काय आहे नक्की प्रकरण

वर्गात कोणीही नसताना एका व्यक्तीने गैरप्रकार केल्याची माहिती पीडित मुलीने दिली आहे. पिडीत मुलीसोबत हा प्रकार झाल्यानंतर तिने आरडाओरड केला. त्यानंतर तो व्यक्ती तेथून निघून जात होता. मुलीचा आरडाओरड ऐकून शाळेतील शिक्षिका तिथे आल्या होत्या. त्यांनी त्या व्यक्तीला विचारणा केली. परंतु त्याने मुलीला शाळेत सोडायला आल्याचे सांगत पळ काढला. पिडीत मुलीला शाळेच्या कार्यालयात आणल्यानंतर तिने प्राध्यापिकेला घडलेला प्रकार सांगितला. परंतु त्यांनी या प्रकाराबाबत घरी कोणालाही सांगू नको असे बजावले.
नव्या मंत्रिमंडळात उत्तर महाराष्ट्रातून कुणाला संधी? भुजबळ, भुसे, महाजन, पाटील यांच्या नावांची चर्चा

पिडीत मुलीसोबत घडलेला प्रकार सीसीटीव्ही कॅमेऱ्यामध्ये कैद झाला आहे. पिडीत मुलीने पालकांना माहिती दिल्यानंतर त्यांनी मुंब्रा पोलीस ठाण्यात तक्रार दाखल केली. या तक्रारीच्या आधारे, मुंब्रा पोलीस ठाण्यात गुन्हा दाखल करण्यात आला आहे. मात्र संस्थाचालकांच्या विरोधात पोलिसांनी कारवाई केली नव्हती. त्यामुळे दिव्यातील मनसे पदाधिकारी शहर सचिव प्रशांत गावडे, कुशाल पाटील, परेश पाटील, सागर निकम, नम्रता खराडे आणि इतर कार्यकर्त्यानी पोलिसांना जाब विचारला मग पोलिसांनी संस्थाचालकाच्या विरोधात गुन्हा दाखल केला आहे…

या घटनेची माहिती पिडीत मुलीने प्राध्यापकांना दिली असतानाही त्यांनी मुलीला कोणासही सांगू नको असे धमकाविल्याने पोलिसांनी प्राध्यापिकेला अटक केली आहे. तर मुख्य आरोपीचा शोध सुरू असल्याची माहिती मुंब्रा पोलिसांनी दिली आहे.

भिवंडीतील रामनगर परिसरात पीडित कुटुंब राहते. या साडेतीन वर्षांच्या बालकाचे वडील सूतगिरणीमध्ये काम करतात. हा बालक १७ नोव्हेंबरला सकाळी एकटाच खेळण्यासाठी घरासमोरील रस्त्यावर गेला. बराच वेळ होऊनही तो घरी न आल्याने वडिलांनी सर्वत्र शोध घेतला. मात्र, त्याचा थांगपत्ता न लागल्याने त्यांनी शांतीनगर पोलिस ठाण्यात तक्रार केली. पोलिसांनी अपहरणाचा गुन्हा नोंदवून वरिष्ठ पोलिस निरीक्षक विनायक गायकवाड यांच्या मार्गदर्शनाखाली तपास सुरू केला. पोलिसांनी घटनास्थळी भेट देऊन परिसरातील सीसीटीव्ही चित्रीकरण तपासले. त्यात एकजण या बालकाला घेऊन जात असल्याचे दिसून आले.
पश्चिम रेल्वेवरील प्रवास आणखी गारेगार; आजपासून नव्या १३ एसी लोकल फेऱ्या, असे आहे नियोजन
पोलिसांनी संशयित म्हणून मोहम्मद युनूस अमीनुद्दीन शाह (५३) याला ताब्यात घेतले. त्याच्या चौकशीत या – गुन्ह्याचा उलगडा झाला. मुंबईतील साकीनाका येथे राहणारा पीर मोहम्मद रफिक अहमद शाह (३९) याला मूल नव्हते. त्यामुळे युनूस याने शेजारी राहणाऱ्या या साडेतीन वर्षांच्या मुलाचे अपहरण करूत या मुलाला आईवडील नसल्याचे खोटे सांगून ६० हजार रुपयांमध्ये त्याची पीर मोहम्मद रफीक याला विक्री केली, अशी माहिती वरिष्ठ पोलिस निरीक्षक विनायक गायकवाड यांनी दिली. युनूस याला सुरुवातीला दहा हजार रुपये मिळाले होते. उर्वरित पैसे नंतर मिळणार होते, ही बाब चौकशीत उघड झाली.
नाशिकच्या पालकमंत्रिपदावरुन महायुतीत रस्सीखेच; तीनही घटकपक्षांचा दावा, वरिष्ठांकडे पदासाठी लॉबिंग
मुलाचा ताबा पालकांकडे अपहृत बालक पीर मोहम्मद रफिक याच्या घरी होता. त्याच्याबरोबरच समसुद्दीन मुख्तार शाह (४५) याच्यासह तिघांना ताब्यात घेतल्याची माहिती गायकवाड यांनी दिली. तिन्ही आरोपींना अटक करत दोन दिवसांत या गुन्ह्याची उकल करण्यात आली. मुलाला त्याच्या पालकांच्या ताब्यात देण्यात आले आहे.

