कोणतेही धागेदोरे हाती नसताना केवळ स्मशानभूमीतील लाकडाच्या मदतीने तपास करीत पोलिसांनी आरोपींचा माग काढला. ‘हरिभाऊ धुराजी जगताप (वय ७४, रा. गंगाखेड, परभणी) असे खून झालेल्याचे नाव आहे. मृताचा मुलगा सचिन (सध्या रा. कोल्हापूर) यांनी वालचंदनगर पोलिस ठाण्यात तक्रार दिली. दादासाहेब मारुती हरिहर (वय ३०) आणि त्याचा मित्र विशाल सदाशिव खिलारे (वय २३, दोघेही रा. फलटण, सातारा) यांना अटक करण्यात आली आहे,’ अशी माहिती पोलिस अधीक्षक पंकज देशमुख यांनी दिली. देशमुख यांनी दिलेल्या माहितीनुसार, १६ नोव्हेंबर २०२४ रोजी सकाळी साडेनऊच्या सुमारास तावशी येथील स्मशानभूमीत मानवी किंवा अमानवी अवयव जळत असून, बाजूला मोठ्या प्रमाणात रक्त सांडल्याची माहिती तावशीच्या पोलिस पाटलांनी वालचंदनगर पोलिसांना दिली. त्यानंतर पोलिसांनी तत्काळ घटनास्थळी धाव घेऊन पाहणी केली. त्या वेळी स्मशानभूमीतील लोखंडी जाळीवरील पूर्ण जळालेली हाडे आणि तेथून ४० फूट अंतरावर रक्त सांडलेल्याचे दिसून आले. त्यामुळेहा घातपाताचा प्रकार असल्याचा संशय बळावला.
पुणे जिल्ह्यात २५९ उमेदवारांचे डिपॉझिट जप्त; बागूल, मानेंसह मनसे, वंचितच्या उमेदवारांचा समावेश
वालचंद पोलिसांसह स्थानिक गुन्हे शाखेच्या पथकाने तपास सुरू केला. पोलिसांनी स्मशानभूमीतील जळकी लाकडे ताब्यात घेऊन वखारीचा शोध घेण्यास सुरुवात केली. त्यासाठी इंदापूर, माळशिरस आणि फलटण भागात त्यांनी चौकशी केली. त्यानंतर ती लाकडे गुणवरे (ता. फलटण) येथील वखारीतील असल्याचे कळाले. तेथे चौकशी केल्यावर दादासाहेब हरिहर आणि विशाल खिलारे यांनी अंत्यविधीसाठी लाकडे नेल्याचे विक्रेत्याने पोलिसांना सांगितले. त्यानुसार, वालचंदनगर पोलिसांनी दोघांना ताब्यात घेऊन चौकशी केली असता खुनाचा गुन्हा उघडकीस आला. स्थानिक गुन्हे शाखेचे निरीक्षक अविनाश शिळीमकर, सहायक निरीक्षक राजकुमार डुणगे, कुलदीप संकपाळ, अंमलदार शैलेश स्वामी, गुलाबराव पाटील यांनी तपास केला.
रेल्वेप्रवाशांनो कृपया लक्ष द्या! पश्चिम रेल्वेवरुन सुटणाऱ्या ८३ रेल्वेगाड्यांच्या थांब्यात मोठे बदल; वाचा लिस्ट
जत्रेच्या जेवणाच्या बहाण्याने निमंत्रण मृत हरिभाऊ जगताप याची आरोपी दादासाहेब हरिहर याच्या बायकोवर वाईट नजर असल्याच्या संशयावरून कट रचून त्यांना गंगाखेड येथे यात्रेत जेवण करण्याच्या निमित्ताने आणण्यात आले. १५ नोव्हेंबरच्या मध्यरात्री तावशी येथील स्मशानभूमीजवळ लघुशंकेसाठी गाडी थांबवून हरिभाऊ जगताप यांच्या डोक्यात लाकडी दांडक्याने मारहाण करून त्यांचा खून केला. त्यानंतर पुरावा नष्ट करण्याच्या उद्देशाने जगताप यांचा मृतदेह स्मशानभूमीत जाळल्याची कबुली आरोपींनी दिली. उपनिरीक्षक मिलिंद मिठापल्ली तपास करीत आहेत

