गुन्हे शाखा युनिट एकच्या पथकाने दिलेल्या माहितीनुसार, केशाराम पिता सवाराम (रा. सांचोर, राजस्थान), बाबुभाई लुंबाजी मारवाडी (रा. गुजरात) आणि रमेशकुमार दरगाराम (रा. जालोर, राजस्थान) अशी संशयितांची नावे आहेत. त्यांना तवली फाटा परिसरातून ताब्यात घेतले. एका नामांकित मिठाई व्यावसायिकाने यासंदर्भात फिर्याद दिली आहे. त्यानुसार सातपूर पोलिसांत फसवणुकीचा गुन्हा नोंदवण्यात आला आहे. फिर्यादीनुसार, संशयितांची माहिती काढण्यात आली. वरिष्ठ निरीक्षक विजय ढमाळ यांनी सापळा रचण्याची सूचना केली. त्यानुसार अंमलदार संदीप भांड, महेश साळुंके, मिलिंद परदेशी, विलास चारोस्कर, राहुल पालखेडे, जगेश्वर बोरसे, अमोल कोष्टी, नितीन जगताप, आप्पा पानवळ, राजेश राठोड यांनी संशयितांना ताब्यात घेतले. चौकशीदरम्यान त्यांनी गुन्ह्याची कबुली दिली.

– तवली फाटा परिसरात संशयितांच्या झोपड्या
– सन १९०० मधील चांदीची नाणी
– खऱ्या सोन्याचे दोन मणी
– ढिगभर सोन्याची नाणी, माळा बनावट
– ‘हेरिटेज कॉइन’चाही वापर
– मोबाइल, दुचाकी जप्त
– १ लाख ६२ हजारांचा मुद्देमाल
– सातपूर एमआयडीसी, हिरावाडी, उपनगरमध्ये फसवणूक
– सातपूर, पंचवटीमध्ये गुन्हे नोंद

फिर्यादीची सतर्कता

फिर्यादी हे नाशिक शहरातील नामांकित मिठाई व्यावसायिक आहेत. सातपूर एमआयडीसीत त्यांच्याकडे संशयित आले. त्यांनी खोदकाम करताना सोने मिळाल्याची माहिती देत विक्री करीत असल्याचे सांगितले. व्यावसायिकाला दोन सोन्याचे मणी देण्यात आले. हे मणी खरे असले, तरी व्यावसायिकाला संशय आला. त्यांनी गंगापूर पोलिस ठाण्याच्या निरीक्षक तृप्ती सोनवणे यांना माहिती दिली. त्यानुसार गुन्हे शाखेला कळविण्यात आले. त्यानंतर पोलिसांनी सापळा रचून संशयितांचा व फिर्यादीचा व्यवहार होऊ दिला. गुन्हा घडल्यानंतर सिनेस्टाइल पाठलाग करुन पथकाने संशयितांना अटक केली.

…असा होतो व्यवहार

दिवसभर प्लास्टिकची भांडी विक्री करण्याच्या उद्देशाने संशयित फिरतात. व्यावसायिक किंवा विक्रेत्यांना हेरतात. त्यांच्याकडील ‘हेरिटेज नाणी’ दर्शवून खरेदीची गळ घालतात. दोन दिवसांनी पुन्हा तिथे येत ‘खोदकामात सोन्याची पोत सापडली आहे. बऱ्याच पोती आहेत’, असे सांगतात. वेळेप्रसंगी पोत तोडून दोन मणी समोरच्याला देतात. हातचलाखीने खऱ्या सोन्याचे मणी देतात. मात्र, दुसऱ्या दिवशी परत आल्यावर बनावट माळी, पोत, दागिने देत पैसे घेत पोबारा करतात.
नाशिककरांनो सावधान! ४१ क्रेडिट कार्डधारकांची फसवणूक, तब्बल ३४ लाखांना ‘कॅशलेस’ गंडवलं
मोबाइल, सीम नव्याने

एखादा ग्राहक गळाला लागल्यावर त्याच्याशी व्यवहार ‘फिक्स’ केला जातो. व्यवहार पूर्ण झाल्यावर संबंधित मोबाइल व सीमकार्डचा वापर थांबविण्यात येतो. पुन्हा नव्या ग्राहकाकरिता इतरत्र चोरी केलेले किंवा दुसऱ्याच्या नावे असलेले सीम व मोबाइल वापरतात. एकदा वापरलेले सीमकार्ड व मोबाइल संशयित पुन्हा वापरत नाहीत.

