रत्नागिरी येथे माजी खासदार विनायक राऊतांनी माध्यमांशी संवाद साधला. यावेळी विनायक राऊत म्हणाले, मतमोजणी होऊन दहा ते बारा दिवसांनी महाराष्ट्राला मुख्यमंत्री मिळतोय हे महाराष्ट्राचे दुर्दैव आहे. बहुमत मिळून तेरा दिवस उलटून महाराष्ट्राला मुख्यमंत्री मिळत आहे, याच्यामागचे कारण भाजप आणि गद्दार गटाने स्पष्ट करणे आवश्यक आहे. ‘एकनाथ शिंदे यांच्या निर्णयाला आता काडीची देखील किंमत राहिलेली नाही. गरज असेल तर या नाहीतर चालते व्हा, असे सांगायची ताकद भाजपने ठेवली आहे,’ असा चिमटा देखील विनायक राऊत यांनी काढला आहे.
Ajit Pawar: दोन दिवस दिल्लीत, पण शाहांची भेट नाही; अजितदादांचे हात रिकामेच; ‘त्या’ मागण्यांचं काय होणार?
तसेच ‘उद्याच्या शपथविधीमध्ये एकनाथ शिंदे यांच्या विचाराला कुठेही किंमत दिलेली दिसत नाही. तुम्हाला गरज असेल तर आमच्या मंत्रिमंडळात या नाहीतर आमच्या सोबत अजित पवार आहेत. अजित पवार आणि छगन भुजबळ यांनी शिंदे गटाची विकेट कधीच पाडली आहे,’ असाही खोचक टोला देखील विनायक राऊतांनी लगावला.

विनायक राऊत पुढे म्हणाले, एकनाथ शिंदे यांची गरज आता संपली आहे. भाजपने शिंदेंच्या माध्यमातून शिवसेना फोडण्याचे पाप केले आहे. मुख्यमंत्री आणि उपमुख्यमंत्री जरी तांत्रिक बाब असेल तर मग शपथ का घेत आहात? शपथ घेण्याच्या कार्यक्रमावर करोडो रुपये का खर्च केला जातोय? पंतप्रधानांपासून सर्व मुख्यमंत्र्यांना मुंबईत का बोलावलं जातं आहे? तुम्ही महाराष्ट्राची फसवणूक केली ती आता बस झाली, आता जे काही दिवे लावायचे ते लावा.

यासोबतच विनायक राऊतांनी रत्नागिरी आणि सिंधुदुर्ग जिल्ह्यात ईव्हीएमचा घोटाळा झाला असल्याचे देखील नमूद केले. तर ‘हा मेरिटवर मिळवलेला विजय नाही.’ असे म्हणत आम्ही पुन्हा एकदा उभे राहू आणि आमचा भगवा झेंडा फडकवून दाखवू, असा निर्धार देखील केला आहे.

