Supplementary Food: पूरक आहाराच्या नावाखाली जिल्हाभरातील विद्यार्थ्यांना तळलेला नाचणीचा पापड देण्याचा कारभार बुधवारी जिल्हा परिषदेच्या शिक्षण विभागाने केला असून, अनेक विद्यार्थ्यांना वातड, तसेच तळकट वासाचे पापड वाटले गेल्याची बाबही पुढे आली आहे. आंतरराष्ट्रीय तृणधान्य वर्षानिमित्त राबविण्यात येत असलेल्या उपक्रमांमध्ये सहभागी झाल्याचा देखावा करीत वरिष्ठ स्तरावरून येत असलेल्या सूचनांची झापडबंद अंमलबजावणी करण्याचा शिरस्ता शिक्षण विभागाने यानिमित्त […]
The post शाळांच्या पोषण आहारात विद्यार्थ्यांना तळलेला पापड! first appeared on TEJPOLICETIMES.
]]>
विद्यार्थ्यांना पौष्टिक अन्न मिळावे म्हणून शाळांमध्ये पोषण आहार योजना राबविली जाते. दर बुधवारी या पोषण आहारासोबत पूरक आहार म्हणून काही अन्य पदार्थही विद्यार्थ्यांना दिले जातात. यंदाचे वर्ष हे आंतरराष्ट्रीय तृणधान्य वर्ष म्हणून साजरे केले जात असून, फेब्रुवारी महिन्यात राज्य सरकारमार्फत महाराष्ट्र तृणधान्य मोहीम राबविली जात आहे. या मोहिमेचा एक भाग म्हणून, बुधवारी पूरक आहारांतर्गत प्रत्येक विद्यार्थ्याला तळलेला नाचणीचा पापड देण्याची सूचना जिल्हा परिषदेच्या प्राथमिक शिक्षण विभागामार्फत देण्यात आली होती.
त्यानुसार जिल्हाभरातील सर्व शाळांमध्ये या पापडांचे वाटप करीत सोशल मीडियावरून प्रसिद्धी करण्यात शिक्षण विभागाने यश मिळविले असले, तरी अनेक शाळांमधील विद्यार्थ्यांनी हा पापड खाल्लाच नसल्याची माहिती समोर आली आहे. अनेक ठिकाणी वातड पापड मिळाले, तर काही शाळांमध्ये पापडाला तळकट वास आल्याची माहिती शाळांनी दिली. अनेक विद्यार्थ्यांनी हे पापड न खाल्ल्यामुळे संबंधित कर्मचाऱ्यांकडे ते परत देण्यात आले.
उपक्रमांचा भडीमार!
गेल्या काही वर्षांत वरिष्ठ स्तरावरून सात्यत्याने उपक्रमांचा भडीमार होत आहे. दर महिन्यात काही तरी ‘साजरे’ करण्याच्या आदेशामुळे औपचारिकता म्हणून असे उपक्रम राबविण्याकडे शिक्षण विभागाचा कल वाढला आहे. त्याचाच परिणाम म्हणून असे नावापुरते उपक्रम राबविले जात असून, यामध्ये विद्यार्थ्यांचे नेमके कसे आणि किती नुकसान होत आहे, याकडे मात्र कोणाचेही लक्ष नाही.
तळलेल्या पापडातून काय पोषण मिळणार हा विचार करणे गरजेचे होते. पापडाऐवजी नाचणीचे अन्य पदार्थ देण्याचा विचार करणे गरजेचे होते. सेंट्रल किचनच्या कमिटीवर एखादा आहारतज्ज्ञ असेल तर त्यांच्याकडून यावर सल्ला घेऊन पदार्थ निश्चित करणे गरजेचे आहे. हा मनमानी कारभार योग्य नाही.
– नंदलाल धांडे, जिल्हाध्यक्ष, प्राथमिक शिक्षक महासंघ
तळलेले पापड केवळ या आठवड्यासाठी देण्यात आले होते. यापूर्वी राजगिरा लाडू व केळी दिली जात होती. पुढील आठवड्यात भगर दिली जाणार आहे. नाचणीचा आहारही पोषण आहारांतर्गतच येतो. सर्व नियम पाळून पापडाचे वाटप करण्यात आले. याबाबत कोणतीही तक्रार शिक्षण विभागाकडे आलेली नाही.
– भगवान फुलारी, शिक्षणाधिकारी, जि. प. प्राथमिक शिक्षण विभाग
MU Students Hostel: मुंबई विद्यापीठाच्या वसतिगृहात राहण्यावरुन विद्यार्थ्यांमध्ये पेचPM Shri Scheme: राज्यातील ८४६ शाळांचा पीएम श्री योजनेअंतर्गत होणार सर्वांगीण विकास
The post शाळांच्या पोषण आहारात विद्यार्थ्यांना तळलेला पापड! first appeared on TEJPOLICETIMES.
]]>