अर्जुन राठोड, नांदेड : दोन भावांमधील शेतीचा वाद मिटवण्यासाठी गावकऱ्यांनी बैठक बोलावली होती. मात्र बैठकीत तोडगा निघता वाद विकोपाला गेला आणि भावाने गावकऱ्यांच्या समक्ष चुलत भावावर विळ्याने सपासप वार करून खून केला. गावकऱ्यांकडून अनेक वेळा दोघांमधील वाद मिटवण्याचा प्रयत्न देखील केला गेला होता. परंतु ते हा कौटुंबिक वाद विकोपाला गेल्याने खूनाची घटना घडली आहे.

जिल्ह्यातील माहूर तालुक्यातील रुई गावात ही धक्कादायक घटना घडली. परवेज पंटूश देशमुख वय २१ वर्ष असं मयत तरुणाचं नाव आहे. येथील रहिवासी मृतक परवेज देशमुख आणि त्याचा चुलत भाऊ साहिल देशमुख यांच्यात शेतीवरून वाद सुरु होता. यावरुन नेहमी त्यांचे खटके उडायचे. गावातील पोलीस पाटील आणि गावकरऱ्यांकडून अनेकवेळा दोघांमधील वाद मिटवण्याचा प्रयत्न देखील केला होता, पण काहीच साध्य झाले नाही. यामुळे रविवारी गावकऱ्यांनी पोलीस पाटील परसराम भोयर यांच्या घरी बैठक बोलावली. बैठकीत परवेज देशमुख, साजराबी देशमुख, पप्पू मीरसाहेब देशमुख, साहिल बबलू देशमुख, सोहेब बबलु देशमुख, फिरोजा देशमुख, शेख इंरशाद तसेच सरपंचाचे पती गणेश राऊत, पोलीस पाटील परसराम भोयर, तंटामुक्ती अध्यक्ष उत्तमराव सुकळकर हे हजर होते. बैठकीदरम्यान शेतीसंबंधी चर्चा करण्यात आली.
Nashik News: झेंडावदनासाठी गेलेल्या चिमुकल्यासोबत धक्कादायक घटना, मृतदेह आढळला, घटनेने खळबळ
आमची जमीन कोठे आहे अशी साहील बबलू देशमुख याने विचारणा केली. त्यावेळी तुमची जमीन तुमचे वडील बबलू देशमुख यांनी पुर्वीच विकली आहे, असे सांगण्यात आले. शेती विकल्याने साहिल बबलू देशमुख यांना राग अनावर झाला. बैठक आटोपताच सर्वजण घरी जाण्याकरिता उठले. यापुढे जमिनीवरुव भांडण करू नका, असं पोलीस पाटील आणि गावकऱ्यांनी सांगितले. तेवढ्यातच साहील यांनी परवेज देशमुखला पाठीमागून हेरले आणि परवेजच्या शरीरावर विळ्याने सपासप वार केले. या हल्लानंतर परवेज हा रक्तबंबाळ होऊन खाली कोसळला. रक्तस्त्राव अधिक झाल्याने त्याचा जागीच मृत्यू झाला, घटनेनंतर एकच खळबळ उडाली.
Kolkata Murder: कोलकाता प्रकरणी सर्वोच्च दखल; माजी प्राचार्यांची सलग तिसऱ्या दिवशी चौकशी, सत्य समोर येणार?
केवळ अडीच एकर शेतीवरून भावाने भावचा निर्घृणपणे खून केल्याने माहूर तालुका हादरला आहे. घटनेची माहिती मिळताच पोलिसांनी घटनास्थळी धाव घेतली. याप्रकरणी मयताचे वडील पंटुस देशमुख यांच्या फिर्यादीवरून माहूर पोलीस ठाण्यात साहील बबलू देशमुख, सोहेब बबलू देशमुख या दोघांविरुद्ध खूनाचा गुन्हा दाखल करण्यात आला आहे. घटनेचा पुढील तपास सहाय्यक पोलीस निरीक्षक शिवप्रकाश मुळे हे करीत आहेत.

नाशिक : नाशिकमधून खळबळजनक बातमी समोर आली आहे. झुडपात चिमुकल्याचा मृतदेह आढळून आला आहे. संशयितरित्या मृतदेह आढळून आल्याने एकच खळबळ उडाली आहे. चिमुकल्यावर अत्याचार करून त्याची हत्या करण्यात आल्याचा पोलिसांना संशय आहे. नाशिकच्या चांदवडमध्ये ही घटना घडली असून घटनेने सारेच हादरले आहेत. या प्रकरणी एका संशयिताला ताब्यात घेतले असून अधिक तपास सूरू असल्याचे पोलिसांनी सांगितले आहे.

