिप्ट रायटिंग, एडिटिंग आदी मीडिया संबंधित कामांचा जवळपास १० वर्षांचा अनुभव आहे. जनरल फीचर्स, फायनान्स फीचर्स नंतर ती आता टेक्नोलॉजी विषयी लिहीत आहे. कामाव्यतिरिक्त तिला वाचनाची विशेष आवड असून हिंदी सिनेमा बघणे तसेच त्यावर समीक्षण नोंदवणेही आवडते…. आणखी वाचा

‘मेसेज डिलीट झाल्याचं सांगितलं असेल तर तो डिलीट झालाय असंच समजणार’

या व्यक्तीने टाईम्सला सांगितले की, जर तुम्हाला एखादा मेसेज डिलीट करण्यात आल्याचं सांगण्यात आले, तर तो डिलीट झाला आहे, असे मानण्याचा तुम्हाला अधिकार आहे. जर मेसेजमध्ये असे लिहिले असते की हे मेसेज फक्त या उपकरणातून डिलीट केले गेले आहेत. तरी तुम्हाला एक इशारा नक्कीच मिळाला असता. त्यामुळे केवळ या उपकरणात मेसेज डिलीट करण्यात आला आहे, असे म्हणणे अधिक स्पष्टपणे सूचित करणारं असेल, असंही ते म्हणाले.

घटस्फोटासाठी अ‍ॅपल जबाबदार

आपल्या घटस्फोटासाठी Apple जबाबदार असल्याचं सांगत त्याने कायदेशीर कारवाईची मागणी केली आहे. तसेच, तांत्रिक गैरसमजामुळे अशाप्रकारच्या परिस्थितींना सामोरे जावे लागलेल्या इतर लोकांचे प्रतिनिधित्व करण्यासाठी सामूहिक खटला दाखल करण्याचा विचार करत आहे. ज्यांना त्यांचा फोन कसा वापरायचा हे माहित नाही अशा इतर पुरुषांकडून त्याला सामूहिक खटला दाखल करायचा आहे, असंही त्याने सांगितलं.

48MP चा कॅमेरा मिळेल

गॅजेट 360 च्या एका रिपोर्टनुसार, iPhone 16 Pro Max 48MP Sony IMX903 मेन सेन्सरसह येईल, जो सध्या आयफोन 15 प्रो मॉडेलमध्ये मिळणाऱ्या लेन्सचा अपग्रेडेड व्हर्जन आहे. त्याचबरोबर यात 5x झूम देखील दिला जाईल.

असे असू शकतात इतर स्पेसिफिकेशन

अलीकडेच आलेल्या रिपोर्ट्स व लीक्सनुसार, आयफोन 16 प्रो मॅक्स मध्ये 4,676mAh ची बॅटरी दिली जाऊ शकते, जी 30 तासांपर्यंतचा बॅकअप देऊ शकते. यात A18 Pro प्रो चिप मिळेल. इतकेच नव्हे तर फोनमध्ये मोठा सुपर रेटिना डिस्प्ले देखील दिला जाईल, ज्याचा रिफ्रेश रेट 120Hz असेल. तसेच, हा फोन ब्लॅक, व्हाइट या सिल्व्हर, ग्रे आणि रोज शेड कलरमध्ये उपलब्ध होईल.

कधी होईल लाँच

Appleनं अजूनतरी iPhone 16 सीरीजच्या लाँच बद्दल कोणतीही माहिती दिली नाही. परंतु याआधी आलेल्या लीक्सनुसार, ही स्मार्टफोन सीरीज सप्टेंबरच्या दुसऱ्या किंवा तिसऱ्या आठवड्यात लाँच केली जाईल. याची किंमत 1 लाख रुपयांच्या आसपास असण्याची शक्यता आहे.

iPhone 15 Pro Max

आयफोन 15 प्रो मॅक्स गेल्यावर्षी सप्टेंबर मध्ये लाँच करण्यात आला होता. हा सीरिजमधील सर्वात महाग आयफोन आहे. याची किंमत 1,59,900 रुपये आहे. या फोनमध्ये 6.7 इंचाचा सुपर रेटिना डिस्प्ले देण्यात आला आहे. याची स्क्रीन प्रो-मोशन आणि ऑलवेज ऑन डिस्प्ले फीचर्ससह येते. याच्या बॉडीमध्ये टायटेनियमचा वापर करण्यात आला आहे. यात अ‍ॅक्शन बटन मिळतो. फास्ट फंक्शनिंगसाठी फोनमध्ये A17 Pro चिप देण्यात आली आहे.

आयफोन 15 प्रो मॅक्स मध्ये 48MP चा ट्रिपल रियर कॅमेरा सेटअप आहे. यात 10एक्स ऑप्टिकल झूम देण्यात आला आहे. यात क्रॅश डिटेक्शन सारखे फीचर्स मिळतात. या फोनमध्ये 29 तास चालणारी बॅटरी देण्यात आली आहे.

Apple आज जगातील सर्वात मोठ्या स्मार्टफोन उत्पादकांपैकी एक आहे, त्यांना दरवर्षी मिळणाऱ्या यशामुळे त्यांचे iPhones जगभरात सर्वाधिक पसंत केले जातात. परंतु, तुम्हाला हे जाणून आश्चर्य वाटेल की, अशा प्रसिद्ध आयफोनच्या निर्मितीमागे अनेक कुशाग्र बुद्धिमत्तेच्या टीमसह हा मोबाईल बनविण्याबाबत सुरवातीपासूनच साशंक चालणारे एक सीईओ देखील होते. आयफोनची आज विक्रमी विक्री होत असली, तरी Apple सह-संस्थापक स्टीव्ह जॉब्स नेहमी या कल्पनेच्या बाजूने नव्हते. खरं तर, सुरुवातीला त्यांचा असा विश्वास होता की ॲपल ने स्वतःचे फोन बनविणे योग्य नाही.