सातपूरच्या घटनेनंतर शहरातील इतर दोन घटना समोर आल्यात आहेत. त्याचेही गुन्हे नोंदविले आहेत. संशयितांनी अनेकांना फसविल्याची शक्यता आहे. ज्यांची फसवणूक झालीय, त्यांनी गुन्हे-१ कार्यालयात संपर्क साधावा.- विजय ढमाळ, वरिष्ठ पोलिस निरीक्षक, गुन्हे-१

एटीएस तपासातून उघड बाबी

– अटकेपूर्वी तीन दिवस कसून चौकशी
– व्हॉटसॲप चॅटिंगद्वारे संशयिताची संबंधित महिलेशी ओळख
– चॅटिंगमध्ये सावध चर्चा; मेसेज व आर्थिक व्यवहारांचे पुरावे सादर
– सात मोबाइल हस्तगत; त्यापैकी चार सुरू, तीन बंद
– तीन सिमकार्ड, एक पेनड्राइव्ह, एक लॅपटॉप, पासपोर्ट जप्त
– एसबीआय, पंजाब नॅशनल, फेडरल, ॲक्सिस, आयसीआयसीआय बँकेत खाते
– श्रीलंका, दुबई, चेरा, तेहरान येथे आरोपीचा प्रवास

‘बॅटल ऑफ बाबूस’

इसिसमार्फत सन २०१९ मध्ये झालेल्या कारवायांमध्ये ‘बॅटल ऑफ बाबूस’ असे युद्ध झाल्याची माहिती ‘एटीएस’कडे आहे. या कारवाईत मृत्यूमुखी पडलेल्या व्यक्तींच्या नातलगांना आर्थिक मदतीसाठी इसिसमार्फत निधी संकलित केला जातो. त्यासाठी संशयिताला हेरण्यात आले. त्याच्याशी सोशल मीडियावरुन चॅटिंग करून निधी संकलित करण्यात आल्याची माहिती तपासात समोर येत आहे.
संवेदनाच सरणावर; चक्क मृतदेहावरील दागिन्यांची केली चोरी! नाशिक सिव्हिल रुग्णालयातील प्रकार
… असे झाले फंडिंग

संशयिताने सीरिया येथील राबिया उर्फ उम्म ओसामा नामक महिलेच्या बँक खात्यावर विविध खात्यांतून वेळोवेळी पैसे पाठविले आहेत. फक्त नाशिकच नव्हे; तर राज्यातील इतर ठिकाणांहून; तसेच कर्नाटक, तेलंगण आणि बिहार राज्यातूनही फंडिंग झाले. एटीएसच्या माहितीनुसार कर्नाटकातील भटकल येथून फंडिंग झाल्याचा संशय आहे. त्यामुळे यामध्ये ‘इंडियन मुजाहिद्दीन’ संघटनेचाही हात असल्याचा संशय आहे. त्यानुसार पथक देशातील विविध ठिकाणी तपास करीत आहे.

कोण आहे संशयित?

संशयित हुसैफ शेख हा तिडके कॉलनीतील रहिवाशी आहे. त्याचे कुटुंब उच्चशिक्षित असून, संशयित इंजिनीअर आहे. त्याच्या नावे नाशिक व इतरत्र चार-पाच कंपन्या असल्याचे चौकशीत समोर आले आहे. त्यापैकी काही कंपन्यांत संशयित भागीदार आहे. ॲग्री आणि एक्स्पोर्ट संदर्भातील या कंपन्यात आहेत. पत्नी व मुलांबरोबर तो नाशिकमध्ये राहतो.

