iPhone - TEJPOLICETIMES

आर्थिक सर्वेक्षणात म्हटले आहे की, 2023-24 या आर्थिक वर्षात ॲपलने जागतिक स्तरावर असेंबल केलेल्या एकूण आयफोनपैकी 14 टक्के आयफोन भारतात असेंबल केले आहेत.संपूर्ण आर्थिक वर्षात Apple ने भारतात 14 अब्ज डॉलर किमतीचे आयफोन असेंबल केले आहेत. 2021-22 या आर्थिक वर्षात भारताच्या इलेक्ट्रॉनिक्स उत्पादन क्षेत्राचा जागतिक बाजारपेठेतील हिस्सा 3.7 टक्के होता. या काळात या उद्योगाने भारताच्या जीडीपीमध्ये चार टक्के योगदान दिले आहे. 2022-23 या आर्थिक वर्षात भारतात 8.22 लाख कोटी रुपयांची इलेक्ट्रॉनिक्स उत्पादने आणि 1.9 लाख कोटी रुपयांची उत्पादने निर्यात करण्यात आली.

इलेक्ट्रॉनिक्स क्षेत्रातील मोबाईल फोन सेगमेंटमध्ये सर्वाधिक वाढ

अर्थमंत्री निर्मला सीतारामन यांनी संसदेत सादर केलेल्या सर्वेक्षणात असे म्हटले आहे की, इलेक्ट्रॉनिक्स क्षेत्रातील मोबाईल फोन सेगमेंटने सर्वाधिक वाढ अनुभवली आहे आणि अमेरिकेतील निर्यात 2022-23 या आर्थिक वर्षात 2.2 बिलियन अमेरिकन डॉलरवरून आर्थिक वर्ष 2024 मध्ये 5.7 बिलियन अमेरिकन झाली आहे. .

जागतिक इलेक्ट्रॉनिक्स निर्यातीत भारताचा वाटा मोठा

“जागतिक इलेक्ट्रॉनिक्स निर्यातीत भारताचा वाटा 2018 मधील 0.63 टक्क्यांवरून 2022 मध्ये 0.88 टक्क्यांपर्यंत वाढला आहे. अशा प्रकारे, जागतिक इलेक्ट्रॉनिक्स निर्यातीत भारताची निर्यात (रँकिंग) 2018 मधील 28 व्या
स्थानावरून 2022 मध्ये 24 व्या स्थानावर पोहोचली आहे. भारताच्या व्यापारी वस्तूंच्या निर्यातीमधील इलेक्ट्रॉनिक वस्तूंचा वाटा आर्थिकवर्ष 2019 मधील 2.7 टक्क्यांवरून आर्थिक वर्ष 2024 मध्ये 6.7 टक्क्यांपर्यंत वाढला ,” असे सर्वेक्षणात म्हटले आहे.

भारताच्या इलेक्ट्रॉनिक्स उत्पादन क्षेत्रामध्ये लक्षणीय वाढ

सर्वेक्षणात असे नोंदवले गेले आहे की, भारताच्या इलेक्ट्रॉनिक्स उत्पादन क्षेत्राने 2014 पासून लक्षणीय वाढ अनुभवली आहे. या क्षेत्रातील आर्थिक वर्ष 2022 मध्ये जागतिक बाजारपेठेच्या अंदाजे 3.7 टक्के वाटा भारताचा आहे. इलेक्ट्रॉनिक वस्तूंचे देशांतर्गत उत्पादन लक्षणीय वाढून 8.22 लाख कोटी रुपयांवर पोहोचले आहे, तर आर्थिक वर्ष 2023 मध्ये निर्यात 1.9 लाख कोटी रुपयांपर्यंत वाढली आहे. या क्षेत्रातील गुंतवणुकीसाठी भारत हे एक आकर्षक ठिकाण बनले आहे आणि देशात मोठ्या प्रमाणावर उत्पादन क्षमता प्रस्थापित झाली आहे.

पीएलआय योजनेची महत्वाची भूमिका

इलेक्ट्रॉनिक्स क्षेत्रात, स्मार्टफोन उत्पादन आणि असेंबलीवर लक्ष केंद्रित केले जाते. सरकारची पीएलआय योजना कंपन्यांना आकर्षित करण्यात महत्त्वपूर्ण भूमिका बजावते. कारण यात कर सूट आणि सबसिडी समाविष्ट आहेत. भारतातील देशांतर्गत स्मार्टफोनच्या मागणीत वाढ हा देखील कंपन्यांमध्ये एक महत्त्वाचा घटक आहे.