घडले असे की, एक ७ वर्षीय मुलगा गेल्या तीन दिवसांपासून बेपत्ता होता. पण सकाळी अचानक चांदवडच्या वडनेरभैरवमध्ये त्याचा मृतदेह आढळून आला. या घटनेने संपूर्ण परिसर हादरला आहे. चिमुकल्यावर अत्याचार करुन त्याची निर्घृणपणे हत्या केली असल्याचा पोलिसांचा संशय आहे. याप्रकरणी पोलिसांनी एका संशयिताला अटक केली आहे. तर या घटनेचा गावकऱ्यांकडून संताप व्यक्त केला जात आहे आणि निषेधार्थ गावात बंद देखील पुकारण्यात आला आहे.
Mumbai Sion Hospital: रक्ताने माखलेले बोळे काढताना त्रास, मुंबईत मद्यधुंद रुग्णाची महिला डॉक्टरला मारहाण
चिमुकला स्वातंत्र्य दिनानिमित्त झेंडावंदनासाठी शाळेत गेला तेव्हापासून तो घरी परतला नव्हता. याबद्दल पोलिसांत तक्रार नोंदवण्यात आली. पोलिसांनी शोध सुरु केला. त्याचा मृतदेह गावाजवळ असलेल्या झुडपात आढळून आला. तपासादरम्यान चिमुकला एका अनोळखी तरुणासोबत जात असल्याचे सीसीटिव्ही फूटेचमधून समोर आले. त्याआधारे आता पोलिसांनी त्या संशयित तरुणाला ताब्यात घेतले आहे. घटनेबाबत पुढील तपास सुरू असल्याची माहिती पोलिसांकडून देण्यात आली आहे.

बंगालमध्येही सापडला होता मुलीचा मृतदेह

बंगालमधून अशीच एक हादरवणारी घटना घडली समोर आली होती. पूर्व वर्धमान येथे एका आदिवासी मुलीचा मृतदेह सापडला आहे. या मुलीचा गळा चिरण्यात आला होता, तिचा रक्ताने माखलेल्या मृतदेह पाहून साऱ्यांचा थरकाप उडाला. ती नादुर झापानतला आदिवासी पारा भागातील रहिवासी होती. पोलिसांकडून घटनेचा तपास सुरु आहे.

पंकज गाडेकर, वाशिम: मानोरा येथे वृद्ध आजोबाचा नातवाने खून करून मृतदेह नदीत फेकून दिल्याची भयंकर घटना समोर आली आहे. याप्रकरणी नातवासह चार जणांना पोलिसांकडून अटक करण्यात आली आहे. संपत्तीसाठी या नातवाने आपल्या आजोबांचा जीव घेतल्याचा आरोप आहे.

नेमकं काय घडलं?

मानोरा तालुक्यातील इंझोरी येथील अडान धरणामध्ये एका ७० वर्षीय अनोळखी इसमाचा मृतदेह मंगळवारी (६ ऑगस्ट) दुपारच्या दरम्यान तरंगताना आढळून आला होता. सदर मृतदेह बाहेर काढल्यानंतर मृतकाच्या अंगावर जखमा आढळून आल्या. त्यांचे पायही बांधलेले होते. त्यामुळे घातपात झाल्याची शंका पोलिसांना आली. पोलिसांनी अनोळखी मृतदेहाची ओळख पटविण्यासाठी कसून तपास केला. तेव्हा तो मृतदेह मानोरा येथील प्रल्हाद वीर यांचा असल्याचे निष्पन्न झालं.
Dombivli Crime: पत्नीसह मित्रांकडून छळ अन् ब्लॅकमेलिंग, हताश पतीचं टोकाचं पाऊल, चिठ्ठीत संतापजनक माहिती
त्यानंतर पोलिसांनी त्यांच्या घरी जाऊन तपासणी केली. तेव्हा पोलिसांना घरात रक्ताचे डाग आढळून आले. तसेच, त्यांची पत्नी देखील बेपत्ता असल्याची बाब समोर आली होती. पोलिसांनी या घटनेचा तपास करत असताना शेजारील घराचे सीसीटीव्ही फुटेज तपासले. तेव्हा त्यांना नातू आणि त्याचे मित्र सीसीटीव्ही फुटेजमध्ये दिसून आले. पोलिसांनी तपासाची चक्रे फिरवत नातवासह त्याच्या मित्रांना ताब्यात घेतलं. प्रतीक संतोष वीर, विकास भगत, जगदीश अनिल देवकर, जीवन फडके असे अटक केलेल्या आरोपींची नावे आहेत.

