Lajvarta Ratna : सोनेरी आभा असणारे हे रत्न आहे चमत्कारी, मानसिक ताणतणाव त्वरित दूर करी !

पौराणिक कथेनुसार बळी राजाच्या केसांच्या बटेपासून लाजवर्तची उत्पत्ती झाली. बळीराजाच्या मुकूटाचा अंश देखील लाजवर्त रत्नात उतरलेला आहे. म्हणून तर जेव्हा तुम्ही लाजवर्त रत्न पाहता तेव्हा ते निळ्या रंगाचे असून त्यावर सोनेरी रंगाच्या हलक्या छटा दिसतात. 84 रत्नांमध्ये लाजवर्तचा समावेश आहे. पौराणिक कथा काहीही असल्या तरी वैज्ञानिक दृष्टिकोनातून लाजवर्तची रचना सल्फर युक्त सोडियम आणि अ‍ॅल्युमिनिअम सिलिकेटपासून झालेली आहे.

लाजवर्त रत्न तुम्ही पाहिले तर तुम्हाला समजेल हे रत्न अपारदर्शक आहे. गडद निळा रंग आणि त्यामध्ये थोडा काळसरपणा असतो. वजनाने थोडे जड असणारे हे रत्न चिली, सैबेरिया, अफगाणिस्तान,अर्जेंटिना, तिबेट येथे सापडते. रशियातील वैकाल सरोवराच्या आसपास लाजवर्त सापडतो. अफगाणिस्तान आणि अर्जेंटिना येथील लाजवर्त महागडे असून फ्रान्समध्ये रसायनांचा वापर करून वैज्ञानिक पद्धतीने लाजवर्त रत्न तयार केले जाते. त्यामुळे खरा लाजवर्त कोणता हे ओळखण्यासाठी एखाद्या रत्नपारखीची मदत घ्यायला हवी

लाजवर्त रत्नाचा वापर फक्त अशुभ ग्रहाचा प्रभाव कमी करणे एवढाच नाही तर यामध्ये अनेक औषधी गुण आहेत. याचा वापर मुतखडा, किडनीचे आजार, त्वचेची अनावश्यक वाढ, डोकेदुखी, पित्त प्रकोप शांत करणे यासाठी होतो. लहान मुलांतील हाडांचा रिकेटस आजारातही हा मणी लाभदायक आहे. तसेच शरीरात नवीन रक्ताचा संचार वाढवून कांती सतेज करण्यात मदत करतो. याशिवाय कावीळ, क्षय रोगांचा नाश करणे आणि हृदयाची शक्ती वाढवणे यातही या लाजवर्त लाभदायक आहे. शुद्ध हरपणे, त्वचेचे आजार यासाठी लाजवर्त लाभदायक आहे. जर एखाद्या व्यक्तीला काही अ‍ॅलर्जी असेल तर अस्सल लाजवर्त धारण केला पाहिजे, हळूहळू आजार बरो होतो.

लाजवर्तमध्ये अनेक ज्योतिषीय गुण आहेत. उपरत्न म्हणून लाजवर्त धारण केले तर शनी शांत होतो आणि वाईट फलांचा प्रभाव कमी होतो. जर हा मणी मुलांनी गळ्यात धारण केला तर मुलांच्या मनातील भीती दूर होते. तसेच हा मणी धारण करणाऱ्यांना त्वचेवरील फोड, मुरूम यापासून दिलासा मिळतो. एका तरुणीच्या चेहऱ्यावर अत्याधिक मुरूम होते, त्यामुळे लग्नात अडचणी येत होत्या. तिला लाजवर्त आणि चंद्रमणी धारण करण्यास देण्यात आला. त्यानंतर या महिलेच्या मनात देवाबद्दल आस्था निर्माण झाली आणि तीन महिन्यात तिचे ७५ टक्के मुरूम कमी झाले आणि पाचव्या महिन्यात तिचा विवाह निश्चित झाला.

लाजवर्त हे सध्याच्या काळात उपरत्न म्हणून ओळखले जात असले तरी ते एक मौल्यवान रत्न आहे. तुम्ही लाजवर्त खरेदी करताना तो अस्सल म्हणजे खरा आहे की नाही याची खात्री नक्की करायला हवी. लाजवर्त अंगठी, लॉकेट किंवा ब्रेसलेटमध्ये परिधान केला जातो. लाजवर्तच्या पृष्ठभागावर सोनेरी छटा असल्यामुळे तो चारी बाजूंनी चमकतो. याची सोनेरी आभा मनमोहक असते. या सोनेरी आभामुळे हे रत्न अत्यंत तेजस्वी दिसते. लाजवर्तला अंगार मणीही म्हटले जाते. लाजवर्त दुर्बिणीतून दहापट मोठा करून पाहिला तर यात तांब्यासारखे कण दिसतात. या रत्नाचा वापर अंगठी, लॉकेट, कर्णफूल किंवा माळ बनवण्यासाठीही होतो.

भारतीय ज्योतिषशास्त्रानुसार आठ ते सव्वा दहा रत्ती वजनाचा लाजवर्त परिधान करायला हवा. हे रत्न चांदीमध्ये परिधान केले जाते तसेच शनिवारी लाजवर्त घालावा असेही सांगतात. जर लाजवर्तची अंगठी केली तर मधल्या बोटात ती परिधान केली जाते. लाजवर्त धारण करण्यापूर्वी मोहरी किंवा तिळाच्या तेलात पाच तास बुडवून ठेवा. यानंतर शनिदेवाच्या बीजाच्या मंत्राचा १०८ वेळा जप करावा. तसेच संध्याकाळी लाजवर्त परिधान करा.

ज्या लोकांच्या जन्मकुंडलीत शनि किंवा राहू-केतू उच्च स्थानी आहे ते लाजवर्त धारण करु शकतात. ज्यांची लग्न राशी कुंभ आणि मकर आहे ते सुद्धा लाजवर्त धारण करु शकतात कारण यांच्यावर शनिदेवाच्या अधिपत्याखाली असतात.