शरद कोळींची पुन्हा काँग्रेसवर सडकून टीका

सोलापुरात विधानसभा निवडणुकीत काँग्रेस आणि उद्धव ठाकरेंच्या शिवसेनेत दुरावा निर्माण झाला आहे. दक्षिण सोलापूर विधानसभा मतदारसंघात खासदार प्रणिती शिंदे व माजी केंद्रीय मंत्री सुशीलकुमार शिंदेंनी उद्धव ठाकरेंच्या शिवसेनेच्या उमेदवाराला पाठिंबा देण्याऐवजी अपक्ष उमेदवाराला पाठिंबा दिला होता. त्यामुळे शरद कोळी व इतर शिवसैनिकांनी खासदार प्रणिती शिंदे व सुशीलकुमार शिंदेचा निषेध केला होता. पुन्हा एकदा शरद कोळी यांनी काँग्रेसवर सडकून टीका केली आहे. तसेच काही महत्वाची माहिती देखील दिली आहे. ते म्हणाले, आगामी काळात स्थानिक स्वराज्य संस्थाच्या निवडणूकांमध्ये उद्धव सेना स्वबळावर लढणार आहे. त्याबद्दल आम्ही उद्धव ठाकरेंकडे मागणी करणार आहोत. काँग्रेस पक्षाने विधानसभा निवडणूकीत धोका दिला आहे, त्यामुळे त्यांच्यावर विश्वास राहिलेला नाही, असे शरद कोळी म्हणाले.
एकनाथ शिंदेंना भरला ताप, शरीराचे तापमान हे १०४°; सत्तास्थापना रखडणार?
राज्यात जनतेने महायुतीला मोठा कौल दिला आहे. निकाल लागून आठवडा सरत आला तरी मुख्यमंत्रीपदावरचा सस्पेन्स कायम आहे. अशातच राजकीय नेत्यांकडून दावे-प्रतिदावे केले जात आहेत. शिवसेना ठाकरे गटाच्या शरद कोळींनी देखील देवेंद्र फडणवीसच मुख्यमंत्र्यांच्या खुर्चीवर पुन्हा विराजमान होणार असे म्हणत एकनाथ शिंदेंना डिवचले आहे. दरम्यान आता मुख्यमंत्रीपदावर भाजपश्रेष्ठी कोणता निर्णय घेणार याकडे सर्वांचे लक्ष लागले आहे.

महाविकास आघाडीत निवडणूक लढविताना ठाकरे गटाने पुणे शहरात कोथरूड आणि जिल्ह्यात खेड-आळंदी येथील जागा लढवली होती. कोथरूडला माजी आमदार चंद्रकांत मोकाटे यांचा दारुण पराभव झाला. पक्ष नेतृत्वाने कोथरूडच्या विजयासाठी विशेष प्रयत्न केल्याचे दिसून आले नाही. प्रचारादरम्यान पक्षाचे नेते व खासदार संजय राऊत यांची रॅली काढण्यात आली. मात्र, सबंध प्रचार मोहिमेत एकही मोठी सभा ठाकरे गटाने घेतली नाही. त्यामुळे ठाकरे गटाची कोथरूडच्या प्रचार मोहिमेबाबतची भूमिका पाहून अनेक प्रश्न उपस्थित झाले होते. वास्तविक, कोथरूडसाठी उमेदवार निवडताना पक्षासमोर पृथ्वीराज सुतार यांच्या रूपाने कोरी पाटी असलेला एक पर्याय उपलब्ध होता. सुतार गेल्या काही वर्षांपासून विधानसभेसाठी तयारीदेखील करीत होते. मात्र, त्यांना ‘होल्ड’ वर ठेवून मोकाटे यांना तिकीट देण्यात आले. त्यामुळेही अनेकांच्या भुवया उंचावल्या होत्या.
कोण होणार महाराष्ट्राचे मुख्यमंत्री? निवडणुकीतील विजयानंतर महायुतीत खल; शीर्षस्थ नेते घेणार निर्णय
खेड-आळंदी विधानसभा मतदारसंघात ठाकरे गटाचे बाबाजी काळे यांनी विद्यमान आमदार दिलीप मोहिते पाटील यांचा पराभव केला. या लढतीत काळे हे ‘जायंट किलर’ ठरले. मात्र, काळे यांच्या प्रचारासाठी आदित्य ठाकरे यांनी घेतलेली सभा वगळता पक्षाकडून प्रभावी नियोजन करण्यात आले नव्हते. येथील मोहिते विरोधक आणि सर्वपक्षीयांनी काळे यांना निवडणुकीत मदत केल्याची चर्चा आहे.
मध्य रेल्वेवर ३ दिवसांचा ब्लॉक; ‘या’ मेल-एक्स्प्रेस धावणार ठाणेपर्यंतच, असे आहे नियोजन
खेडची जागा पारड्यात पडल्याने शिवसेना ठाकरे गटाचे नाव जिल्ह्याच्या राजकारणात टिकून राहिले आहे. मात्र, त्याचा विस्तार करण्याची जबाबदारी कोण स्वीकारणार हे येत्या काळात पाहावे लागेल.