आगामी निवडणुका पक्षानं महाविकास आघाडीतून न लढता स्वबळावर लढवाव्यात, असा सूर शिवसेना उबाठामध्ये आहे. उद्धव ठाकरेंसोबत झालेल्या बैठकीत बहुतांश पराभूत उमेदवारांनी, नेत्यांनी एकला चलो रेचा सूर आळवला. ठाकरेंकडे अनेकांनी तशी इच्छा व्यक्त केल्याची कबुली शिवसेना उबाठाचे नेते, विधान परिषदेतील उपनेते अंबादान दानवे यांनीदेखील या सगळ्याला दुजोरा दिला.
मी काहीही ताणून धरलेलं नाही! अखेर शिंदेंनी मौन सोडले; मुख्यमंत्रिपदावरही स्पष्टच बोलले
‘पक्षात अनेकांचा स्वबळाचा सूर आहे आणि आम्ही ते अजिबात नाकारत नाही. शिवसेनेनं स्वतंत्रपणे लढलं पाहिजे, असं बऱ्याच जणांना वाटतं. शिवसेना काही सत्तेसाठी जन्माला आलेली नाही. सत्ता शिवसेनेला कधी ना कधी मिळेलच. शिवसेना एका विचारानं काम करणारी संघटना आहे. बऱ्याच जणांनी तो विचार मांडला. शिवसेनेनं सगळ्या निवडणुकांमध्ये आपलं स्वतंत्र संघटन उभं करुन निवडणूक लढली पाहिजे,’ असं दानवेंनी सांगितलं.

शिवसेना उबाठामध्ये स्वबळाचा सूर लावला जात असताना आता यावर काँग्रेस नेते विजय वडेट्टीवार यांनीही प्रतिक्रिया दिली आहे. ‘जशी त्यांची स्वबळाची इच्छा आहे, तशी आमचीही इच्छा होती. हा इच्छेचा विषय नाही. आम्ही आघाडी म्हणून लढलो आणि निकालानंतर त्यांनी काय करायचं तो त्यांचा निर्णय आहे. त्यांनी त्यांची भूमिका मांडली. आमची भूमिका आमचे प्रदेशाध्यक्ष मांडतील, आम्हीही मांडू. पण आम्ही काही इतक्या घाईनं भूमिका मांडणार नाही. हायकमांडशी चर्चा करु. त्यानंतर भूमिका घेतली जाईल,’ असं वडेट्टीवार म्हणाले.
Eknath Shinde: भाजपनं ‘तेव्हा’च शिंदेंना पुन्हा CM करण्याचा शब्द दिलेला! सेना नेत्याचा खळबळजनक दावा
विधानसभा निवडणुकीत महाविकास आघाडीला मोठा धक्का बसला. मविआला केवळ ४६ जागा मिळाल्या. शिवसेना उबाठानं २०, काँग्रेसनं १६, राष्ट्रवादी शपनं १० जागा जिंकल्या. महाविकास आघाडीतील कोणत्याच पक्षाला विरोधी पक्षनेतेपद मिळावं, इतक्याही जागा मिळालेल्या नाहीत. विरोधी पक्षासाठी विधानसभेत किमान २९ सदस्य असावे लागतात. त्यापासून तिन्ही पक्ष दूर आहेत.