आजोबांचा मृतदेह अडान धरणात सापडल्यानंतर आजीही बेपत्ता असल्याची बाब समोर आल्यानंतर, त्याने आजीलाही मारून अडान धरणात फेकल असावं अशी शक्यता होती. त्यावरून पोलीस आणि आपत्कालीन पथकाने अडान धरणात शोध कार्य सुरू केले असून संपत्तीच्या वादातून ही हत्या झाल्याची शक्यता वर्तविली जात आहे.

म्हातारपणी आजी आजोबांची काठी म्हणून आधार बनणारा नातूच आजी आजोबांचा कर्दनकाळ बनल्याने सर्वत्र हळहळ व्यक्त केली जात आहे. घटनेचे गांभीर्य पाहता जिल्हा पोलीस अधीक्षक अनुज तारे यांनी घटनास्थळाला भेट दिली. सदर घटनेचा पुढील तपास मानोरा पोलीस स्टेशनचे ठाणेदार प्रवीण शिंदे यांच्या मार्गदर्शनात मानोरा पोलीस करत आहेत.

जयपूर : राजस्थानमधील जयपूरमधून एक खळबळजनक बातमी समोर आली आहे. एक महिला आणि तिच्या मुलावर जीवघेणा हल्ला करणाऱ्या सीआयडी अधिकाऱ्याला पोलिसांनी अटक केली आहे. आरोपीने आपल्या प्रेयसीसोबत अनैतिक संबंध ठेवले होते. दरम्यान प्रेयसीने आरोपीवर लग्नासाठी दबाव टाकला होता. पण त्याला हे मान्य नसल्याने प्रेयसीच्या हत्येचा कट रचला. आणि एक दिवस त्याने उदयपूर येथून आपल्या कार्यालयातून रजा घेतली आणि मायलेकाला घेऊन जयपूरला पोहोचला. वाटेतच निंदड परिसरात त्यांच्यात झटापट झाली आणि त्याने आपल्या प्रेयसीवर चाकूने हल्ला केला आणि तेथून पसार झाला. पोलिसांना आरोपीला अटक करण्यात यश मिळाले आहे.

पोलिसांना शुक्रवारी सकाळी ९.३० वाजता हरमदा भागातील निंदड टेकडीवर कोणाचा तरी खून करण्याचा प्रयत्न झाला, अशी माहिती मिळाली होती. ज्यामध्ये एक महिला आणि बालक गंभीर जखमी झाले आहेत. माहिती मिळताच पोलिसांनी घटनास्थळी धाव घेतली आणि जखमींना तात्काळ रुग्णालयात दाखल केले. पोलिसांनी या दोघांचेही जबाब नोंदवले आहेत.
Ahmednagar News: पोलीस कर्मचाऱ्याची ट्रक चालकाला अमानुष मारहाण, व्हिडिओ, कॅमेऱ्यात कैद, नेमकं प्रकरण काय?
आई एमएस गीता देवी आणि मुलगा आशिष अशी जखमींची नावे असून ते बांसवाडा येथील रहिवासी आहेत. दोघांनी आपल्या जबाबात सांगितले की, हल्लेखोर खरग सिंग जॉन हा सीआयडीमध्ये एएओ पदावर कार्यरत आहे. या माहितीवरुन पोलिसांनी तात्काळ त्याचा मोबाईल ट्रेस केला आणि त्याला ताब्यात घेतले आहे.

