शिल्पा शेट्टीला ‘लाडकी बहीण’ आवडली, जयंत पाटलांनी वळसेंची सासुरवाडी गाठली, दहा हेडलाईन्स

१. शरद पवार गटाचे प्रदेशाध्यक्ष जयंत पाटील हे दिवंगत आमदार प्रकाश डहाके यांच्या कुटुंबीयांच्या भेटीला, डहाकेंची पत्नी कारंजा बाजार समितीच्या सभापती असून सध्या अजित पवार गटात, मंत्री दिलीप वळसे पाटील डहाके कुटुंबीयांचे जावई असल्याने भेटीला महत्त्व

२. पुणे जिल्ह्यातील आठ विधानसभा मतदारसंघांमधून काँग्रेसकडून उमेदवारी मागितलेल्या दोन आमदारांसह २१ इच्छुकांची नावे पुणे जिल्हा काँग्रेस कमिटीकडून जाहीर, पुरंदरमधून आमदार संजय जगताप आणि भोरमधून संग्राम थोपटे या दोघांनीच उमेदवारी मागितली

३. आगामी विधानसभा निवडणुकीत नाशिक जिल्ह्यातील सर्व १५ जागा पूर्ण ताकदीने स्वबळावर लढवून त्या जिंकण्याचा निर्धार, वंचित बहुजन आघाडीच्या प्रमुख पदाधिकाऱ्यांच्या बैठकीमध्ये ठराव

४. बदलापूर येथील नामांकित शाळेत चार वर्षीय दोन मुलींवर लैंगिक अत्याचार, शाळेबाहेर शेकडो पालकांचे आंदोलन, शाळेचा माफीनामा, मुख्याध्यापिका निलंबित, तर दोन सेविकांवरही कारवाई, इथे क्लिक करुन वाचा सविस्तर

५. एकाच व्यक्तीशी एकाच ठिकाणी वर्षभराच्या अंतराने दुसऱ्यांदा बिबट्याशी संघर्ष होण्याचा प्रसंग, जोगलटेंभी (ता. सिन्नर, नाशिक) येथे रविवारी सकाळी साडेअकरा वाजता प्रकार, बिबट्याच्या या दोन्हीही हल्ल्यांत दोन हात करण्याचे धैर्य दाखवून जीव वाचवल्याने शेतकरी महिलेचे परिसरात कौतुक

६. काँग्रेस नेते सी. के. रविचंद्रन यांचे हृदयविकाराच्या झटक्याने निधन, कर्नाटकात पत्रकार परिषदेदरम्यान घटना, मुख्यमंत्री सिद्धरामय्या यांच्या समर्थनार्थ बोलताना अचानक हृदयविकाराचा धक्का, खुर्चीवरुन खाली कोसळल्याने जागीच मृत्यू

७. एकूण महागाईत घट, तरी जुलै महिन्यात अन्नधान्याची महागाई सर्वसामान्यांसाठी मोठी डोकेदुखी, कमी उत्पन्न आणि वाढती महागाई असा दुहेरी मारा सहन करणाऱ्या उत्तर भारतातील गरीब राज्यातून चिंताजनक आकडेवारी समोर, बहुतांश राज्यांमध्ये सरासरी उत्पन्न देशाच्या तुलनेत कमी

८. दीड कोटींहून अधिक महिलांना लाडकी बहीण योजनेचा मोठा आधार, महिलांना दर महिन्याला आर्थिक हातभार, राज्य सरकारचे पाऊल महिला सक्षमीकरणाच्या दिशेने मोठी झेप, अभिनेत्री शिल्पा शेट्टीकडून कौतुकाचा वर्षाव

९. दादाने इतकं निष्ठुरपणे महिलेवर अत्याचार केला, त्याला कठोरात कठोर शिक्षा व्हावी, रक्षाबंधनाच्या दिवशीच कोलकाता डॉक्टर हत्या आणि बलात्कार प्रकरणातील आरोपी संजय रॉयच्या बहिणीची भावासाठी धक्कादायक शिक्षेची मागणी

१०. हिंडेनबर्ग रिसर्चच्या आरोपांच्या फेऱ्यात सेबी अध्यक्षा माधबी पुरी बूच गेल्या काही दिवसांपासून चर्चेचा विषय, बँकांमध्ये पैसे जमा करण्याऐवजी लोकांचा म्युच्युअल फंडात गुंतवणुकीकडे कल, बँकांच्या आर्थिक स्थितीवर काय परिणाम? पत्रकाराचा प्रश्न, बूच काय म्हणाल्या? इथे क्लिक करुन वाचा सविस्तर