Beed Murder News : बीड शहर पोलिसांची यशस्वी कामगिरी करत हत्येचा ४८ तासात छडा लावला आहे. मुख्य आरोपी पुण्यावरून अटक करण्यात आला असून सर्व आरोपींना ताब्यात घेण्यात आलं आहे.

महाराष्ट्र टाइम्स.कॉम

दीपक जाधव, बीड : दोन दिवसांपूर्वी मध्यरात्री मोंढा रोडने नदीच्या कडेला तांदळवाडी हवेली येथील तरुणाची दगडाने ठेचून हत्या करण्यात आली होती. सुरुवातीला मृत तरुणाची ओळख सुद्धा पटत नव्हती, परंतु बीड शहर पोलिसांनी अतिशय बारकाईने तपास करून मृताची ओळख तर पटवली. इतकंच नाही तर पोलिसांनी या हत्येतील सर्व चारही मारेकऱ्यांना ४८ तासाच्या आत अटक केली आहे. यातील मुख्य दोन आरोपी हे हत्येनंतर पुणे येथे फरार झाले होते. माहितीच्या आधारे इतर दोन आरोपींना पुणे येथून अटक करण्यास बीड शहर पोलिसांना यश आले आहे.
Jhansi Hospital Fire : भीषण आगीतून ५ बाळांना वाचवलं, पण माझं बाळ अजून मिळालं नाही… हतबल वडिलांनी सांगितली सुन्न करणारी घटना
आता आरोपींना अटक झाल्यानंतर हत्या कशी आणि का करण्यात आली याची संपूर्ण माहिती समोर आली आहे. ज्या ठिकाणी हत्या झाली ते ठिकाण निर्जन ठिकाण आहे. त्या ठिकाणी यातील महिला आरोपी अनिता नरसिंह आदमाने (रा. माळीवेस बीड) तिने तात्पुरते राहण्याची निवास व्यवस्था केली आहे. त्या महिलेकडे सैयद मजहर याचे जाणे येणे असायचे. परंतु तिच्याकडे इतर कोणी आलेले त्याला आवडायचे नाही. पुणे इथून अटक केलेले आरोपी रामू बंडू चित्रे (रा. यादवाचा मळा माळीवेस) आणि गणेश वसंत माने (रा. माळीवेस चौक) हे दोघे यांचे तेथे येणे जाणे वाढले होते.
सॉफ्टवेअर इंजिनिअरने एकाच कुटुंबातील ५ जणांना संपवलं, पोलीस तपासात हत्याकांडबाबत धक्कादायक माहिती उघड
घटनेच्या दिवशी रामू आणि गणेश हे दोघेजण तेथे दारू पीत बसले होते. खरं तर एका गुन्ह्यामुळे रामूच्या मागावर पेठ बीडची पोलीस होती, म्हणून तो तिथे लपण्यासाठी आला होता. परंतु यातील मृत सय्यद मजहर हा रात्री बारा वाजताच्या सुमारास तेथे येऊन रामू आणि गणेशला काठीने मारहाण करू लागला. त्यामुळे तिथून ते निघून जाऊ लागले. ते नदीच्या कडेने जात असता सय्यदने परत पाठीमागून रामूला आणि गणेशला दगड मारायला सुरुवात केली. तो ऐकत नाही हे पाहून रामू आणि गणेश यांनी दोघांनी त्याला दगडाने ठेचून आणि काठीचे घाव डोक्यात घालून जागीच ठार केले.

Crime News : तरुणाची निर्घृण हत्या, चेहऱ्यावरुन ओळख पटेना तरी पोलिसांनी ४८ तासात असा लावला छडा

दुसऱ्या दिवशी सकाळी यातील सर्व आरोपी चार ठिकाणी जाऊन बसले. आपल्याला काहीच माहिती नाही असा बनाव त्यांनी केला. परंतु पोलिसांनी सर्व प्रकरणाची माहिती समोर आणली आणि आरोपींना ४८ तासाच्या आत अटक केली. पुणे येथून रामू आणि बंडू याला अटक करण्यासाठी डीबी पथकाने मेहनत केली.

ही कारवाई पोलीस अधीक्षक अविनाश बारगळ, अपर पोलीस अधीक्षक सचिन पांडकर, उपविभागीय पोलिस अधिकारी विश्वंभर गोल्डे यांचे मार्गदर्शनाखाली पोलीस निरीक्षक शितलकुमार बल्लाळ, बाबा राठोड, उमेश निकम, रियाज शेख, पोलीस अंमलदार सुशेन पवार, विकी सुरवसे, आयटीसीएल पोलीस नाईक जयसिंग वायकर, अश्फाक सय्यद आणि मनोज परजने यांनी केली आहे.

