बँकेच्या संचाकांना मारहाण, शिवीगाळ; मनसेच्या जिल्हाध्यक्षासह ४ जणांवर ॲट्रॉसिटी गुन्हा दाखल

नयन यादवाड, कोल्हापूर : सहकारी संस्था असलेल्या बँक अध्यक्षांसह उपाध्यक्षला मारहाण करुन जातिवाचक शिवीगाळ करून अपमान केल्याचं प्रकरण समोर आलं. शिवीगाळ केल्याप्रकरणी मनसे जिल्हाध्यक्ष आणि माजी नगरसेवक राजू दिंडोर्ले यांच्या सह इतर ४ जणांविरोधात ॲट्रॉसिटीचा गुन्हा लक्ष्मीपुरी पोलीस ठाण्यात दाखल करण्यात आला आहे. याप्रकरणी पोलिसांनी चारही संशयितांवर खंडणी, दरोडा आणि ॲट्रॉसिटीचा गुन्हा दाखल करून त्यांना अटक केली आहे.
Man Drowned In Waterfall : धबधब्यावर पाण्यात पडला, काही वेळ साळखीचा आधार, पण हात निसटला आणि… १५० फूट खोल दरीत तरुणाचा अंत

काय आहे प्रकरण?

पोलिसांकडून मिळालेल्या माहितीनुसार, रंकाळा येथील श्री साईदर्शन जनता अर्बन को-ऑपरेटिव्ह क्रेडिट सोसायटीच्या माध्यमातून शुभम देशमुख आणि त्यांच्या सहकाऱ्यांनी कर्ज देण्याची जाहिरात करून गरजूंकडून पैसे घेतले होते. याबाबत जाब विचारण्यासाठी सोमवारी ५ ऑगस्ट रोजी दुपारच्या सुमारास मनसेचे जिल्हाध्यक्ष आणि माजी नगरसेवक राजू दिंडोर्ले, पदाधिकारी प्रसाद पाटील, समर्थ कशाळकर, विकास कांबळे यांच्यासह इतर चार ते पाच जणांनी बँकेच्या केबिनमध्ये जाऊन बँकेचे अध्यक्ष सचिन साबळे आणि उपाध्यक्ष सुरेश पाटील यांना जाब विचारत जातीवाचक शिवीगाळ करत बेदम मारहाण केली.
Sheikh Hasina : शेख हसीनांच्या हातून बांगलादेशातील सत्ता का निसटली? काय आहे चीन-पाकिस्तानची खेळी?

सीसीटीव्ही डीव्हीअर लंपास

तसंच कार्यालयाची तोडफोड करत कर्जाचे आमिष दाखवून काही लोकांकडून पैसे घेतल्याचे जबरदस्तीने लिहून घेतलं. सीसीटीव्ही कॅमेऱ्यांचा डीव्हीआर काढून लंपास केला. हा प्रकार समजताच लक्ष्मीपुरी पोलिसांनी घटनास्थळी धाव घेऊन देशमुख यांना चौकशीसाठी ताब्यात घेतलं आहे.

यानंतर सोमवारी सोसायटीचे प्रमुख शुभम कृष्णात देशमुख (वय २५, मूळ रा. एकोंडी, ता. कागल, सध्या रा. कळंबा) यांनी लक्ष्मीपुरी पोलीस ठाण्यात फिर्याद दिली. त्यानंतर पोलिसांनी या तक्रारीनुसार मनसेचे जिल्हाध्यक्ष राजू दिंडोर्ले यांच्यासह इतर चौघांवर भारतीय न्याय संहिता २०२३ चे कलम ३१० (२), ३५१ (२), ३५२, ३२४ (४), १२७ (२) अनुसुचीत जाती, जमाती, अत्याचार प्रतिबंध अधिनियम १९८९ चे कलम ६ सह सुधारित अधिनियम २०१५ चे कलम ३१ प्रमाणे गुन्हा नोंद केला असून चौघांनाही लक्ष्मीपुरी पोलिसांनी अटक केली आहे.