पोलिसांनी कसून चौकशी केल्यानंतर आरोपीने गुन्ह्याची कबुली दिली आहे. आरोपी म्हणाला, उदयपूर येथे नोकरी करण्याआधी तो बांसवाडा येथे कार्यरत होता. यादरम्यान गीता देवीशी त्याची ओळख झाली होती. ते एकमेकांसोबत राहू लागले आणि गीता त्याच्यावर लग्न करण्यासाठी दबाव टाकत होती, ज्यासाठी तो तयार नव्हता. यापासून वाचण्यासाठी म्हणून त्याने तिच्या हत्येचा कट रचला. यासाठी त्याने आपल्या उदयपूर कार्यालयातून दोन दिवसांची रजा टाकली आणि गीता, आशिषला जयपूरला बोलावले.
Mumbai Hit And Run: मिहीर शहा प्रचंड प्यायला होता, पण…; पोलिसांच्या चौकशीतून महत्त्वाची माहिती उघड
समोर आलेल्या माहितीनुसार, आरोपीने दोघांना वाटेतच विषारी पदार्थ खाण्यास दिला होता, ज्यामुळे ते बेशुद्ध झाले आणि आरोपीने आपला डाव साधला आणि त्यांच्यावर हल्ला केला. हल्ल्यादरम्यान त्यांचा मुलगा मोठ्याने ओरडत होता. हा आवाज कानी पडताच आसपासच्या गावातील लोक घटनास्थळी पोहोचले पण आरोपी तेथून पसार झाला होता. पोलिसांनी तपासाचे चक्र फिरवत अगदी काही तासांतच त्याला बेड्या ठोकल्या आहेत.

हैदराबाद : हैदराबाद जिल्ह्यातील बाळापूर उपनगरात गुरुवारी रात्री थरारक घटना घडली आहे. बाळापूरच्या रॉयल कॉलनीत भर रस्त्यात २८ वर्षीय तरुणाची निर्घृण हत्या करण्यात आली. हत्येचे हे थरारक दृश्य सीसीटीव्ही कॅमेऱ्यात कैद झाले आहे, ज्यामध्ये अज्ञात व्यक्तींच्या गटाने तरुणाचा पाठलाग करत त्याच्यावर हल्ला केला आहे.

पीडित तरुणाचे नाव समीर असून पोलिस मारेकऱ्यांची ओळख पटवण्यासाठी परिसरातील अन्य सीसीटिव्ही देखील तपासत आहेत.
Thane Crime: नवरा-बायकोचं कडाक्याचं भांडण, मुलाची बापाला शिवीगाळ, संतापात वडिलांनी लेकाला संपवलं
व्हायरल झालेल्या बर्ड-आय व्हिडिओमध्ये दिसून येतंय की, हल्लेखोर तरुणाचा पाठलाग करतायत, त्यांनंतर त्याला घेरत त्याच्या धडावर चाकूने हल्ला केला, ज्यातून झालेल्या जखमेतून रक्तस्त्राव होत होता. इतक्यात एका हल्लेखोराने पीडित तरुणाला मागे खेचले आणि तो जमिनीवर कोसळला. ज्यात त्याचा मृत्यू झाला आहे. तसेच क्लिपमध्ये, आरोपींपैकी एकाने पीडित समीरला पकडले आणि जबर मारहाण केली. हे पाहून देखील आजूबाजूच्या लोकांनी मध्यस्थी न करता आपला रस्ता पकडला, असे देखील निदर्शनास आले.

पोलिस म्हणाले की, याप्रकरणी एफआयआर दाखल करण्यात केली असून पुढील तपास करत आहोत. तर समीरचा मृतदेह शवविच्छेदनासाठी उस्मानिया शवागारात हलवण्यात आला आहे. हत्येमागील नेमका हेतू अद्याप अस्पष्ट आहे. पीडित आणि मारेकरी एकमेकांना ओळखत होते? की त्यांच्यात झालेल्या टोकाच्या वादाला हिंसक वळण लागले, याचा तपास करण्याचा प्रयत्न करत पोलिस करत आहेत.
एकतर्फी प्रेमातून १९ वर्षीय तरुणीचे करवतीने केले तुकडे; ९ वर्षानंतर आरोपीला मिळाला जामीन
दरम्यान, भारतीय जनता पक्षाचे राष्ट्रीय प्रवक्ते शेहजाद पूनावाला यांनी तेलंगणातील कायदा आणि सुव्यवस्थेच्या स्थितीबद्दल राज्यातील काँग्रेस सरकारला घेरले आहे. ते एक्सवर पोस्ट करत म्हणाले, ‘मुहम्मद समीरला हैदराबादमध्ये माफियांनी संपूर्ण सार्वजनिक जागेत क्रूरपणे मारले आणि ठार केले. काँग्रेसने सत्ता हाती घेतल्यापासून तेलंगणातील कायदा व सुव्यवस्थेची स्थिती ढासळली आहे. कल्पना करा की, समीरला भाजपशासित राज्यात असेच मारले गेले असते तर अनेकांनी UN गाठले असते. पण तेलंगणात धर्मनिरपेक्ष अंधत्वामुळे कथा कोणाच्याही नजरेला पडत नाही.’