Beed Minor Girl Assault: पेठ बीड पोलीस ठाणे हद्दीतील मोमीनपुरा भागात एका धार्मिक शिक्षण संस्थेत शिक्षण घेण्यासाठी ही ११ वर्षीय विद्यार्थिनी जात होती.

Lipi

दिपक जाधव, बीड : बीड पोलीस ठाणे हद्दीत काही दिवसापूर्वी भोळसर अल्पवयीन मुलीवर झालेल्या अत्याचाराची घटना ताजी असतानाच पुन्हा एकदा एका ११ वर्षीय मुलीवर अत्याचाराची घटना समोर आल्याने पुन्हा एकदा मोठी खळबळ उडाली आहे. मुलींच्या सुरक्षेचा प्रश्न आता ऐरणीवर आला आहे. क्लासवरुन घरी येणाऱ्या एका ११ वर्षीय विद्यार्थिनीवर शिक्षण देणाऱ्या एका नराधमाने सतत तीन महिने बलात्कार केल्याची धक्कादायक माहिती समोर आली आहे. अखेर मुलीने हा प्रकार आपल्या आई-वडिलांना सांगितल्यानंतर मुलीच्या आई-वडिलांनी तात्काळ पेठ बीड पोलीस ठाणे गाठले. अत्याचार करणाऱ्या त्या नराधमाला पोलिसांनी रात्री ताब्यात घेतले असून या प्रकरणी पेठ बीड पोलीस ठाण्यात गुन्हा दाखल करण्याची प्रक्रिया रात्री उशिरापर्यंत सुरू होती. सदरील व्यक्ती हा एका उर्दू शाळेवर शिक्षक असल्याचीही माहिती पोलिसांनी दिली.

पोलिसांकडून मिळालेल्या माहितीनुसार, पेठ बीड पोलीस ठाणे हद्दीतील मोमीनपुरा भागात एका धार्मिक शिक्षण संस्थेत शिक्षण घेण्यासाठी ही ११ वर्षीय विद्यार्थिनी जात होती. त्याठिकाणी या सदरील विद्यार्थिनीवर सतत तीन महिने अत्याचार केला. तीन महिन्यापासून विद्यार्थिनीने कोणालाही काही याबाबत सांगितले नाही. अखेर या अत्याचाराला कंटाळून अखेर त्या मुलीने आपल्या आई वडिलांना याबाबत सांगितल्यानंतर तिच्या आई-वडिलांनी तात्काळ पेठ बीड पोलीस ठाणे गाठून याबाबत पोलिसांना माहिती दिली. पेठ बीड पोलिसांनी तात्काळ आरोपीला अटक करत गुन्हा दाखल करण्याची प्रक्रिया सुरू केली आहे. पेठ बीड पोलीस ठाण्यात नागरिकांची मोठ्या प्रमाणावर गर्दी झाली होती. ही घटना निंदनीय असून समाजाला काळीमा फासणारी आहे.
Ajit Pawar on CM Face : पुढचा मुख्यमंत्री कुणाचा हे ठरलंय, अजितदादा स्पष्टच बोलले, चेहरा ठरवणं ही आमची…

माजी आमदाराच्या गाडीवर बीडमध्ये दगडफेक

दरम्यान, काही दिवसांपूर्वी केज विधानसभेच्या माजी आमदार प्रा. संगीताताई ठोंबरे या केज तालुक्यातील दहिफळ वड माऊली येथील लोकशाहीर आण्णाभाऊ साठे यांच्या जयंतीनिमित्त दहिफळ वडगाव येथे आल्या होत्या. अण्णाभाऊ साठे यांना अभिवादन करून सायंकाळी ६:०० वाजता त्या ऋषी गदळे यांच्याकडे घरी चहापाण्यासाठी जात असताना विजय उत्तमराव गदळे यांनी त्यांच्या गाडीवर दगडफेक केली. यात गाडीचा ड्रायव्हरच्या बाजूचा काच फुटून तो दगड गाडीचा चालक किशोर बबन मोरे याला लागला. त्या नंतर तोच दगड गाडीमध्ये बसलेल्या माजी आमदार संगीता ताई ठोंबरे यांना लागून त्याही जखमी झाल्या. त्यांच्यावर उपजिल्हा रुग्णालय केज येथे उपचार करण्यात आला.