मोबाईल फोन उत्पादनातील कर्मचारी संख्येत वाढ

आर्थिक वर्ष 2017 ते आर्थिकवर्ष 2022 या कालावधीत मोबाईल फोनच्या उत्पादनातील प्रत्यक्ष कर्मचाऱ्यांची संख्या तिपटीने वाढली आहे, विशेषत: महिला ब्लू-कॉलर कामगारांना याचा फायदा झाला आहे. फेज 1 आणि फेज 2 दरम्यान मजुरी आणि पगार 317 टक्क्यांनी वाढला आहे. असे सर्वेक्षणात म्हटले आहे. .

Apple आज जगातील सर्वात मोठ्या स्मार्टफोन उत्पादकांपैकी एक आहे, त्यांना दरवर्षी मिळणाऱ्या यशामुळे त्यांचे iPhones जगभरात सर्वाधिक पसंत केले जातात. परंतु, तुम्हाला हे जाणून आश्चर्य वाटेल की, अशा प्रसिद्ध आयफोनच्या निर्मितीमागे अनेक कुशाग्र बुद्धिमत्तेच्या टीमसह हा मोबाईल बनविण्याबाबत सुरवातीपासूनच साशंक चालणारे एक सीईओ देखील होते. आयफोनची आज विक्रमी विक्री होत असली, तरी Apple सह-संस्थापक स्टीव्ह जॉब्स नेहमी या कल्पनेच्या बाजूने नव्हते. खरं तर, सुरुवातीला त्यांचा असा विश्वास होता की ॲपल ने स्वतःचे फोन बनविणे योग्य नाही.

ॲपल आयफोन बनवण्यामागे रंजक कथा

ॲपलने असा यशस्वी आयफोन बनवण्यामागे एक रंजक कथा आहे. ‘द वन डिव्हाईस: द सीक्रेट हिस्ट्री ऑफ द आयफोन’ या पुस्तकात लेखक ब्रायन मर्चंट स्पष्ट करतात की, ॲपलचे सह-संस्थापक स्टीव्ह जॉब्स सुरुवातीला स्मार्टफोन बनवण्याच्या विरोधात होते. 2005 मध्ये, स्टीव्ह जॉब्स म्हणाले, “फोन बनवताना समस्या अशी आहे की, आम्हाला फोन युजर्सपर्यंत पोचवण्यासाठी अनेक मोबाईल नेटवर्क कंपन्यांशी (एअरटेल, जिओ सारख्या) वाटाघाटी कराव्या लागतील आणि आम्ही या कामात फारसे काही चांगले नाही.’’ कोणता फोन आपल्या नेटवर्कवर चालवायला कोणती कंपनी परवानगी देईल याचीही त्यांना चिंता होतीच. तसेच,त्यांना असे वाटले की, कदाचित स्मार्टफोन फक्त ठराविक लोकांपुरतेच मर्यादित राहतील आणि प्रत्येकासाठी फायदेशीर नसतील.

इंजिनिअर्सनी गुप्तपणे केले तंत्रज्ञान तयार

ज्या वेळी स्टीव्ह जॉब्सला आयफोन बनवायला लावले जात होते, त्याच वेळी आयफोन बनवणाऱ्या टीमचे इंजिनीअर गुप्तपणे फोन ऑपरेट करण्यासाठी नवीन ‘मल्टी-टच टेक्नॉलॉजी’ तयार करत होते. हे तंत्रज्ञान इतके खास होते की ही खऱ्या अर्थाने एक कमाल असल्याची स्वतः ला खात्री होईपर्यंत त्यांनी ते जॉब्सना ते दाखवले नाही.

ॲपल निर्मितीसाठी स्टीव्हला पटवून दिले जात होते.

ब्रायन मर्चंटने त्याच्या पुस्तकात अँडी ग्रिग्नॉन या सीनिअर आयफोन इंजिनीअरचा उल्लेख केला आहे, जे म्हणतात की, “ॲपलसाठी फोन बनवणे ही एक चांगली कल्पना असल्याचे कार्यकारी संघाकडून स्टीव्हला पटवून दिले जात होते. त्यांना यशाचा कोणताही स्पष्ट मार्ग दिसत नव्हता”. नंतर, आयफोनच्या फायनल डेव्हलपमेंट नंतर आयफोन वापरून कॉल करणारा डी ग्रिग्नन हा पहिला व्यक्ती बनला.

