Tej Police Times
Dahi Handi 2024: यंदा दहीहंड्यांचे सहस्रक; ठाण्यात १३००हून अधिक दहीहंड्या फुटणार, ४५०० पोलिसांचा फौजफाटा सज्ज
म. टा. प्रतिनिधी, ठाणे : येत्या मंगळवारी गोपाळकाला असून, ठाणे पोलिस आयुक्तालयाच्या क्षेत्रात यंदा एक हजार ३०० पेक्षाही जास्त दहीहंड्या फुटणार आहेत. त्यामध्ये सार्वजनिक आणि खासगी दहीहंड्यांबरोबर मानाच्या दहीहंड्याही आहेत. सर्वांत जास्त ५०० हून अधिक दहीहंड्या ठाणे शहरात असून, दहीहंडी उत्सव शांततेत आणि निर्विघ्न पार पाडण्यासाठी ठाणे पोलिसांकडून संपूर्ण आयुक्तालयामध्ये अत्यंत चोख बंदोबस्त ठेवण्यात येणार आहे.
अधिकारी आणि कर्मचारी मिळून सुमारे चार हजार ५०० पोलिसांचा फौजफाटा तैनात केला जाईल, अशी माहिती एका वरिष्ठ पोलिस अधिकाऱ्याने दिली. दरवर्षी दहीहंडी उत्सव मोठ्या उत्साहात साजरी होत असून, दहीहंडी उत्सव आयोजकांकडून गोविंदा पथकांवर बक्षिसांचा वर्षाव केला जातो. आयोजकांमध्ये राजकीय आयोजकांचाही समावेश आहे. ठाणे शहरात साजऱ्या होणाऱ्या या उत्सवाकडे गोविंदा पथकांसह नागरिकांचे लक्ष लागलेले असते. त्यामुळे मुंबईसह आसपासच्या शहरातून मोठ्या संख्येने गोंविदा पथके ठाण्यात हंडी फोडण्यासाठी येत असतात.
दरवर्षी या उत्सवामध्ये मराठी आणि हिंदी सिनेसृष्टीतील सेलिब्रेटी हजेरी लावत असून, थरांचा थरार पाहण्यासाठी नागरिकही गर्दी करत असल्याचे दिसून येते. मंगळवार २७ ऑगस्टला गोपाळकाला अर्थात दहीहंडी उत्सव असून, यंदा ठाणे पोलिस आयुक्तालयाच्या हद्दीत १,३५४ दहीहंड्या आहेत. या दहीहंड्यामध्ये सार्वजनिक दहीहंड्यांची संख्या २६१ आहेत. तर, खासगी दहीहंड्या एक हजार ९३ असल्याची माहिती पोलिसांनी दिली. ठाणे शहरात सर्वांत जास्त ५४२ दहीहंड्या फुटणार आहेत. तर, श्रीकृष्ण जन्मोत्सवाची १५४ ठिकाणे आहेत.
ठाणे शहरात सर्वांत जास्त दहीहंड्या
मोठ्या आणि मानाच्या दहीहंड्यांची संख्या १९ आहेत. दहीहंडी उत्सव असून, यंदा ठाणे पोलिस आयुक्तालयाच्या हद्दीत १,३५४ दहीहंड्या आहेत. या दहीहंड्यामध्ये सार्वजनिक दहीहंड्यांची संख्या २६१ आहेत. तर, खासगी दहीहंड्या एक हजार ९३ असल्याची माहिती पोलिसांनी दिली. ठाणे शहरात सर्वांत जास्त ५४२ दहीहंड्या फुटणार आहेत. तर, श्रीकृष्ण जन्मोत्सवाची १५४ ठिकाणे आहेत. मोठ्या आणि मानाच्या दहीहंड्यांची संख्या १९ आहेत.