मुंबईत 2 कोटी 30 लाख रुपये सापडले

मुंबईतही 2 कोटींहून अधिक रोख रकमेसह 12 जणांना ताब्यात घेतले आहे. मिळालेल्या माहितीनुसार, काही लोक अवैधरित्या मोठ्या प्रमाणात रोकड घेऊन जात असल्याची गुप्त माहिती एलटी मार्ग पोलिस स्टेशनला मिळाली. यानंतर पोलिसांनी तत्काळ कारवाई करत शहरातील भुलेश्वर मार्केट, काळबादेवी येथून 12 जणांना संशयावरून ताब्यात घेतले.

यानंतर संशयितांना प्रथम मुंबादेवी पोलिस चौकीत चौकशीसाठी नेण्यात आले, त्यानंतर नोडल ऑफिसर सुरेश कांबळे यांच्या नेतृत्वाखाली 186-मुंबादेवी विधानसभा मतदारसंघातील फ्लाइंग स्क्वॉड टीम (एफएसटी) यांना तातडीने माहिती देण्यात आली. या प्रकरणाची माहिती मिळताच पथकाने तत्काळ छायाचित्रकारांसह कारवाईचे रेकॉर्डिंग करण्यासाठी घटनास्थळ गाठले. यानंतर पोलिसांनी संपूर्ण प्रकरणाचा तपास सुरू केला आणि ताब्यात घेतलेल्यांचा शोध सुरू केला. या काळात पोलिसांना त्याच्या बॅगेतून 2 कोटी 30 लाखांहून अधिक रुपये सापडले.

दरम्यान, काही दिवसांपूर्वी मुंबईतील भुलेश्वरमध्येही असचं मोठं घबाड सापडलं होतं. मुंबईच्या भुलेश्वरमधून 1 कोटी 32 लाखांची रोकड जप्त करण्यात आली होती. या प्रकरणी पोलिसांनी पाच जणांना ताब्यात घेतलं. ही रक्कम नेमकी कोणाची आहे. याबाबतचा तपास पोलिसांनी सुरु केला आहे.

पालघर जिल्ह्यात शिवसेना (उद्धव बाळासाहेब ठाकरे) पक्षाला शिवसेनेने मोठा धक्का दिला आहे. पालघर जिल्हा परिषदेच्या माजी अध्यक्षा आणि शिवसेना (उबाठा) च्या लोकसभा उमेदवार भारती कामडी यांनी शिवसेनेत जाहीर प्रवेश केला.

भारती कामडी यांना लोकसभा निवडणुकीत चार लाख १७ हजार मतं मिळाली होती. मात्र भाजपचे हेमंत सावरा ६ लाखांहून अधिक मतं मिळवत विजयी झाले होते. पराभवाचा झटका बसल्यानंतर त्यांनी शिवसेनेत प्रवेशाचा निर्णय घेतला. पालघर सह संपर्कप्रमुख वैभव संखे आणि उपनेते जगदीश धोडी यांच्या नेतृत्वाखाली मुख्यमंत्र्यांच्या वर्षा निवासस्थानी त्यांचा पक्षप्रवेश पार पडला.
Rupesh Mhatre : बंड मागे, तरी हकालपट्टी; वरुण-आदित्य यांच्यावरुन टीका जिव्हारी, उद्धव ठाकरेंचा तडक निर्णय

कोण आहेत भारती कामडी?

पालघर जिल्हा परिषदेची पहिली निवडणूक २०१४-१५ मध्ये पार पडली, त्यावेळी भारती कामडींनी वाडा तालुक्यातील जिल्हा परिषदेच्या मांडा गटातून शिवसेनेकडून निवडणूक लढवून विजय मिळवला होता. २०२० साली विक्रमगड तालुक्यातील तलवाडा गटातून त्यांनी निवडणूक जिंकली. त्यानंतर त्यांना २०२०-२१ या काळात जिल्हा परिषदेचे अध्यक्षपद मिळाले होते. त्या पालघर तालुक्यातील असून वाणिज्य शाखेतून बारावीपर्यंतचे त्यांचे शिक्षण पूर्ण झाले आहे.

वाढवण बंदराला कडवा विरोध

शिवसेनेत फूट पडल्यानंतर त्यांनी शिंदे गटात न जाण्याचा निर्णय घेतला होता. उमेदवार म्हणून त्यांच्या नावाची औपचारिक घोषणा बाकी असताना मार्च महिन्यापासूनच त्यांनी तळागाळातील कार्यकर्त्यांच्या भेटीगाठी घेणे सुरु केले होते. विविध स्थानिक प्रश्नांची जाण असण्यासह वाढवण बंदराला त्यांचा कडवा विरोध होता. पालघर जिल्ह्यातील किनारपट्टीच्या गावांमधील स्थानिक नागरिक त्यांच्या बाजूने उभे राहण्याचा त्यावेळी अंदाज होता.
Uddhav Thackeray : राज ठाकरेंच्या मदतीची परतफेड होणार? उद्धव काकांनी ठरवलं! अमित ठाकरेंच्या बाबत मोठा निर्णय
पालघर लोकसभा मतदारसंघाच्या अंतर्गत डहाणू, विक्रमगड, पालघर, बोईसर, नालासोपारा आणि वसई हे सहा विधानसभा मतदारसंघ येतात. त्यापैकी बोईसर, नालासोपारा आणि वसईवर बहुजन विकास आघाडीचं वर्चस्व आहे. तर डहाणूत माकप आहे. पालघरमध्ये शिवसेनेचा आमदार आहे.