आणि स्टीव्ह राजी झाले

दरम्यान, ॲपल कर्मचारी स्टीव्ह जॉब्स यांना राजी करत असतांनाच ॲपलचे उपाध्यक्ष मायकेल बेल यांनी 7 नोव्हेंबर 2004 रोजी रात्री उशिरा स्टीव्ह जॉब्स यांना एक ईमेल देखील लिहिला. या ईमेलमध्ये त्यांनी फोन बनवण्याचे फायदे सांगितले. या प्रदीर्घ ईमेलनंतर स्टीव्ह जॉब्स आणि मायकेल बेल यांनी तासनतास चर्चा केली आणि शेवटी जॉब्सने होकार दिला. संभाषणानंतर, जॉब्स म्हणाले, ‘ठीक आहे, मला वाटते की आपण हे केले पाहिजे.’

‘ही’ भीती होती

स्टीव्ह जॉब्सना सुरुवातीला आयफोन बनवण्यात रस नसल्याचे मुख्य कारण म्हणजे स्मार्टफोनमुळे त्यांच्या आयपॉडची विक्री कमी होऊ शकते याची त्यांना भीती होती. दरम्यान, ब्रायन मर्चंटने सीएनबीसीला एका मुलाखतीत सांगितले की, जॉब्स अशा फोनसाठी तयार आहेत जो वापरण्यास सोपा आणि मजेदार असेल. सोप्या शब्दात, जॉब्सला फोन तयार करण्यासाठी या दोन्हीही गोष्टीं हव्या होत्या एक म्हणजे, त्या फोनने iPod ची जागा घेऊ नये आणि दुसरे म्हणजे ते वापरण्यात सोपा आणि ग्राहकांना नवीन अनुभव देणारा असावा.

ॲपल ऑफिसमध्ये ठेवली गुप्तता

आता स्टीव्ह जॉब्सला फोन बनवण्याची खात्री होती, पण त्याने संपूर्ण ॲपल ऑफिस आणि कर्मचाऱ्यांमध्ये आयफोनबद्दल गुप्तता ठेवली. हा फोन बनवणाऱ्या स्पेशल टीमलाच याची माहिती होती. जॉब्सचा या टीमवर विश्वास होता. ब्रायन मर्चंट त्यांच्या मुलाखतीत म्हणतात की, ‘येथे प्रत्येक स्तरावर काम करणाऱ्या लोकांचे योगदान नसते तर आयफोन कधीच बनला नसता.’

इलेक्ट्रॉनिक्स क्षेत्रातील मोबाईल फोन सेगमेंटमध्ये सर्वाधिक वाढ

जागतिक इलेक्ट्रॉनिक्स निर्यातीत भारताचा वाटा मोठा

भारताच्या इलेक्ट्रॉनिक्स उत्पादन क्षेत्रामध्ये लक्षणीय वाढ

पीएलआय योजनेची महत्वाची भूमिका

मोबाईल फोन उत्पादनातील कर्मचारी संख्येत वाढ

समान मोबदला कायदा 1976

भारत पर्यायी उत्पादन केंद्र

25% नवीन नोकरदार विवाहित महिला तर 70% कर्मचारी महिला, फॉक्सकॉनचे स्पष्टीकरण

सेफ्टी प्रोटोकॉल सर्वांना समान

धातू घालणे हा सुरक्षेचा मुद्दा

‘मेसेज डिलीट झाल्याचं सांगितलं असेल तर तो डिलीट झालाय असंच समजणार’

घटस्फोटासाठी अ‍ॅपल जबाबदार

आयफोन युजर्ससाठी फीचर

OnePlus 12 वरील ऑफर

iPhone 15 वरील ऑफर

OnePlus 12R वरील डिस्काउंट

48MP चा कॅमेरा मिळेल

असे असू शकतात इतर स्पेसिफिकेशन

कधी होईल लाँच

iPhone 15 Pro Max

या सॉफ्टवेअरवर काम करणाऱ्या डिव्हाईसेसना धोका