ठाणे पोलिसांची मोठी कारवाई

ठाणे पोलीस आयुक्तालयातील सर्व पोलीस ठाणे आणि गुन्हे शाखेच्या वेगवेगळ्या दहा पथकांनी रात्री ११ ते पहाटेपर्यंत हे ऑल आऊट ऑपरेशन राबवण्यात आले. त्यात ठाणे, कल्याण, डोंबिवली, उल्हासनगर, भिवंडी आणि अंबरनाथ परिसरातील रेकॉर्डवरील गुन्हेगारांची तपासणी करून त्यांची पोलिसांनी चौकशी केली. या ऑपरेशनवेळी अवैध शस्त्र बाळगणाऱ्या ४१ आरोपींना अटक करून त्यांच्यावर गुन्हे दाखल करण्यात आले.
बेकायदेशीर होर्डिंगप्रकरणी मनसे नेत्याच्या मागणीला यश; ठाण्यात कारवाईचा बडगा, जाहिरातदारांना पाचपट दंड

दारू, शस्त्रास्त्र जप्त

यावेळी ३१ गावठी कट्टे, सात कोयते, पाच तलवारी असे हत्यार जप्त करण्यात आले. तंबाखूजन्य पदार्थ विक्री करणाऱ्यांवर १७९ जणांवर गुन्हे दाखल करण्यात आले. या व्यतिरिक्त दारूबंदी कायद्यानुसार ५७ गुन्हे दाखल करण्यात आले असून १८५ जणांवर कारवाई करण्यात आली. तर पाच लाख ७ हजार रुपये किमतीची दारू जप्त करण्यात आली.
माजी आमदाराच्या भावनिक पत्राने मतदारसंघातील वातावरण टाईट; मतदानाच्या आधी घेणार निर्णय

१५ नशेबाज जाळ्यात

ड्रग्ज विक्री आणि सेवन करणाऱ्या विरोधात धडक कारवाई मोहीम राबवण्यात येऊन १५ जणांवर कारवाई करण्यात आली. पाच तास सुरू असलेल्या या मोहिमेत ७४ हॉटेल, ६४ लॉज, ३९ बियर बार, ४२ डान्सबार आदींची तपासणी करून झाडाझडती घेण्यात आली. तसेच एकूण ४७ तडीपार गुंडांना अटक करण्यात आली.

रेकॉर्डवरील ५९ हिस्ट्रीशिटर, ५० तडीपार, ३१ गुंड अशा एकूण १४० गुंडांची तपासणी करून त्यांच्यावर प्रतिबंधात्मक कारवाई करण्यात आली. तर ठाणे शहर पोलिसांच्या वाहतूक शाखेने यावेळी २ हजार १४९ दोषी वाहन चालकांना १८ लाख ५८ हजार ७५० रुपये इतका दंड ठोठावला.

