Nepal Accident : नेपाळ बस अपघातातील सर्व प्रवासी जळगावचे, पाहा बसमधील प्रवाशांची यादी

नेपाळ येथे झालेल्या अत्यंत दुर्दैवी बस अपघातात दुर्घटनाग्रस्त झालेल्या बसमध्ये जळगाव जिल्ह्यातील वरणगाव तळवेल या गावातील ४१ भाविक या बसमध्ये होते, अशी माहिती समोर आली आहे. यात वरणगाव येथील माजी नगरसेवकांसह त्यांचं संपूर्ण कुटुंब देखील बसमध्ये होतं. पूर्ण बस ही जळगाव जिल्ह्यातील भाविकांचीच होती, अशी माहिती मिळाली आहे. जळगावमधून ११० जण नेपाळला गेले होते. त्यांनी इतक्या लोकांसाठी तीन बस केल्या होत्या. त्यापैकी ४१ जण असलेल्या एका बसला हा भीषण अपघात झाला आहे.
Nepal Bus Accident : ४० भारतीय प्रवाशांसह बस नदीत कोसळली, नेपाळमध्ये भीषण अपघात, अंगावर काटा आणणारा व्हिडिओ
नेपाळमध्ये झालेल्या अपघातात जळगावमधील भाविक असल्याची माहिती समोर आल्यानंतर एकनाथ खडसे यांनी तात्काळ व्हिडिओ कॉल करुन तेथील परिस्थिती जाणून घेण्याचा प्रयत्न केला. तसंच तेथील जळगावच्या भाविकांची विचारपूस केली. . तसंच केंद्रीय राज्यमंत्री रक्षा खडसे यांनीही संबंधित जखमी झालेल्या व्यक्तींची विचारपूस करून घटनेची माहिती घेतली आहे. रक्षा खडसे यांनी तात्काळ याबाबत तेथील सरकारसोबत बोलणं सुरू केलं असून मदत कार्य सुरू आहे.

नेपाळला गेलेले हे सर्व जळगाव जिल्ह्यातील भुसावळ तालुक्यातील वरणगाव पिंपळगाव तळवेल या गावातले प्रवासी होते. हे सर्वजण १६ ऑगस्टपासून अयोध्या, नेपाळ, काठमांडू देवदर्शनासाठी गेले होते. १६ ते २८ ऑगस्टपर्यंत त्यांचा प्रवास होता, अशी माहिती मिळते आहे. या अपघातात आतापर्यंत १४ जणांचा मृत्यू झाला असून ३१ जण जखमी झाले आहेत. जखमींपैकी पाच जणांची प्रकृत्ती चिंताजनक असल्याची माहिती आहे.

त्याशिवाय उपमुख्यमंत्री देवेंद्र फडणवीस यांनी ट्विट करुन जळगावमधून संबंधित अधिकारी नेपाळला जाऊन मृत भाविकांचे पार्थिव मूळगावी आणले जाणार असल्याची माहिती दिली आहे.

राज्य सरकार नेपाळच्या दुतावासांशी संपर्कात असून जळगावचे जिल्हाधिकारी नेपाळ सीमेवरील उत्तर प्रदेश येथील महाराजगंज येथील जिल्हाधिकाऱ्यांशी संपर्कात आहेत. मृतांचे पार्थिव महाराष्ट्रात आणण्यासाठी संबंधिक अधिकारी उत्तर प्रदेश सरकारच्या संपर्कात असल्याचंही फडणवीस म्हणाले.