सचिन शिंदे आणि त्यांच्या समर्थकांनी मातोश्रीवर जात ठाकरेंच्या शिवसेनेत प्रवेश केला. विधानसभा निवडणुकीच्या निकालास काही तासांचा अवधी राहिलेला असताना शिंदेंचा ठाकरेसेनेतील प्रवेश भाजपसाठी धक्का मानला जात आहे. शिंदे यांच्या हाती ठाकरेंनी शिवबंधन बांधलं. यावेळी माहीमचे ठाकरेसेनेचे उमेदवार महेश सावंत आणि सिनेट सदस्य प्रदीप सावंत उपस्थित होते. शिवसेना भवन, छत्रपती शिवाजी महाराज पार्क याच मतदारसंघात येत असल्यानं माहीमची जागा दोन्ही शिवसेनेसाठी महत्त्वाची आहे. त्यामुळे इथे दोन्ही शिवसेनेची प्रतिष्ठा पणाला लागली आहे.
भाजप, काँग्रेसचा पराभव व्हावा ही तर त्यांच्याच मित्रपक्षांची इच्छा; मोठा गेम करण्याची तयारी
माहीममध्ये तिरंगी लढत
माहीममध्ये यंदा तिरंगी लढत होत आहे. विद्यमान आमदार आणि शिवसेनेचे उमेदवार सदा सरवणकर, शिवसेना उबाठाचे महेश सावंत आणि महाराष्ट्र नवनिर्माण सेनेचे अमित ठाकरे यांच्यात लढत होत आहे. माहीममधील राजकारण, इथल्या घडामोडी राज्यभरात चर्चेत राहिल्या. मुख्यमंत्री एकनाथ शिंदेंनी इथून सदा सरवणकर यांना तिकीट दिलं. राज ठाकरेंचे पुत्र रिंगणात असल्यानं, राज यांनी लोकसभा निवडणुकीत महायुतीला बिनशर्त पाठिंबा दिल्यानं सरवणकरांनी उमेदवारी मागे घ्यावी, असा आग्रह भाजपच्या बड्या नेत्यांनी घेतला. त्यासाठी बैठकादेखील झाल्या.
बंडखोर, अपक्षांवर नजर; फडणवीसांचे ६ शिलेदार सक्रिय; सूरत प्लान यशस्वी केलेले तिघे मोहिमेवर
सदा सरवणकर विद्यमान आमदार असल्यानं शिंदे त्यांची उमेदवारी मागे घेण्यास फारसे उत्सुक नव्हते. त्यातच राज ठाकरेंनी एका वृत्तवाहिनीच्या कार्यक्रमात पुढचा मुख्यमंत्री भाजपचा होईल. मला माझ्या पक्षाचं चिन्ह मतदारांमुळे मिळालं आहे. ते मी कोणाकडून ढापलेलं नाही. मला ते कोर्टानं दिलेलं नाही, अशी विधानं केली. ही विधानं शिंदेंनी खटकली. त्यामुळे त्यांनी माहीमचा विषय संपवला आणि सरवणकर यांना ग्रीन सिग्नल दिला, असं सेनेतील सुत्रांनी सांगितलं.

‘मला पंकजा मुंडेंना धन्यवाद द्यायचे आहेत. कारण आमच्या महाराष्ट्राच्या डोळ्यावरची पट्टी तू काढलीस. पंकजा मुंडेंनी काय सांगितलंय, भाजपचं काम म्हणजे लय भारी असतं बघा. आपल्याकडे बूथ किती आहेत महाराष्ट्रभर? ९० हजार. प्रत्येक बूथवर एक दक्षता पथक आहे. ९० हजार बूथवर दक्षता पथकं म्हणजे एकापेक्षा अधिक माणसं असणार. एक माणूस जरी धरला तरी ९० हजार बूथवर ९० हजार माणसं. दोन धरली तर १ लाख ८० हजार. तीन धरली तर त्याच्या पटीत आणि सगळी माणसं गुजरातमधून भाजपनं इकडे आणली आहेत आपल्यावर नजर ठेवायला. आज नजर ठेवायला आणली आहेत. उद्या मुंबई बळकावण्याचा यांचा डाव आहे. हे काही फेक नरेटिव्ह नाही ना? हे उद्धव ठाकरे पंकजा मुंडे बोलल्यानंतर बोलतोय,’ असं ठाकरे महाविकास आघाडीच्या सभेत म्हणाले.
शहांकडून महाराष्ट्र दौरा रद्द, पण उपयोग शून्य; मित्रपक्षानं पाठिंबा काढला; सरकारला धोका?
‘राज्यातील भाजप हरलेली आहे. इथल्या भाजपमध्ये लोक राहिलेले नाहीत. विशेष म्हणजे महाराष्ट्रात राहणाऱ्या भाजप प्रेमींवर भाजप नेतृत्त्वाचाच विश्वास आहे. त्यांचा कोणावरच विश्वास नाही. त्यामुळे परराज्यातून माणसं आणली जात आहेत आणि त्यांच्या माध्यमातून नजर ठेवली जातेय. हा सगळा प्रकार सांगितल्याबद्दल मी पंकजा ताईंचा आभारी आहे,’ असं ठाकरेंनी म्हटलं.
Pratibha Pawar: एवढ्या प्रतिभावंत व्यक्तीला अडवण्याएवढा..; मिसेस शरद पवारांना अडवल्यानंतर BTPकडून स्पष्टीकरण
‘आतापर्यंत मी अनेक निवडणुका पाहिल्या. शिवसेनेचा स्टार प्रचारक म्हणून निवडणुकीत फिरलेलो आहे. यंदा निवडणूक काळात तीन ते चार वेळा माझ्या बॅगांची तपासणी झाली. खरं तर त्या बॅग कंपनीला मी एक पत्रच लिहिणार आहे. तुमचा ब्रँड ऍम्बेसेडर म्हणून माझी नियुक्ती करा. माझ्या बॅगा तपासल्या, हरकत नाही. पण या सगळ्या पथकांचा खर्च कोण करतंय? ते नेमकं काय करताहेत? कारण यांच्या रात्रीच्या बैठका चालल्या आहेत. सगळ्यांकडून आढावा घेत आहेत. अशा पद्धतीनं बाहेरच्या राज्यातून माणसं आणून, इथल्या माणसांवर नजर ठेवली गेली, अशी कोणतीही निवडणूक आतापर्यंत कधीही झालेली नव्हती,’ अशा शब्दांत ठाकरे भाजपवर बरसले.