बीड: आतापर्यंत आपण एखाद्या व्यक्तीने आपल्या कुटुंबातील व्यक्ती हरवल्याची तक्रार दिली तर त्यांना ती व्यक्तींचा तपास पोलिस करत असल्याचं आपण पाहतो. मात्र एका व्यक्तीला आपली बायको हरवल्याची तक्रार देणं चांगलचं महागात पडलंय. तक्रार दिल्यानंतर पोलिसांनी पतीला आणि सासरच्यानाच तपासाअंती हातात बेड्या पडल्या आहेत.

बीडच्या धारूर पोलीस ठाण्यात शहरातील कृष्णा शेटे वय ३४ वर्ष या विवाहित तरुणाने तक्रार दिली, की माझी १९ वर्षीय पत्नी हरवली आहे. तीचा आम्ही शोध घेतला, मात्र आम्हाला ती सापडली नाही. त्यामुळं तिचा तपास करावा, अशी फिर्याद पती असणाऱ्या कृष्णाने दिली होती.
त्यानंतर धारूर पोलीस ठाण्याचे सहाय्यक पोलीस निरीक्षक, विजय आटोळे यांनी तपासाला गती देत शोधमोहीम सुरू केली. यादरम्यान ती अहमदनगर जिल्ह्यातील निर्मळ पिंपरी येथे परळीच्या रोहित लांबूटे या तरुणासोबत सापडली.

त्यानंतर पोलिसांनी विवाहितेसह तिच्यासोबत असणाऱ्या रोहित लांबूटेला धारूर पोलिस ठाण्यात आणल्यानंतर चौकशी केली असता ती स्वतःहून रोहित लांबूटे याच्यासोबत गेल्याचं तिने सांगितलं. मात्र, या दरम्यान पोलिसांना संबंधित विवाहितेचे वय कमी असल्याचा संशय आल्याने, तिच्या आधार कार्डची तपासणी करण्यात आली. यावेळी त्या आधार कार्डवर तिची जन्मतारीख २४ एप्रिल २००८ असून ती अल्पवयीन असल्याचं समोर आलं. तर याविषयी पोलिसांनी विवाहितेच्या शाळेत जाऊन चौकशी केली, असता ती केवळ १४ वर्ष ९ महिन्याची असल्याचं समोर आलंय.

वाचाः आता औरंगाबाद ते पुणे गाठता येणार अवघ्या दोन तासांत; गडकरींनी सांगितला फ्यूचर प्लान

दरम्यान, ही माहिती समोर येतात धारूर पोलीस ठाण्याच्या महिला पोलीस कर्मचारी, दीक्षा चक्रे यांच्या फिर्यादीवरून, बीडच्या युसुफ वडगाव पोलीस ठाण्यामध्ये, ३४ वर्षीय पती कृष्णा शेटे याच्यासह, बालविवाह लावून देणारे अल्पवयीन विवाहितेच्या मामा-मामी, आई-वडील, भाऊ तर पती असणाऱ्या कृष्णा शेटे याच्या आईसह नातेवाईकांवर, बालविवाह प्रतिबंधक कायद्यानुसार गुन्हा दाखल करण्यात आला आहे.

बायको हरवल्याची तक्रार द्यायला गेला आणि बालविवाहाच्या गुन्ह्यात अडकला असा प्रकार कृष्णा शेटे यांच्या बाबतीत घडला आहे. कृष्णा शेटे याने बायको हरवल्याची तक्रार दाखल केली होती. मात्र माहिती असूनही अल्पवयीन मुलीसोबत विवाह केल्याचे त्याने लपवून ठेवले. यामुळे तक्रार द्यायला गेले आणि आरोपी बनले, अशी गत कृष्णा शेटे यांची झाली आहे. तर विवाहितेसोबत सापडलेल्या रोहित लांबूटे याच्या विरोधात तक्रार नसल्याने तो सुटला आहे. दरम्यान या सर्व आरोपींवर कडक कारवाई करावी अशी मागणी चाइल्डलाईनचे सदस्य तत्वशील कांबळे यांनी केलीय.

वाचाः पठ्ठ्यानं करुन दाखवलं! शेतकरी कुटुंबातील मुलगा झाला RTO इन्स्पेक्टर

बायको हरवल्याची तक्रार देणं पती असणाऱ्या कृष्णा शेटेला चांगलंच महागात पडलंय. अल्पवयात मुलीचे हात पिवळे करणाऱ्या १० व्यक्तींच्या हातात पोलिसांनी बेड्या ठोकल्या आहेत. यामुळे या बालविवाहाची अनोखी चर्चा बीड जिल्ह्यात सुरू आहे.

