कोकणकरांसाठी गुडन्यूज, गणेशोत्सापूर्वी हायवे खड्डेमुक्त होणार! गडकरींचे आश्वासन

रत्नागिरी : मुंबई गोवा राष्ट्रीय महामार्गावर अनेक ठिकाणी खड्डे पडले असून महामार्गाचे काम आजही अपूर्ण आहे. गेल्या वर्षीही गणेशोत्सवापूर्वी हाच महामार्ग दुरुस्त होईल असा आश्वासन दिलं होते आता यंदा पुन्हा एकदा गणेशोत्सवपूर्वी हाच महामार्ग खड्डे मुक्त होईल असे आश्वासन केंद्रीय मंत्री नितीन गडकरी यांनी दिले आहे. आणखी किती वर्ष मुंबई गोवा राष्ट्रीय महामार्गाची वाट पहावी लागणार असा प्रश्न याच निमित्ताने उपस्थित झाला आहे. कोकणात येणाऱ्या गणेश भक्तांना खड्डे मुक्त महामार्गावरून केव्हा प्रवास करता येईल असा थेट सवाल आता कोकणवासीय विचारत आहेत. शिवसेनेचे खासदार रवींद्र वायकर यांनी केंद्रीय मंत्री नितीन गडकरी यांची भेट घेतली आहे त्यावेळी गडकरी यांनी महामार्गाबाबत आश्वासन दिले आहे. गणेशोत्सवापूर्वी हाच महामार्ग खड्डे मुक्त होईल असे आश्वासन दिले आहे. एकंदरीतच मुंबई गोवा राष्ट्रीय महामार्गाची दुरावस्था संपण्याचं नाव घेत नाही त्यामुळे दरवर्षी गणेश भक्तांना याच महामार्गावरून नाईलाजाने प्रवास करावा लागतो.
Ajit Pawar: मुंबई-नाशिक महामार्गावरील वाहतूक सुरळीत करा, अन्यथा…; अजित पवारांची अधिकाऱ्यांना तंबी

रायगड जिल्ह्यात नागोठणे कोलाड खांब अगदी माणगाव पर्यंत भले मोठे खड्डे पडले आहेत, यामुळे अनेक वाहनांचे नुकसान होत आहे. याच महामार्गावरून प्रवास करताना वाहन चालकांनाही मोठी कसरत करावी लागत आहे. आपण आपल्या गाडीसाठी नवीन टायर घातला होता तर टायर अवघ्या चार दिवसात फाटले जात आहेत, चालक विचारतात याचा जाब कोणाला विचारायचा, अशी अत्यंत दयनीय अशी महामार्गाची दुरावस्था आहे. इतकंच नाही तर अलीकडेच गेल्या आठवड्यात नागोठाणे जवळ पडलेल्या मोठ्या खड्ड्यात एक कार अडकली होती ती कार अक्षरशः धक्का देऊन मदतीने बाहेर काढावी लागली. दरवर्षी गणेशोत्सवापूर्वी महामार्गाची हीच अवस्था राहणार का अशी उद्विग्न प्रतिक्रिया याच महामार्गावरून प्रवास करणारे चालक अनिकेत कांबळे यांनी ‘महाराष्ट्र टाइम्स’ जवळ बोलताना दिली आहे.

महामार्गावर याच पावसाळ्यात भरणे नाक्यावरील नवीन पुलाला पडल्याने एक लेन बंद ठेवावी लागली आहे परशुराम पाटील संरक्षण कठडा काही भाग याच पावसाळ्यात कोसळला आहे. चिपळूण बहादूरशेख नाका गेल्यावर्षी पडला होता, अनेक ठिकाणी महामार्गाला खड्डे पडले आहेत. मात्र याच सगळ्या पार्श्वभूमीवर पुन्हा एकदा केंद्रीय मंत्री नितीन गडकरी यांनी गणेशोत्सवापूर्वी महामार्गावरील खड्डे बुजून महामार्ग सुस्थितीत केला जाईल असे आश्वासन दिले आहे.