विधानसभा निवडणुकीच्या पार्श्वभूमीवर राज्यात आचारसंहिता लागू करण्यात आली आहे. निवडणूकीच्या काळात अवैध धंदे, अवैध मद्य वाहतूक आणि इतर गैरप्रकार रोखण्यासाठी पालघर जिल्ह्यात महाराष्ट्र राज्याच्या सीमा भागात नाकाबंदी करण्यात आली आहे. पालघर जिल्ह्यात गुजरात, दादरा- नगर- हवेली, दमण सीमा भाग आणि विविध ठिकाणी जिल्ह्यातील पोलीस दलामार्फत नाकाबंदी करण्यात आली असून २४ तास या ठिकाणी पोलिसांमार्फत वाहनांची तपासणी करण्यात येत आहे.
Raigad Silver Seized : ऐन विधानसभा निवडणुकीत पिकअपमधून मोठं घबाड हाती; कोट्यवधीची चांदी जप्त

पोलिसांची मोठी कारवाई

पालघर जिल्ह्यातील तलासरी तालुक्यातील उधवा येथील तपासणी नाक्यावर पोलिसांना एका व्हॅनमधून रोख रकमेची वाहतूक होत असल्याचं तपासणी दरम्यान आढळून आलं आहे. व्हॅनमधून या रोख रकमेची वाहतूक महाराष्ट्र राज्यात करण्यात येत होती. तलासरी पोलिसांनी व्हॅनमधून वाहतूक होत असलेली ४ कोटी २५ लाखांची रोख रक्कम आणि व्हॅन जप्त केली आहे.
Devendra Fadnavis : फडणवीसांनी थेट २३ नोव्हेंबरचा निकालच सांगितला, राज्यात भाजपच्या इतक्या जागा येतील; केला मोठा दावा
व्हॅनमधून वाहतूक होत असलेली ही ४ कोटी २५ लाखांची रोख रक्कम नेमकी आली कुठून? ती कुठे नेण्यात येत होती? या रोख रकमेचा नेमका स्त्रोत कोणता होता? त्याचप्रमाणे निवडणुकीच्या पार्श्वभूमीवर या रोख रकमेचा काही संबंध आहे का? याबाबत अधिक तपास पोलीस करत आहेत.

दरम्यान, चार दिवसांपूर्वी रायगडमध्ये खालापूर टोल नाक्यावर जवळपास ५ ते ७ कोटींची चांदी जप्त करण्यात आली होती. चांदीसोबत मिठाईचे खोके पोलिसांना आढळले होते. नाकाबंदीदरम्यान पोलिसांनी ही कारवाई करत चांदीची वाहतूक करणारा ट्रक ताब्यात घेतला होता.

मैत्रिणीच्या घरी वाढदिवसाला गेली ती परतलीच नाही

पालघर जिल्ह्यातील मोखाडा येथील आठ वर्षाची अल्पवयीन मुलीच्या मैत्रिणीचा रविवारी (२७ ऑक्टोबर) वाढदिवस होता. मैत्रिणीचा वाढदिवस साजरा करण्यासाठी ही आठ वर्षांची चिमुकली गेली होती. त्यानंतर ती घरी परतली. मग काही वेळाने मैत्रिणीच्या वाढदिवसाला तिच्या घरी जेवायला जायचं सांगून ही मुलगी घरातून पुन्हा निघाली होती. मात्र, ती मैत्रिणीच्या घरी पोहोचलीच नाही.

कुटुंबीयांनी खूप शोधलं पण सापडली नाही, रात्री मुलीचा मृतदेह सापडला

जेव्हा मुलगी घरी परतली नाही तेव्हा तिच्या कुटुंबीयांनी मौत्रिणीकडे जाऊन पाहिलं. तेव्हा त्यांना कळालं की ती तर मैत्रिणीच्या घरी पोहोचलीच नाही. त्यानंतर तिच्या कुटुंबीयांनी सर्वत्र तिची शोधाशोध सुरु केली. मात्र, खूप शोधूनही ती सापडली नाही. त्यानंतर मोखाडा शहरालगत असलेल्या दफनभूमीजवळ रविवारी रात्री साडेदहा वाजताच्या सुमारास या बेपत्ता असलेल्या आठ वर्षांच्या मुलीचा मृतदेह आढळून आल्याने एकच खळबळ माजली.