बीड : मोठ्या हौसेने अडीच लाख देऊन लग्न करून आणलेली नवरी पळून जाण्याच्या तयारीत असताना मैत्रिणीसह पकडल्याचा प्रकार बीड शहरात घडला होता. ही घटना ताजी असतानाच नेकनूर पोलीस ठाण्याच्या हद्दीतही एका तरुणाकडून लग्नासाठी दोन लाख रुपये उकळले आणि त्यानंतर लग्न लावून आणलेली नवरी रात्रीतून अंगावरील एक लाख रुपये किंमतीच्या दागिन्यासह पसार झाल्याची धक्कादायक घटना उघडकीस आली आहे. याप्रकरणी लुटारू नवरीसह चौघांवर गुन्हा दाखल करण्यात आला आहे.

नेकनूर पोलीस ठाणे हद्दीतील २८ वर्षीय राजेश (काल्पनिक नाव) शेती व्यवसाय करतो. राजेशच्या मोठ्या भावाचं लग्न झालं आहे, मात्र उपवर होऊनही राजेशसाठी स्थळ येत नव्हते. त्यामुळे त्याने गावातील मित्रांना वधू शोधण्यास सांगितले. गावातील मित्र असणाऱ्या, लक्ष्मण युवराज ढास याची पत्नी प्रिया हिने १० नोव्हेंबरला राजेशला फोन करून तुझ्यासाठी मुलगी पाहिली असल्याचे सांगून व्हॉटसअॅपवर तिचा बायोडेटा पाठवला. फोटो पाहून राजेशला मुलगी आवडली. बायोडेटामध्ये तिचे नाव शीतल भीमराव धुमाळ (रा. पिंप्रीराजा, जि. औरंगाबाद) असे होते. घरच्यांनीही या लग्नास होकार दिला.

स्कूल बस – एसटी बसची समोरासमोर धडक; भीषण अपघातात २० जण जखमी, चार जण गंभीर

त्यानंतर लक्ष्मण ढास याने लग्नासाठी २ लाख रुपये द्यावे लागतील, अशी अट घातली. राजेशसह कुटुंबीयांनी तेवढी रक्कम देण्याची तयारी दर्शवली. त्यापैकी १० हजार रुपये १९ नोव्हेंबरला लक्ष्मण ढास याने फोन-पेवर घेतले. त्यानंतर २० नोव्हेंबरला माजलगावच्या गंगामसला येथे लग्न निश्चित झाले. घरातील सदस्यांसह मोजक्या मंडळींना घेऊन राजेश गंगामसला येथे पोहोचला. तेथे उर्वरित १ लाख ९० हजार रुपये लक्ष्मण ढास याच्याकडे दिले. त्यानंतर दुपारी राजेश व शीतलकडील मोजक्या वऱ्हाडींच्या उपस्थितीत लग्नसमारंभ पार पडला. राजेशने मुलीला १ लाख ५ हजार रुपये किंमतीचे झुंबर व गंठण असे दागिने दिले. रात्री राजेश मुलीला घेऊन गावी पोहोचले. मात्र घरी आल्यावर त्याच रात्री १० वाजता गावात राहणारे ढास दाम्पत्य आपल्या घरी गेले. त्यानंतर शीतलने बाथरूमला जाण्याचा बहाणा करत पळ काढला.

बराचवेळ ती बाथरुमबाहेर येत नसल्याने कुटुंबीयांनी डोकावून पाहिले असता आतून दरवाजा लावलेला व छतावरून ती गायब झाल्याचे निदर्शनास आले. त्यानंतर राजेशने मित्र लक्ष्मण ढासला संपर्क केला. त्यावर आपण काही काळजी करू नका, उद्या सकाळी मुलीला घेऊन येतो, असे सांगितले. तर शीतलच्या माहेरच्या मंडळींनी उडवाउडवीची उत्तरे दिली.

दरम्यान, आपली फसवणूक झाल्याचं लक्षात आल्यानंतर, लग्नाचे नाटक करून ३ लाख ५ हजार रुपयांची फसवणूक केल्याची तक्रार राजेशने नेकनूर पोलीस ठण्यात दिली आहे. त्यावरून लक्ष्मण युवराज ढास, प्रिया लक्ष्मण ढास, शीतल भीमराव धुमाळ आणि एक अनोळखी व्यक्ती यांच्यावर गुन्हा दाखल करण्यात आला आहे.