ना मुंबईतून ना पुण्यातून….चोरांची आता थेट परराज्यातून एन्ट्री !

बोरिवली :आपण अनेक चोरीच्या घटना ऐकतो. चोरांची चोरी करण्याचे पद्धत आणि त्यांची हात सफाई पाहता असे लक्षात येते की ते पूर्णतः शहानिशा करून आणि योग्य वेळ आणि संधी पाहत चोरी करतात. परंतु अनेकदा चोरी करणारी व्यक्ती सभोवताली परिसरात चोरी करण्याचा प्रयत्न करतात व परराज्यात पळून जातात .पण एक आगळावेगळा चोरांनी थेट पर राज्यातून येऊन मुंबईतील बोरिवली परिसरात चोरी करण्याचा प्रकार घडला आहे.
Mumbai Police News: कॅबमध्ये २५ लाखांचे दागिने विसरले, ड्रायव्हरचा फोन बंद; मुंबई पोलिसांनी अशी मिळवून दिली दागिन्यांची बॅग
बोरिवली पूर्वेकडील टाटा पॉवर परिसरातील एका इमारतीमध्ये राहणाऱ्या फोटोग्राफरचे घर १३ ॲागस्ट रोजी फोडण्यात आले. त्याच्या घरातून महागडा लॅपटॉप चोरीला गेला. त्याने केलेल्या तक्रारीवरून कस्तुरबा मार्ग पोलिसांनी गुन्हा दाखल केला.
उपनिरीक्षक धीरज वायकोस, विजयेंद्र आंबवडे यांच्या पथकाने घटनास्थळी भेट देउन सीसीटीव्ही फुटेज तपासले.त्यामध्ये काही तरुण एका ऑटो रिक्षाने येऊन इमारतीमध्ये जाऊन व काही वेळातच बाहेर पडून रिक्षाने निघून जाताना दिसले.
मारहाण करून हप्तावसुली, इन्स्टाग्रामवर स्टोरी टाकली, भाईला पोलिसांनी असा बडवला, नंतर रडत रडत माफी!

चोरांना असे पकडले.

पोलिसांनी रिक्षाचा क्रमांक प्राप्त करून रिक्षा मालकाकडे चौकशी केली असता त्याने सांगितले की, उत्तर प्रदेश येथील बिजनौर जिल्ह्यातील काहीजण ५ ते ६ दिवसांपूर्वी मुंबईमध्ये आले होते. त्यांनी रिक्षा वापरण्यासाठी घेतली होती. सखोल चौकशीत हे तरुण दिल्ली आरटीओ पासींग असणाऱ्या कारने उत्तर प्रदेशकडे गेल्याचे दिसत होते.
Nagpur Crime: असा लेक नको! पाय दाबायला वडिलांचा नकार, मग मुलाने जे केलं त्याने अख्खं नागपूर हादरलं
तांत्रिक पुराव्यांवरून त्यांची कार विक्रमगड-जव्हार, मोखाडा (जिल्हा पालघर) या मार्गाने जात असल्याचे दिसून आले. मोखाडा पोलिसांच्या मदतीने कस्तुरबा मार्ग पोलिसांनी कारमधील पाच आरोपीतांना ताब्यात घेत पोलिस ठाण्यात आणले.

कुठून आली ही टोळी?

दिल्ली आणि उत्तर प्रदेश येथून येऊन मुंबईत ठिकठिकाणी घरफोड्या करणाऱ्या टोळीला मुंबई पोलिसांनी अटक केली आहे. त्यांच्याकडून चोरीचा लाखोंचा मुद्देमाल हस्तगत करण्यात आला आहे. आरोपींच्या अटकेमुळे घरफोडीचे अनेक गुन्हे उघडकीस आले आहेत.
पोलिस भरतीत ‘हायटेक कॉपी’; चार ‘भावी पोलिसां’ची अशी पकडली चोरी, ठाण्यातील प्रकार

कोण होते चोर?

चौकशीत एजाज रमजानी अन्सारी, अमीर सोहेल शमीम अहमद, सलमान तस्लीम नदाफ, शकील इनामुल हक, शादाब अकबर हुसेन अशी नावे सांगणाऱ्या या आरोपींना बोरिवलीसह मुंबईत अन्य ठिकाणी गुन्हे केल्याचे समोर आले.