दरम्यान, ठाण्यात बेकायदेशीर होर्डिंग प्रकरणातही महापालिकेने कारवाई केली आहे. नियमांचे उल्लंघन करण्यात आलेल्या, तसंच महापालिकेची फसवणूक करणाऱ्या ५२ जाहिरातदारांवर मोठी कारवाई करत त्यांना तब्बल पाचपट दंड ठोठावला आहे. याप्रकरणी मनसे विधानसभा विभागाध्यक्ष संदीप पाचंगे यांनी फौजदारी कारवाईची मागणी केली होती. त्यानंतर त्यांनी जनहित याचिकाही दाखल केली होती. अखेर त्यांच्या प्रयत्नांना यश आलं असून बेकायदेशीर होर्डिंग उभारलेल्या जाहिरातदारांवर कारवाईचा बडगा उचलण्यात आला आहे.

मिळालेल्या माहितीनुसार, भिवंडी तालुक्यातील पडघा पोलीस ठाण्यातील पाच्छापूर येथील मृतक अनिकेत जाधव आणि शहापूर तालुक्यातील अल्पवयीन मुलगी या दोघांमध्ये प्रेम होतं. प्रेमातून त्यांनी पळून जाण्याचा निर्णय घेतला असता २५ जुलै रोजी दोघेही लग्न करण्याच्या उद्देशाने पळून गेले. मात्र, त्यावेळी मुलीचे अपहरण मृतक अनिकेत याने केल्याची तक्रार मुलीच्या नातेवाईकाने वाशिंद पोलीस ठाण्यात दिली होती.

या तक्रारीच्या अनुषंगाने पोलीस पथकाने दोघांचा शोध सुरू केला असतानाच, ते महिनाभरापासून मध्यप्रदेश राज्यातील एका शहरात असल्याची माहिती वाशिंद पोलिसांना मिळाली. वाशिंद पोलिसांनी मध्यप्रदेशातील पोलिसांच्या मदतीने वाशिंद पोलीस आणि मुलीच्या नातेवाईकांनी मध्यप्रदेश येथील पोलीस ठाण्यात धाव घेतली. त्या ठिकाणाहून अनिकेत आणि त्याच्यासोबत असलेल्या त्याची प्रेयसी या दोघांना २५ ऑगस्ट रोजी मध्यप्रदेश येथून ताब्यात घेऊन रेल्वेने महाराष्ट्र राज्यात आणण्यात येत होतं. राजधानी एक्सप्रेस ग्वालियर रेल्वे स्टेशननजीक असलेल्या मुराई रेल्वे पोलीस ठाण्याच्या हद्दीत ट्रेन येताच अनिकेत याने बोगीच्या टॉयलेटच्या खिडकीतून उडी मारून आत्महत्या केल्याचं पोलिसांनी त्यावेळी सांगितले. त्यामुळं त्याचा अपघाती मृत्यू झाल्याची नोंद मुराई रेल्वे पोलीस ठाण्यात करण्यात आली होती.
UP News: आयुष्य संपवणार होती, फासाचा VIDEO सोशल मीडियावर, मेटा AI ची कमाल अन् तरुणीचा जीव वाचला

दरम्यान, अनिकेतचा मृत्यू हा पोलिसांच्या ताब्यात असताना झाल्याने अनिकेतच्या नातेवाईकांनी अनिकेतचा मृत्यू नव्हे तर त्याचा घातपात मुलीच्या घरच्यांनी केल्याचा आरोप केला होता. विशेष म्हणजे पोलिसांच्या ताब्यात असतानाही अनिकेतचा रेल्वे अपघातात मृत्यू होणे एक संशयास्पद असून या प्रकरणाची सखोल चौकशी करण्याची मागणी अनिकेतच्या कुटुंबियांनी केली. याबाबत सखोल चौकशी न झाल्यास उग्र आंदोलन करण्यात येईल, असा इशारा रिपाइंचे किरण चन्ने यांनी दिला होता.

