Swami Samarth Aarti : जयदेव जयदेव श्री स्वामी समर्था… दर गुरुवारी म्हणा गुरु माऊली स्वामींची आरती, कृपादृष्टी सदैव राहिल

स्वामी समर्थ आरती मराठीत :

हिंदू धर्मात नवग्रहानुसार प्रत्येक वाराला अधिक महत्त्व आहे. गुरुवार म्हटलं की, तो दिवस श्रीविष्णू आणि गुरु माऊली स्वामींसाठी ओळखला जातो. अनेकांच्या मुखात स्वामींच नाव आपल्याला ऐकू येते.

दर गुरुवारी अनेक भक्तगण श्रीदत्तगुरु आणि स्वामींची पूजा अर्चना करतात. अक्कलकोटचे स्वामी महाराज अनेकांचे प्रेरणास्थान आहे. आजही अनेक घरांमध्ये स्वामींची पूजा, नामस्मरण आणि स्मरण अगदी नित्यनियमाने केले जाते. मठात जाऊन दर गुरुवारी स्वामींचे दर्शनही घेतले जाते.

स्वामींचे नियमित नामस्मरण केल्याने अनेक अडचणी, दु:ख, भीती, चिंता, काळजी अशा अनेक गोष्टींवर आपल्याला सहज मात करता येते. स्वामी समर्थ हे दत्तगुरुचा अवतार मानले जातात. स्वामींची लीला अपार आहे. तसेच भक्तांवर त्यांची कृपादृष्टी सदैव असते. त्यांच्या नामस्मरणाने अनेकांना जगण्याचे बळ मिळते. स्वामी प्रत्यक्षात नसले तरी ते या भूमंडळातील चराचरात आहे. जर तुम्ही देखील स्वामींचे नामस्मरण किंवा तारकमंत्र दर गुरुवारी करत असाल तर नित्यनियमाने त्यांची आरती देखील म्हणा, त्यांची कृपादृष्टी सतत तुमच्यावर राहिल. जीवनातील अनेक अडचणी दूर होतील.

गुरु माऊली स्वामींची आरती

जयदेव जयदेव श्री स्वामी समर्था
आरती ओवाळू चरणी ठेवूनिया माथा
!! जयदेव जयदेव..!!

छेली खेडेग्रामी तू अवतरलासी, जगदुध्दारासाठी राया तू फिरसी
भक्त वत्सल खरा तू एक होसी, म्हणूनी शरण आलो तुझिया चरणांसी
!! जयदेव जयदेव..!!

त्रैगुण परब्रम्ह तुझा अवतार, याची काय वर्णू लीला पामर
शेषादीक शिणले नलगे त्या पार,तेथे जडमूढ कैसा करु विस्तार
!! जयदेव जयदेव..!!

देवाधिदेव तू स्वामीराया, निर्जर मूनिजन ध्याती भावे तव पाया
तुजसी अर्पण केली आपली ही काया,शरणागता तारी तू स्वामीराया
!! जयदेव जयदेव..!!

अघटित लीला करुनी जडमूढ उध्दरीले,किर्ती ऐकुनी कानी चरणी मी लोळे.
चरण प्रसाद मोठा मज हे अनुभवले, तुझ्या सूता नलगे चरणावेगळे
!! जयदेव जयदेव..!!

लेखकाबद्दलकोमल दामुद्रेकोमल दामुद्रे मागच्या साडेचार वर्षांपासून डिजिटल मीडियामध्ये लिखाण करत आहे. लाईफस्टाइल, टेक, ऑटो, धार्मिक, प्रवास आणि बिझनेस क्षेत्रातील विविध विषयांवर लिखाण. मागच्या दोन वर्षांपासून धार्मिक विषयांवर लिखाण करत आहे. कालनिर्णयमध्ये संपादकीय सहाय्यक. कालनिर्णय सांस्कृतिक दिवाळी अंक, कालनिर्णय मुख्य एडिशन, कालनिर्णय आरोग्य व कालनिर्णय स्वादिष्ट यावर काम करण्याचा अनुभव. यापूर्वी कोमलने २०१९ मधील लोकसभा निवडणुकांसाठी पीआर म्हणून काम केले. कोमल ला कामाव्यतिरिक्त सोशल मीडियाच्या माध्यमातून कविता आणि लेख लिहायला आवडतात. नवीन पुस्तके आणि धार्मिक गोष्टी वाचण्यात अधिक रस…. आणखी वाचा