दिंडोरी रस्त्यावरील पुणे विद्यार्थी गृहाच्या महाविद्यालयात विविध शासकीय यंत्रणांच्या पदभरतीसाठी ऑनलाइन परीक्षा सुरू आहेत. या परीक्षा केंद्रात दुपारी तीन ते सहा या सत्रावेळी पार्किंगमधील वाहनांच्या डिकीतून चोरी झाल्याचा प्रकार घडला. अहमदनगर येथील २९ वर्षीय विशाल वसंत गिते यांनी याबाबत म्हसरूळ पोलिसांना माहिती दिली. त्यांच्या बॅगेतील दोन मोबाइल, दोन घड्याळे व चांदीचे दागिने लंपास झाले. २३ हजारांचा मुद्देमाल लंपास झाल्याने पोलिस पथक घटनास्थळी दाखल झाले. म्हसरूळ पोलिस ठाण्याचे निरीक्षक राजू पाचोरकर, सहायक पोलिस निरीक्षक विनायक अहिरे, सुधीर पाटील आणि पोलिस अंमलदार देवराम चव्हाण यांनी परीक्षा केंद्रातील सीसीटीव्ही तपासले. त्यावेळी संशयित त्यात दिसून आला. संशयितासंदर्भातील माहिती स्थानिक गुन्हे शोध पथकाला देण्यात आली. सायंकाळी सात वाजेच्या सुमारास परीक्षा केंद्राबाहेरील एका झाडाखाली संशयित चारोस्कर उभा असल्याचे पोलिसांना समजले. ताब्यात घेतल्यावर त्याने चोरीची कबुली दिली. ‘एम. ए.’ पर्यंत शिक्षण झाले असले, तरी जेमतेम पैशांसाठी त्याने चोरी केल्याचे पोलिसांना सांगितले. याप्रकरणी अंमलदार चव्हाण पुढील तपास करीत आहेत.

नाशिककरांनो सावधान! भरदिवसा चेहऱ्यावर ‘स्प्रे’ फवारुन होतेय लूट, या घटना वाढल्या
मोबाइल हिसकावले

गंगाघाट परिसरातील संत गाडगे महाराज पुलाजवळील भाजी बाजारात गर्दीचा गैरफायदा घेत एका वृद्ध व्यक्तिसह महिलीजवळील मोबाइल हिसकावण्यात आले. याबाबत शिरीष पंढरीनाथ भालेराव (वय ७८) व लीला विजय गौंड (५८) यांनी फिर्याद दिली आहे. त्यानुसार पंचवटी पोलिसांनी अज्ञाताविरुद्ध गुन्हे नोंदवला आहे.

वाहनांची चोरी

शरणपूर रस्त्यावरील अनुरती अपार्टमेंटच्या पार्किंगमधून दुचाकीची (क्र. एमएच १५, एचई ४१२२) चोरी झाली. महात्मानगर परिसरातील समर्थनगर बस थांब्याजवळील दुकानाबाहेरूनही एमएच १५, एफएल ३०२५ क्रमांकाची दुचाकी चोरी गेली. याबाबत वाहन चालकांनी दिलेल्या फिर्यादीनुसार सरकारवाडा व गंगापूर पोलिसांत अज्ञातांविरूद्ध वाहन चोरीचे गुन्हे नोंदविण्यात आले आहेत.

जरांगेंविरोधात भुजबळांची रिव्हर्स टेक्निक! म्हणाले, ‘जरांगेंना देवही अडवू शकत नाही, मग सरकार काय?’
दरम्यान, देवळाली पोलीस स्थानकात कार्यरत असलेले सहाय्यक पोलीस निरीक्षक यांचं अपघातात दुर्दैवी निधन झाल्याने देवळाली कॅम्प पोलीस ठाण्यासह नाशिक शहर पोलीस दलात शोककळा पसरली आहे. त्यांच्या पाश्चात आई, भाऊ, पत्नी, एक मुलगा, एक मुलगी असा परिवार आहे.

अपघाताची माहिती समजताच पोलीस आयुक्त संदीप कर्णिक, उपायुक्त मोनिका राऊत, सहायक पोलीस आयुक्त आनंदा वाघ, आदी अधिकाऱ्यांनी देवळाली कॅम्प येथील घटनास्थळी धाव घेत अपघाताची माहिती घेतली. त्यानंतर पोलीस अधिकाऱ्यांनी देवळाली कॅन्टोन्मेंट हॉस्पिटलमध्ये सोनोने यांच्या नातेवाईकांची भेट घेत सांत्वन केले.सहाय्यक पोलीस निरीक्षक कुंदन सोनोने यांच्या वाहनाच्या अपघाताचे काही फोटो समोर आले आहेत त्यामध्ये वाहनाच्या पुढील चाकाखाली दुचाकी आली आहे. पोलिसांकडून या प्रकरणाचा पुढील तपास केला जात आहे.

सीमा हैदरमुळे मी पाकिस्तानात अडकले! मायदेशी परतलेल्या अंजूने एक-एक करुन सगळेच सांगितले