ॲपल आयफोन बनवण्यामागे रंजक कथा

ॲपलने असा यशस्वी आयफोन बनवण्यामागे एक रंजक कथा आहे. ‘द वन डिव्हाईस: द सीक्रेट हिस्ट्री ऑफ द आयफोन’ या पुस्तकात लेखक ब्रायन मर्चंट स्पष्ट करतात की, ॲपलचे सह-संस्थापक स्टीव्ह जॉब्स सुरुवातीला स्मार्टफोन बनवण्याच्या विरोधात होते. 2005 मध्ये, स्टीव्ह जॉब्स म्हणाले, “फोन बनवताना समस्या अशी आहे की, आम्हाला फोन युजर्सपर्यंत पोचवण्यासाठी अनेक मोबाईल नेटवर्क कंपन्यांशी (एअरटेल, जिओ सारख्या) वाटाघाटी कराव्या लागतील आणि आम्ही या कामात फारसे काही चांगले नाही.’’ कोणता फोन आपल्या नेटवर्कवर चालवायला कोणती कंपनी परवानगी देईल याचीही त्यांना चिंता होतीच. तसेच,त्यांना असे वाटले की, कदाचित स्मार्टफोन फक्त ठराविक लोकांपुरतेच मर्यादित राहतील आणि प्रत्येकासाठी फायदेशीर नसतील.

इंजिनिअर्सनी गुप्तपणे केले तंत्रज्ञान तयार

ज्या वेळी स्टीव्ह जॉब्सला आयफोन बनवायला लावले जात होते, त्याच वेळी आयफोन बनवणाऱ्या टीमचे इंजिनीअर गुप्तपणे फोन ऑपरेट करण्यासाठी नवीन ‘मल्टी-टच टेक्नॉलॉजी’ तयार करत होते. हे तंत्रज्ञान इतके खास होते की ही खऱ्या अर्थाने एक कमाल असल्याची स्वतः ला खात्री होईपर्यंत त्यांनी ते जॉब्सना ते दाखवले नाही.

ॲपल निर्मितीसाठी स्टीव्हला पटवून दिले जात होते.

ब्रायन मर्चंटने त्याच्या पुस्तकात अँडी ग्रिग्नॉन या सीनिअर आयफोन इंजिनीअरचा उल्लेख केला आहे, जे म्हणतात की, “ॲपलसाठी फोन बनवणे ही एक चांगली कल्पना असल्याचे कार्यकारी संघाकडून स्टीव्हला पटवून दिले जात होते. त्यांना यशाचा कोणताही स्पष्ट मार्ग दिसत नव्हता”. नंतर, आयफोनच्या फायनल डेव्हलपमेंट नंतर आयफोन वापरून कॉल करणारा डी ग्रिग्नन हा पहिला व्यक्ती बनला.

आणि स्टीव्ह राजी झाले

दरम्यान, ॲपल कर्मचारी स्टीव्ह जॉब्स यांना राजी करत असतांनाच ॲपलचे उपाध्यक्ष मायकेल बेल यांनी 7 नोव्हेंबर 2004 रोजी रात्री उशिरा स्टीव्ह जॉब्स यांना एक ईमेल देखील लिहिला. या ईमेलमध्ये त्यांनी फोन बनवण्याचे फायदे सांगितले. या प्रदीर्घ ईमेलनंतर स्टीव्ह जॉब्स आणि मायकेल बेल यांनी तासनतास चर्चा केली आणि शेवटी जॉब्सने होकार दिला. संभाषणानंतर, जॉब्स म्हणाले, ‘ठीक आहे, मला वाटते की आपण हे केले पाहिजे.’

‘ही’ भीती होती

स्टीव्ह जॉब्सना सुरुवातीला आयफोन बनवण्यात रस नसल्याचे मुख्य कारण म्हणजे स्मार्टफोनमुळे त्यांच्या आयपॉडची विक्री कमी होऊ शकते याची त्यांना भीती होती. दरम्यान, ब्रायन मर्चंटने सीएनबीसीला एका मुलाखतीत सांगितले की, जॉब्स अशा फोनसाठी तयार आहेत जो वापरण्यास सोपा आणि मजेदार असेल. सोप्या शब्दात, जॉब्सला फोन तयार करण्यासाठी या दोन्हीही गोष्टीं हव्या होत्या एक म्हणजे, त्या फोनने iPod ची जागा घेऊ नये आणि दुसरे म्हणजे ते वापरण्यात सोपा आणि ग्राहकांना नवीन अनुभव देणारा असावा.

ॲपल ऑफिसमध्ये ठेवली गुप्तता

आता स्टीव्ह जॉब्सला फोन बनवण्याची खात्री होती, पण त्याने संपूर्ण ॲपल ऑफिस आणि कर्मचाऱ्यांमध्ये आयफोनबद्दल गुप्तता ठेवली. हा फोन बनवणाऱ्या स्पेशल टीमलाच याची माहिती होती. जॉब्सचा या टीमवर विश्वास होता. ब्रायन मर्चंट त्यांच्या मुलाखतीत म्हणतात की, ‘येथे प्रत्येक स्तरावर काम करणाऱ्या लोकांचे योगदान नसते तर आयफोन कधीच बनला नसता.’