या घटनेची माहिती अशी की, राज्यात लोकशाहीचा महोत्सव सुरू असताना सातारा जिल्ह्यातील खंडाळा तालुक्यामधील मोर्वे येथे हृदयद्रावक घटना घडली. शाम नानासाहेब धायगुडे हे मोर्वे येथील मतदान केंद्रावर आल्यानंतर त्यांनी नावाची चिठ्ठी देऊन ओळखपत्र दाखवून बोटाला शाई लावली. त्यानंतर पुढील प्रक्रिया सुरू केली. वोटिंग बटन दाबले आणि बीप मशीनचा आवाज येण्याच्या अगोदरच त्यांना तीव्र हृदयविकाराचा झटका आला आणि ते जमिनीवर कोसळले.
मतदान करताना फोटो-व्हिडिओ काढले, बूथ अधिकाऱ्याने पाहिल्यानंतर प्रकरण अंगलट; वाशिममध्ये एकावर गुन्हा दाखल
यावेळी तेथील उपस्थित अधिकारी आणि गावचे पोलीस पाटील यांनी खाली कोसळलेल्या शाम धायगुडे यांना ताबडतोब तिथे असलेल्या खाजगी वाहनातून लोणंद येथे उपचारासाठी हलवले. मात्र, वाटेतच त्यांचा मृत्यू झाला. या घटनेमुळे मोर्वे गावावर शोककळा पसरली आहे. सायंकाळी पाच वाजता धायगुडे यांच्यावर शोकाकुल वातावरणात अंत्यसंस्कार करण्यात आले. गावात ही दुःखाची घटना घडली असतानाही गावातील नागरिकांनी या लोकशाहीच्या महोत्सवात सामील होत गावातील नागरिकांनी ७१ टक्के मतदान केले. शिवाय धायगुडे यांच्या कुटुंबातीलही लोकांनी मतदान केंद्रावर जाऊन आपला मतदानाचा हक्क बजावला. इतक्या दुःखद घटनेनंतरही धायगुडे कुटुंबीयांनी आपले मतदानाचे कर्तव्य बजावल्याबद्दल त्यांचे कौतुकही होत आहे.
Raigad News : मतदानाच्या दिवशी भररस्त्यात घडला भानामतीचा प्रकार; पोलिसांनी केला करेक्ट कार्यक्रम

शाम धायगुडे हे अविवाहित होते. त्यांच्या पश्चात आई, भाऊ आणि बहीण असा परिवार आहे. त्यांचे शिक्षण एमकॉम झाले होते. हे सदैव निर्व्यसनी राहिले होते. त्यांच्या मृत्यूची माहिती मिळताच आमदार मकरंद पाटील यांनी त्यांच्या कुटुंबीयांची भेट घेऊन सांत्वन केले.

तुतारीसारखी पिपाणी दिसली,साताऱ्याची जागा वाचली!

साताऱ्याच्या जागेबाबत बोलताना त्यांनी पिपाणीमुळे वाचलो असं विधान केलं. लोकांना तुतारीसारखी पिपाणी दिसली म्हणून साताऱ्याची जागा वाचली, आमचा राजा वाचला, असं ते म्हणाले. आमचे १३ वे वंशज वाचले, त्यामुळे थोडीफार इज्जत वाचली, असंही अजित पवार म्हणाले.

पुणे बंगळुरू महामार्गावर सातारा जिल्ह्यामधील शेंद्रे येथे पोलिसांनी १ कोटी रूपयांची रोकड पकडली आहे. सातारा पोलिसांनी ही कारवाई केलीय. पोलिसांना माहिती मिळाल्यावर त्यांनी क्रेटा गाडीची तपासणी केली आणि १ कोटी रूपयांचे घबाड सापडले. ही रक्कम कोणाची आहे याबाबत अद्याप कोणतीही माहिती समजू शकलेली नाही. रक्कम नेमकी कोणाची आहे याचा तपास पोलीस करत आहेत. निवडणुका जवळ येत असताना आता रक्कम सापडण्याचे प्रमाण वाढले आहे. राज्यात निवडणुकीचे बिगुल वाजल्यापासून पोलिसांनी कडक नाकेबंदी करायला सुरूवात केली आहे. निवडणुकीमध्ये पैशांचा वापर होऊ नये यासाठी पोलीस प्रशासन आपले सर्व प्रयत्न करते. पोलिसांनी टोलनाके, चेकपोस्टवर चोख बंदोबस्त करत गाड्यांची तपासणीक करत आहेत. या तपासणीदरम्यान मोठी रक्कम पोलीस जप्त करत आहेत.

विरोधकांनी राज्य सरकावर आरोप करताना गंभीर आरोप केले होते. पोलिसांच्या गाड्यांमधून सत्ताधारी उमेदवारांना रसद पुरवली जात असल्याचं शरद पवार यांनी म्हटलं होतं. तर ठाकरे गटाचे नेते संज राऊत यांनी थेट मुख्यमंत्र्यांवर आरोप करताना त्यांच्या हेलिकॉप्टमध्ये पैशांच्या बॅगा असल्याचं म्हणत सीआरपीएफचे जवान त्या बॅगा खाली करत असल्याचं म्हटलं होतं. आता गेल्या काही दिवसांपूर्वी पुण्यातील शिवापूर येथील टोल नाक्यावर पाच कोटी रूपये पोलिसांनी जप्त केले होते. त्यावेळी ते पैसे सत्ताधारी पक्षामधील सांगोल्याचे आमदार शहाजी बापू पाटील यांचे असल्याचं आरोप विरोधकांनी केला होता.

दरम्यान, आता विधानसभा निवडणुकीला उमेदवारी अर्ज घेण्याची तारीख संपली आहे. जवळपास सर्व जागांवरील चित्र आता स्पष्ट झाले आहे. त्यामुळे निवडणूकीदरम्यान कोणताही अपप्रकार घडू नये यासाठी पोलिसांनीही आपला बंदोबस्त वाढवला आहे.