या घटनेची गांभीर्याने दखल घेऊन ठाणे ग्रामीण एसपी डॉ. स्वामी यांनी मृत अनिकेतला मध्यप्रदेश मधून ताब्यात घेणारे वाशिंद पोलीस ठाण्याचे पोलीस उपनिरीक्षक वांगड, पोलीस अंमलदार जोगदंड आणि चलवादी या तिघांना ३१ ऑगस्ट रोजी निलंबित करून त्यांची चौकशी सुरू केल्याची माहिती वरिष्ठ पोलीस निरीक्षक हर्षवर्धन बर्वे यांनी दिली आहे.

पोलीस सूत्रांनी दिलेल्या माहितीनुसार, मृतक अल्पवीयन १३ वर्षाचा मुलगा हा भिवंडी तालुक्यातील हर्याचापाडा येथे राहत होता. तो शहापूर तालुक्यातील एका आश्रम शाळेत ९विच्या वर्गात शिक्षण घेत होता. काही वर्षांपूर्वी त्याच्या वडिलांचे निधन झाल्याने आईने दुसरा विवाह केल्याने त्याला आश्रमशाळेत शिक्षणासाठी ठेवले होते. काही महिन्यापूर्वीच त्याच्या आईने त्याला रेडमी कंपनीचा १५ हजाराचा स्मार्ट मोबाईल फोन घेऊन दिला होता. त्यातच रक्षा बंधनाचा सण साजरा करण्यासाठी तो आश्रमशाळेतून हर्याचापाडा येथे आपल्या काकाकडे आला होता.

त्यानंतर त्याला हर्याचापाडा येथून पाच्छापूर येथील बाजारात रक्षाबंधनच्या आदल्या दिवशी म्हणजे १८ ऑगस्ट रोजी पाच्छापूर येथील बाजारात राखी आणि काही साहित्य खरेदीसाठी त्याच्या काकाने १०० रुपये दिले होते. मृत मुलगा त्या दिवशी सकाळी ९ वाजल्याच्या सुमारास राखी खरेदीसाठी घरातून निघाला होता. त्यानंतर राखी खरेदीसाठी १८ ऑगस्ट रोजी घरून गेलेला मुलगा त्या दिवशी परत आला नव्हता. शिवाय रक्षाबंधनच्या दिवशी १९ ऑगस्ट रोजी तो आला नसल्याचे पाहून काकाला वाटले की, मुलगा आश्रमशाळेत परत गेला असावा. त्यामुळे काकाने शाळेच्या अधिकाऱ्यांकडे चौकशी केली असता त्यांनी तो परतला नसल्याचे सांगितले.

मृतक मुलाचे काका शांता वळवी यांनी २१ ऑगस्ट रोजी पडघा पोलीस ठाण्यात मुलगा बेपत्ता झाला असून त्याचे कोणी तरी अज्ञात इसमाने अपहरण केल्याचा गुन्हा दाखल केला होता. या गुन्ह्याचे गांभीर्य ओळखून पडघा पोलिसांनी गावापासून ते बाजारपेठकडे जाणाऱ्या रस्त्यावरील सीसीटीव्ही फुटेज तपासले असता एका फुटेजमध्ये एका दुचाकीवरून तिघे तरुणाच्या मध्ये बसून जात असताना मृतक मुलगा दिसला. त्यानंतर दुचाकी चालकाची ओळख पटवली असता तो नितीन वाघे असल्याचं समोर येताच पोलिसांनी २४ ऑगस्ट रोजी त्याला ताब्यात घेऊन त्याच्याकडे चौकशी केली असता मुलाचे अपहरण केलं. त्याची वाडा तालुक्यातील एका गावातील माळरानात गळा आवळून हत्या करत त्याच्या जवळीत मोबाईल आणि १०० रुपये घेऊन त्याचा मृतदेह झाडाझुडपात फेकून दिल्याचे आरोपीने कबुली दिली.