मुलीचा मृतदेह आढळून आल्याने पोलिसांना याबाबतची माहिती देण्यात आळी. त्यानंतर घटनेची माहिती पोलिसांना मिळताच मोखाडा पोलीस तात्काळ घटनास्थळी दाखल झाले. त्यांनी घटनास्थळाचा पंचनामा केला आमि मृत मुलीचा मृतदेह ताब्यात घेतला. त्यानंतर पोलिसांनी मृतदेह शवविच्छेदनासाठी नाशिक येथील रुग्णालयात पाठवला आहे.

आठ वर्षांच्या मुलीचा संशयास्पदरित्या मृत्यू झाला असून अल्पवयीन मुलीवर अतिप्रसंग झाला असल्याचा संशय पोलिसांनी व्यक्त केला आहे. याप्रकरणी एका संशयिताला ताब्यात घेण्यात आले असून संशयिताची चौकशी मोखाडा पोलिसांमार्फत सुरू आहे. या प्रकरणाचा अधिक तपास मोखाडा पोलीस करीत आहेत.

छत्रपती शिवाजी महाराज हे आमच्यासाठी आराध्य दैवत आहेत. शिवरायांच्या चरणावर डोकं ठेवून मी शिवराय आणि त्यांची पूजा करणाऱ्या शिवभक्तांची माफी मागतो. घडलेला प्रकार अत्यंत दुर्दैवी आणि वेदनादायी होता. पश्चाताप न होणाऱ्यांपैकी आम्ही नाही. काही जण सावरकर यांना नावं ठेवतात, त्यांनी माफी मागितली का? असा सवाल नरेंद्र मोदी यांनी केला.

मालवण येथील राजकोट किल्ल्यावर आठ महिन्यांपूर्वी पंतप्रधान नरेंद्र मोदी यांच्याच हस्ते छत्रपती शिवाजी महाराज यांच्या पुतळ्याचे अनावरण करण्यात आले होते. हा पुतळा कोसळल्याची घटना काही दिवसांपूर्वीच घडली होती. या घटनेनंतर पहिल्यांदाच नरेंद्र मोदी हे महाराष्ट्रात येत असल्याने या दौऱ्याकडे सर्वांचे लक्ष लागून राहिले होते.

पंतप्रधान नरेंद्र मोदी हे आज मुंबई आणि पालघरच्या दौऱ्यावर होते. सकाळी अकराला मुंबईतील बीकेसी येथील जीओ वर्ल्ड कन्व्हेशन सेंटर येथे सुरू असलेल्या ‘ग्लोबल फिनटेक फेस्ट’ला त्यांनी भेट दिली. त्यानंतर दुपारी दीडच्या सुमारास पालघरला येत सिडको ग्राउंड येथे वाढवण बंदराच्या कामाचे भूमिपूजन केले.

जवळपास ७६ हजार कोटी रुपये खर्च करून वाढवण बंदर प्रकल्प उभारला जाणार आहे. हे बंदर भारतातील सर्वांत मोठ्या खोल पाण्यातील बंदरांपैकी एक असेल. या बंदराच्या कामाचा प्रारंभ पंतप्रधानांच्या हस्ते झाला. त्याशिवाय, मोदी यांच्या हस्ते मत्स्यव्यवसायासंबंधी २१८ प्रकल्पांचे भूमिपूजनही करण्यात आले आहे. सुमारे १,५६० कोटी रुपयांचे हे प्रकल्प असल्याचे सांगितले जाते. या उपक्रमांमुळे मासेमारी क्षेत्रातील पायाभूत सुविधा आणि उत्पादकता वाढेल, तसेच पाच लाख रोजगार निर्माण होतील, असे सांगण्यात आले.

एकात्मिक ॲक्वापार्क, रिसर्क्युलेटरी ॲक्वाकल्चर सिस्टीम आणि बायोफ्लॉक यांसारख्या प्रगत तंत्रज्ञानावर आधारित प्रकल्पांचा यामध्ये समावेश आहे. हे प्रकल्प देशातील विविध राज्यांमध्ये राबवण्यात येणार असून याद्वारे मत्स्यउत्पादन वाढवणे, मासेमारी-पश्चात व्यवस्थापन सुधारणे तसेच या क्षेत्रात सहभागी असलेल्या लाखो लोकांसाठी शाश्वत उपजीविका निर्माण करणे यासाठी पायाभूत सुविधा तसेच उच्च दर्जाची सामग्री पुरवली जाईल. मासेमारी बंदरांसह, मत्स्य साठवणूक केंद्रे, अद्ययावतीकरण, मासळी बाजार आदी महत्त्वाच्या मत्स्यव्यवसायसंबंधी पायाभूत सुविधा प्रकल्पांची पायाभरणीही पंतप्रधानांच्या हस्ते या वेळी करण्यात आली.