लोकसभा निवडणुकीत ठाणे, कल्याणची जागा जिंकत शिंदेंनी जिल्ह्यातलं त्यांचं वर्चस्व दाखवून दिलं. कल्याण लोकसभा मतदारसंघात भाजपचं वर्चस्व आहे. तिथे केवळ एकच आमदार शिंदेसेनेचा आहे. अंबरनाथ मतदारसंघातून सलग तीनवेळा बालाजी किणीकर यांनी बाजी मारली आहे. हा मतदारसंघ अनुसूचित जातीसाठी आरक्षित आहे.
काल सोमय्या भेटीला, आज थेट ईडीचं पथक चौकशीला; वोट जिहाद प्रकरणात झाडाझडती, धाड पडताच खळबळ
मागील विधानसभा निवडणुकीत बालाजी किणीकर सहज निवडून आले आहेत. त्यावेळी त्यांच्यासमोर फारसं आव्हान नव्हतं. पण यंदा वातावरण संघर्षपूर्ण आहे. किणीकर आणि शहरप्रमुख यांच्यातील वाद मतदारसंघाला परिचित आहे. किणीकरांचं नाव पक्षाच्या पहिल्या उमेदवार यादीत नव्हतं. त्यामुळे किणीकरांची धाकधूक वाढली होती. अखेर पक्षानं त्यांना तिकीट दिलं. अंबरनाथ सेनेचा बालेकिल्ला मानला जातो. १९९५ पासून इथं शिवसेनेचाच उमेदवार विजय होत आला आहे. केवळ २००४ ची निवडणूक याला अपवाद राहिली आहे.

अंबरनाथ शिवसेनेचे माजी प्रमुख अरविंद वाळेकर आणि बालाजी किणीकर यांचे संबंध ताणलेले राहिले आहेत. त्यांच्यातील कटुता मिटवण्यासाठी खुद्द मुख्यमंत्र्यांना बैठक घ्यायला लागली होती. या सगळ्या पार्श्वभूमीवर किणीकर यांच्यासाठी लढत सोपी नाही. त्यामुळेच त्यांच्यासाठी मुख्यमंत्र्यांनी स्वत:ची यंत्रणा कामाला लावली आहे. किणीकर यांचा पराभव झाल्यास ती शिंदेंसाठी नामुष्की ठरु शकते.
नाशकात राडा! मविआ, महायुतीचे कार्यकर्ते भिडले, वाहनं फोडली; सुप्रिया सुळे पोलीस ठाण्यात दाखल
२०१९ मध्ये जवळपास ३० हजार मतांनी निवडून आलेले किणीकर २०१४ मध्ये अतिशय कमी फरकानं विजयी झाले होते. त्यावेळी युती तुटली असल्यानं भाजपनंही अंबरनाथमध्ये उमेदवार दिला. राजेश वानखेडेंनी जवळपास ४५ हजार मतं घेतली. त्यांनी किणीकर यांना अक्षरश: घाम फोडला होता. किणीकर अवघ्या २ हजार मतांनी विजयी झाले होते. आता तेच वानखेडे ठाकरेसेनेकडून रिंगणात आहेत. त्या निवडणुकीतील त्रुटी दूर करत वानखेडेंनी किणीकर यांच्यासमोर यंदा कडवं आव्हान उभं केलं आहे.

