Badlapur Update Case : लैंगिक अत्याचार प्रकरणी मोठी अपडेट; गुन्हा दाखल झाला आणि…

शाळा प्रशासनावर गुन्हा दाखल

बदलापुरातील अत्याचार प्रकरणात शाळा व्यवस्थापनाने देखील कायद्याचे योग्य पालन केले नाही, असे तपासात उघड झाले आहे. घटना समजल्यानंतरही शाळेने पोलिसांत तक्रार न केल्यामुळे शाळा व्यवस्थापना विरोधात गुन्हा दाखल झाला आहे. पोक्सो कायद्यांतर्गत शाळेत एखादी लैंगिक अत्याचाराची घटना घडल्यास त्याची तात्काळ माहिती पोलीस प्रशासनाला देणे क्रमप्राप्त आहेत. मात्र या नियमाचे उल्लंघन केल्याप्रकरणी शाळा प्रशासनावर गुन्हा दाखल करण्यात आला आहे.

सदर अत्याचाराच्या घटनेचा तपास करण्यासाठी एसआयटी नेमण्यात आली असून एसआयटीच्या निर्देशाप्रमाणेच ही कारवाई करण्यात आली आहे. गुन्हा दाखल करताना स्वतंत्र गुन्हा दाखल न करता अत्याचाराचा प्रकरणात जो गुन्हा दाखल करण्यात आला आहे, त्यामध्येच कलम वाढवून शाळा प्रशासनाला आरोपी करण्यात आले आहे.
Maharashtra Bandh : ठाकरेंकडून महाराष्ट्र बंदची घोषणा, पवारांनी कोर्टाच्या निर्णयानंतर बंद मागे घेण्याचं आवाहन केलं

शाळेचे संचालक नॉट रिचेबल

गुन्हा दाखल होताच शाळेचे संचालक पोलिसांसमोरुनच निघून गेले. राष्ट्रीय बाल अधिकार संरक्षण आयोगाच्या प्रमुख रूपाली बॅनर्जी सिंग या पालिकेच्या नव्या प्रशासकीय इमारतीमध्ये सर्व विभागांकडून माहिती घेत होत्या. यावेळी शाळेच्या संस्थाचालकांची देखील त्यांच्यासोबत बैठक आयोजित करण्यात आली होती. मात्र गुन्हा दाखल झाल्याची माहिती मिळताच संस्थेतील काही पदाधिकारी यांनी बैठक पूर्ण न करताच पोलिसांसमोरून काढता पाय घेतला. त्यानंतर ते नॉट रिचेबल झाले.
Nepal Bus Accident : ४० भारतीय प्रवाशांसह बस नदीत कोसळली, नेपाळमध्ये भीषण अपघात, अंगावर काटा आणणारा व्हिडिओ

पीडित मुलीच्या कुटुंबीयांना सरकारी मदत मिळावी – रामदास आठवले

बदलापूरच्या अत्याचार प्रकरणातील नराधम आरोपीला फाशीची शिक्षा झाली पाहिजे, यासाठी मागणी आणि पाठपुरावा करणार असून पीडित मुलीच्या कुटुंबीयांना सरकारी मदत मिळावी, यासाठीही मागणी करणार असल्याची माहिती केंद्रीय सामाजिक न्याय राज्यमंत्री रामदास आठवले यांनी दिली आहे. आठवले हे शुक्रवारी या प्रकरणाचा निषेध करण्यासाठी बदलापूरमध्ये आले होते. घडलेली घटना ही अतिशय दुर्दैवी आणि निंदनीय असून या प्रकरणातील आरोपीला फाशीची शिक्षा मिळावी, अशी माझीही भावना आहे, असे आठवले म्हणाले.

तर या प्रकरणात गुन्हा दाखल करून घेण्यास दिरंगाई करणाऱ्या वरिष्ठ पोलीस निरीक्षक शुभदा शितोळे यांना निलंबित केल्यानंतरही त्यांच्या बदलीचे आदेश जारी करण्यात आले. विरोधकांनी कारवाईवर संशय व्यक्त केला होता. त्यावर त्यांची बदली झालेली नसून त्यांचे निलंबन कायम असल्याची माहिती आठवले यांनी दिली. तसेच शितोळे यांची बदली करू नये आणि त्यांचे निलंबन कायम ठेवावे, यासाठी आपण पोलीस महासंचालक तसेच गृहमंत्री देवेंद्र फडणवीस यांच्याशी चर्चा करू, असेही आठवले म्हणाले.