दरम्यान, २५ ऑगस्ट रोजी अपहरण झालेल्या मुलाचा मृतदेहाचा शोध घेण्यासाठी आरोपीसह पोलीस पथक वाडा तालुक्यातील एका गावातील माळरानात पोहोचले. असता त्यांना मृतदेह आढळून आला. त्यानंतर पोलिसांनी तिन्ही आरोपींना पडघा हद्दीतून अटक न्यायालयात हजर केले असता ३० ऑगस्टपर्यत पोलीस कोठडी सुनावल्याची माहिती पोलिसांनी दिली.

दुसरीकडे मृतक पती हा अनैतिक संबधात अडथळा ठरत असल्याने आरोपी अनुभवने मृतकची पत्नीशी संगनमत करून पती बलराम उर्फ शेखरच्या हत्येचा कट रचला होता. ठरल्याप्रमाणे ७ ऑगस्ट रोजी पहाटेच्या सुमारास पती बलरामची त्याच्या राहत्या घरातच धारदार शस्त्राने हत्या करून त्याचा मृतदेह सुटकेसमध्ये टाकून कशेळी भागात असलेल्या खाडी पात्रात फेकून दिला. दुसऱ्या दिवशी मृतक बलराम दिसत नसल्याचे पाहून त्याच्या एका नातेवाईकाने नारपोली पोलीस ठाण्यात बेपत्ता झाल्याची तक्रार दाखल केली होती. या तक्रारीचे आणि नातेवाईकाने दिलेल्या माहितीचे गांभीर्य ओळखून पोलीस पथकाने तपास सुरू केला.

पोलीस तपासात कशेळी भागातील घटनास्थळाच्या परिसरातील सीसीटीव्ही फुटेज तपासले. तसेच आरोपी अनुभव आणि मृतकची पत्नी दिसून येत नसल्याने पोलिसांनी त्या दिशेने तपास सुरू केला. त्यादरम्यान, एका सीसीटीव्ही फुटेजमध्ये आरोपी अनुभव आणि मृतकची पत्नी दोघेच जाताना दिसत असल्याचे आढळून आले. त्यानंतर तांत्रिक तपास आणि गुप्त माहितीच्या आधारे त्यांच्या मोबाईलचे लोकेशन उत्तरप्रदेश मधील लखनऊमध्ये दिसून येताच सहाय्यक पोलीस निरीक्षक विजय मोरे हे पोलीस पथकासह स्थानिक पोलिसांच्या मदतीने लखनऊमध्ये जाऊन सापळा रचत आरोपी आणि मृतकच्या पत्नीला ताब्यात घेऊन त्यांना भिवंडीत आणले.
Today Top 10 Headlines in Marathi: नेपाळ अपघातात जळगावच्या २७ जणांचा अंत, शिखरचा रामराम चाहत्यांना खंत, सकाळच्या दहा हेडलाईन्स

आरोपी अनुभव आणि मृतकच्या पत्नीकडे पोलिसांनी कसून चौकशी केली असता आरोपीने गुन्ह्याची कबुली दिली. बलरामची राहत्या घरात हत्या करून त्याचा मृतदेह एका बॅगमध्ये कशेळी खाडीत फेकून दिल्याचे सांगितले. त्यानंतर २२ ऑगस्ट रोजी या प्रकरणी स.पो.नि. रंगनाथराव वडणे यांच्या फिर्यादीवरून आरोपी प्रियकरासह पत्नीवर १०३(१) सह २३८,३ (५) अन्वये नारपोली पोलीस ठाण्यात गुन्हा दाखल करून प्रियकर अनुभव यास अटक केली आहे. तर मृतकची पत्नी पोलिसांच्या ताब्यात आहे.

अटक आरोपी अनुभवला न्यायालयात हजर केले असता २९ ऑगस्टपर्यंत पोलिस कोठडी सुनावण्यात आली आहे. मृतक बलरामचा मृतदेहाचा शोध घेण्यासाठी कशेळी खाडी भागात शोध मोहीम राबवली जात असल्याची माहिती पोलीस निरीक्षक कुंभार यांनी दिली. या घटनेचा पुढील तपास पो.नि.ज्ञानेश्वर कदम करीत आहेत.