‘मु. पो. बोंबिलवाडी’, ‘संगीत मानापमान’, ‘जिलबी’, ‘फसक्लास दाभाडे’, ‘गोल गोल राणी’, ‘प्रेमाची गोष्ट २’ या सिनेमांत मराठीतले आघाडीचे कलाकार एकत्र झळकणार आहेत. प्रस्थापित कलाकारांना एकत्र सिनेमात आणण्यासाठी निमति आग्रही आहेत. त्यात सिक्वेल सिनेमेही आहेत. यामध्ये अंकुश चौधरी दिग्दर्शित ‘पुन्हा साडे माडे तीन’, संजय जाधव दिग्दर्शित ‘येरे येरे पैसा ३’ आणि ‘पुन्हा दुनियादारी’ या सिनेमांचा समावेश आहे. दिग्दर्शक मंडळीही मराठी सिनेमांचे विषय, मांडणी, सादरीकरण यावर विचार करत नवं काही देण्याच्या प्रयत्नात आहेत. म्हणूनच आगामी काळात अनेक महत्त्वाकांक्षी कलाकृती प्रदर्शित होणार आहेत.

मुलाच्या पहिल्या बर्थडेनंतर दोनच महिन्यात अभिनेत्रीनं पुन्हा शेअर केली गुडन्यूज, तो व्हिडिओ व्हायरल
इतिहास आणि साहित्याची पानं ‘कट्यार काळजात घुसली’ या सिनेमानंतर सुबोध भावे ‘संगीत मानापमान’ च्या निमित्तानं पुन्हा एकदा दिग्दर्शक म्हणून प्रेक्षकांच्या भेटीस येतोय. अभिनेता रितेश देशमुख ‘राजा शिवाजी’ हा छत्रपती शिवाजी महाराज यांच्या जीवनावर आधारित सिनेमाचं दिग्दर्शन करणार आहे. विशेष म्हणजे या सिनेमात तो स्वतः महाराजांची भूमिका साकारत आहे. तसंच दिग्दर्शक महेश मांजरेकर यांचा ‘वेडात मराठे वीर दौडले सात’ हा सिनेमाही पोस्ट प्रोडक्शनच्या शेवटच्या टप्प्यात आहे. यात अभिनेता अक्षयकुमार यानं छत्रपती शिवाजी महाराज ही व्यक्तिरेखा साकारली आहे.

वास्तववादी धाटणीच्या चित्रपटांमधून वेगळेपण दाखवून देणारा दिग्दर्शक भाऊराव कऱ्हाडे साहित्यरत्न अण्णाभाऊ साठे यांच्या ‘फकिरा’ या कादंबरीवर सिनेमा करतोय. तर ‘शिवअष्टक’ सिनेमांसह दिग्दर्शक दिग्पाल लांजेकर लवकरच ‘मुक्ताई’ हा चित्रपट नववर्षांत प्रदर्शित होणार आहे. नागराज मंजुळे याचं दिग्दर्शन असलेल्या ‘खाशाबा’ या सिनेमाकडेसुद्धा प्रेक्षकांच्या नजरा लागून राहिल्या आहेत. ऑलिम्पिक पदक विजेते खेळाडू खाशाबा जाधव यांच्या संघर्षमय जीवनावर हा सिनेमा आधारित आहे.

याकडेही लक्ष
! ‘गोदावरी’ नंतर राष्ट्रीय पुरस्कारप्राप्त दिग्दर्शक निखिल महाजन ‘रावसाहेब’ या सिनेमावर काम करतोय. या सिनेमात मुक्ता बर्वे, मृण्मयी देशपांडे, सोनाली कुलकर्णी आणि जितेंद्र जोशी यांच्या प्रमुख भूमिका आहेत. तसंच प्रसाद ओकचा ‘वडापाव’, केदार शिंदेचा ‘झापुक झुपूक’, तेजस देऊस्करचा ‘देवमाणूस’ अशा वैविवध्यपूर्ण विषय असलेल्या सिनेमांमुळे प्रेक्षकांनाही नवा अनुभव मिळेल अशी खात्री व्यक्त केली जातेय.

हेही आगामी सिनेमे :
‘रावसाहेब’, ‘अशी ही जमवाजमवी’, ‘येरे येरे पैसा ३’, ‘निरवधी’, ‘असंभव’, ‘अलबत्या गलबत्या’, ‘महापरिनिर्वाण’, ‘बंजारा’, ‘गुलकंद’, ‘देवमाणूस’, ‘सुशीला सुजित’, ‘बंजारा’, ‘संत ज्ञानेश्वरांची मुक्ताई’, ‘इंदुमती मिलर’, ‘पुन्हा एकदा साडे माडे तीन’, ‘कलावती’, ‘बोहाडा’, ‘भूपती’, ‘हजार वेळा शोले पाहिलेला माणूस’, ‘फकिरा’.

झी मराठीच्या ‘पारू’ मालिकेवर नेटकऱ्यांचा संताप; म्हणाले, ‘मूर्खपणाचा नवीन कळस गाठणार’

एकत्र येणार स्टार मंडळी !
प्रशांत दामले, आनंद इंगळे, वैभव मांगले, गीतांजली कुलकर्णी, अद्वैत दादरकर, दीप्ती लेलेपासून अनेक कलंदर कलाकार एकत्र ‘मु. पो. बोंबिलवाडी’ मध्ये भेटीला येणार आहेत. ‘संगीत मानापमान’ मध्ये मल्टिस्टारर कलाकारांची फळी आहेच; त्याशिवाय दमदार गायक-संगीतकारही सिनेमाला लाभले आहेत. संगीतकार शंकर-एहसान-लॉय यांनी या सिनेमासाठी मंत्रमुग्ध करणारी एकूण १४ गाणी संगीतबद्ध केली आहेत. ‘जिलबी’मध्ये स्वप्नील जोशी आणि प्रसाद ओके, ‘फसक्लास दाभाडे’मध्ये अमेय वाघ, क्षिती जोग, सिद्धार्थ चांदेकर, ‘बोल बोल राणी’ मध्ये सई ताम्हणकर, चिन्मय मांडलेकर, सुबोध भावे हे आहेत. ओटीटी प्लॅटफॉर्ममुळे प्रेक्षकांना जगभरातल्या सिनेमांची सवय झाली आहे. अशा परिस्थितीत मोठे कलाकार आणि दमदार कथा असलेल्या मल्टिस्टारर सिनेमांना थिएटरमध्ये प्रेक्षकांचा उत्तम प्रतिसाद मिळतोय.

जबरदस्ती धर्मांतराचा प्रयत्न झाल्याने ब्रेकअप? बिग बॉसमध्ये जुळलेल्या रेशीम गाठी

वर्षांरंभी मनोरंजनाचा धमाका !
■ १ जानेवारी: मु. पो. बोंबिलवाडी
■ १० जानेवारी: संगीत मानापमान, एक राधा एक मीरा, जंतर मंतर छूमंतर
■ १७ जानेवारी : जिलेबी, रील स्टार, मंगला
■ २४ जानेवारी : फसक्लास दाभाडे, मिशन अयोध्या
■ ३१ जानेवारी : इलू इलू, मु. पो. देवाचं घर, अष्टपादी
■ ७ फेब्रुवारी : बोल बोल राणी, लव्ह सुलभ, मी पाठीशी आहे, स लातेसला नाते
■ १४ फेब्रुवारी : वीर मुरारबाजी, प्रेमाची गोष्ट २