पालघर तालुक्यातील नागझरी- बऱ्हाणपूर मार्गावर बोरशेती- अस्वलीपाडा येथे लक्ष्मण मुकुंद गोरखाना आपल्या कुटुंबासोबत राहत होते. सोमवारी दुपारच्या सुमारास शेतात काम करून लक्ष्मण गोरखाना घरी परतले. त्यानंतर त्यांनी मुलगा सुरेश याच्याकडे दारू पिण्यासाठी पैसे मागितले. सुरेश याने वडिल लक्ष्मण गोरखाना यांना दारू पिण्यासाठी दहा रुपये दिले. वडील लक्ष्मण गोरखाना दारू पिऊन घरी परतल्यानंतर मुलगा सुरेश याने त्यांना दारू पिण्यासाठी फक्त दहा रुपयेच दिल्याने सुरेशला शिव्या देण्यास सुरुवात केली. वडिलांनी शिव्या दिल्याचा राग मुलगा सुरेश याला आल्याने त्याने घरातील भाताचे भारे बांधण्याच्या दोरीने वडिल लक्ष्मण गोरखाना यांची गळा आवळून हत्या केली.

कुटुंबीयांनी त्यानंतर लक्ष्मण गोरखाना यांना मनोर येथील ग्रामीण रुग्णालयात उपचारासाठी दाखल केले. मात्र रुग्णालयातील वैद्यकीय अधिकाऱ्यांनी लक्ष्मण गोरखाना यांना तेथे मृत घोषित केले. याप्रकरणी मनोर पोलीस ठाण्यात आरोपी सुरेश गोरखाना याच्या विरोधात गुन्हा दाखल करण्यात आला असून त्याला अटक करण्यात आली आहे.

दरम्यान, मुलाला राग अनावर झाल्याने त्याने रागाच्या भरात वडिलांना खून केला. त्याचा राग त्याला महागात पडला, वडिलांचा मृत्यू झालाच त्यासोबतच आता तोसुद्धा तुरूंगात खडी फोडायला गेला. मराठीमध्ये एक म्हण आहे, राग आणि भीक माग, या म्हणीप्रमाणेच आता सुरेश त्याच्या आयुष्यात शून्य झाला. त्यामुळे कोणत्याही गोष्टीचा राग आला तर शांतपणे त्याचा विचार करत वेगळा काही मार्ग काढता येईल याचा विचार करावा. नाहीतर क्षणिक राग तुमचं आयुष्य उद्ध्वस्त केल्याशिवाय राहत नाही.

मूळचे गुजरात येथील असलेले राठोड कुटुंब नेहरोलीतील बोंद्रे आळीत गेल्या २० वर्षांपासून राहत होते. कुटुंबात मुकुंद बेचरदास राठोड (७५), पत्नी कांचन मुकुंद राठोड (७२) आणि मुलगी संगीता मुकुंद राठोड (५२) होते. त्यांची दोन्ही मुलं नोकरीनिमित्त बाहेरगावी राहतात. जवळपास दहा-बारा दिवसांपासून आई-वडिलांसोबत कुठलाच संपर्क होत नसल्याने त्यांचा मुलगा गावात आला.
जयदीप आपटे घरी येणारे, बायकोनेच दिली पोलिसांना टीप, निशिगंधांची इच्छा होती की…

दार उघडताच तिघांचे मृतदेह

१८ ऑगस्टपासून कुणाशी संपर्क होत नसल्याने राजकोट येथे फॅब्रिकेशन व्यवसाय करणारा त्यांचा मुलगा सुहास शोध घेण्यासाठी गावी आला. घराला बाहेरून कुलूप असल्याने कुटुंब आजारी असल्याच्या चिंतेने सुहासने आजूबाजूचे सर्व दवाखाने पालथे घातले. तरीही कुठेच त्यांचा शोध लागत नसल्याने अखेर घरातील काही कागदपत्रे काढण्यासाठी त्याने कुलूप फोडले, तेव्हा घरात अंगाचा थरकाप उडवणारे दृश्य दिसले. अनेक दिवसांपासून मृतदेह पडून असल्याने ते कुजले होते. मृतदेहांची दुर्गंधी बाहेर जाऊ नये, यासाठी मृतदेहांवर जाड गाद्या टाकण्यात आल्या होत्या.
प्रेयसीच्या मुलाने उलटी केल्याचा राग, प्रियकराच्या मारहाणीत चिमुकल्याचा मृत्यू, पुण्यात खळबळ

कसा झाला उलगडा?

मुकुंद राठोड यांनी नेहरोलीत एक जागा घेऊन इमारत बांधली होती. या इमारतीत ते कुटुंबासह राहत होते आणि भाडेकरुंनाही त्यांनी जागा दिली होती. यापैकी आरिफ हा मूळचा उत्तर प्रदेशातील असलेला भाडेकरु घटना उघडकीस आल्याच्या दिवसापासून गायब होता. त्यामुळे त्याच्यावर संशय व्यक्त केला जात होता.

एकामागून एक तिघांची हत्या

राठोडांच्या घरात पैशांचं घबाड मिळण्याच्या हव्यासातून त्याने आधी मुलगी संगीता आणि नंतर तिच्या आईवर लोखंडी रॉडने वार करुन हत्या केली. त्यानंतर दोघींचे मृतदेह पत्र्याच्या पेटीत ठेवले. घटनेच्या वेळी मुकुंद बाहेर होते. त्यामुळे आरिफ घरातच त्यांची वाट पाहत होता. ते घरात शिरताच दबा धरुन बसलेल्या आरिफने त्यांच्यावरही रॉडने हल्ला चढवला. त्यांचा मृतदेह बाथरुममध्ये तसाच फेकून त्याने पोबारा केला. वाडा पोलिसांनी या प्रकरणाच्या तपासासाठी पाच पथकं रवाना केली होती. मूळगाव उत्तर प्रदेशातून त्याला बेड्या ठोकण्यात पोलिसांना यश आले.