शिवसेना उबाठाचे प्रमुख उद्धव ठाकरे आज लातूर दौऱ्यावर आहेत. औसामधील हेलिपॅडवरुन ठाकरेंच्या बॅगांची तपासणी करण्यात आली. काल यवतमाळच्या वणीतही ठाकरेंच्या बॅगा तपासण्यात आल्या होत्या. सलग दुसऱ्या दिवशी बॅगांची तपासणी करण्यात आल्यानंतर ठाकरेंचा संताप पाहायला मिळाला. यावेळी ठाकरेंनी निवडणूक अधिकाऱ्यांवर, कर्मचाऱ्यांवर प्रश्नांची सरबत्ती केली. तुमची नियुक्तीपत्रं दाखवा, अशा सूचनाच ठाकरेंनी केल्या.
Ajit Pawar: शरद पवारांनी स्वत:च EDकडे जायचं! आयडिया कोणाची? निवडणुकीच्या रणधुमाळीत दादांचा गौप्यस्फोट
हेलिपॅडवर बॅगांची तपासणी झाल्यानंतर आता ठाकरेंच्या हेलिकॉप्टरला उड्डाणाची परवानगी नाकारण्यात आली आहे. ठाकरे लातूरमध्ये आहेत. तिथून त्यांना धाराशिवमधील उमरग्याला पुढील सभेसाठी जायचं आहे. पण त्यांच्या हेलिकॉप्टरला अद्याप उड्डाणास परवानगीच देण्यात आलेली नाही. पंतप्रधान नरेंद्र मोदी सोलापुरात थोड्याच वेळात येणार आहेत. त्यांच्या सुरक्षेच्या कारणास्तव हवाई वाहतुकीवर निर्बंध आणण्यात आले आहेत.
Eknath Shinde: हेच शिकवता का कार्यकर्त्यांना? ‘तो’ शब्द ऐकताच शिंदेंचा संताप; ताफा थांबवला, कारमधून उतरले
पंतप्रधान मोदींचं विमान लँड होईपर्यंत बाकीची उड्डाणं रोखण्यात आलेली आहेत. त्याचा फटका उद्धव ठाकरेंना बसला आहे. हवाई वाहतूक नियंत्रण कक्षानं परवानगी ठाकरेंच्या हेलिकॉप्टरच्या टेक ऑफला अद्याप परवानगी दिलेली नाही. टेक ऑफ रखडल्यानं ठाकरेंचा खोळंबा झाला आहे. त्यामुळे त्यांच्या पुढील सभेला उशीर होण्याची शक्यता आहे.

पंतप्रधान नरेंद्र मोदींच्या आज राज्यात तीन सभा होत आहेत. विदर्भातील चिमूरमध्ये दुपारी १ वाजता मोदींची सभा झाली. त्यानंतर आता सोलापुरात मोदींची सभा सुरु झालेली आहे. संध्याकाळी साडे सहा वाजता मोदी पुण्यात असणार आहेत. लोकसभा निवडणुकीत पश्चिम महाराष्ट्रात भाजपचं मोठं नुकसान झालं. सातारा, पुण्याची जागा वगळता अन्य जागांवर भाजपचा पराभव झाला. त्यामुळे यंदा भाजपनं पश्चिम महाराष्ट्राकडे विशेष लक्ष केंद्रीत केलं आहे. सोलापूर, पुण्यात सभा घेत मोदी पश्चिम महाराष्ट्रात महायुतीचा झंझावाती प्रचार करताना दिसत आहेत. पश्चिम महाराष्ट्रात विधानसभेच्या ७० जागा आहेत.