खिडकीच्या ग्रीलला रुमाल बांधून गळफास, कोल्हापूरच्या STचालकाने कोकणात आयुष्य संपवलं

चालकाने आत्महत्या केल्याचं कळताच सगळ्यांच्याच पायाखालची जमीन सरकली. त्याला तात्काळ जवळच्या रुग्णालयात नेण्यात आले. मात्र हे सगळे प्रयत्न निष्फळ ठरले. अनिल दिवसे यांच्या मृत्यूनंतर शासकीय रुग्णालयात शवाविच्छेदन केल्यावर हा मृतदेह कोल्हापूर येथून राजापूर येथे दाखल झालेल्या त्याच्या नातेवाईकांच्या ताब्यात काल देण्यात आला. राजापूर येथील नाटे सागरी पोलीस ठाण्याच्या हद्दीत हा सगळा प्रकार घडला आहे. बी.एन.एस.एस १९४ प्रमाणे २८ ऑगस्ट २०२४ रोजी संध्याकाळी उशिरा या सगळ्या प्रकरणाची नोंद करण्यात आली आहे.

अनिल दिवसे यांच्या पश्चात आई, पत्नी, दोन मुले असा मोठा परिवार आहे. हे सगळे कुटुंब कोल्हापूर नागदेववाडी येथे राहते. तर अनिल दिवसे हे नोकरीनिमित्त राजापूर येथे वास्तव्यास होते. या सगळ्या प्रकारची नोंद राजापूर लाटे पोलीस ठाण्यात करण्यात आली असून अधिक तपास राजापूर नाटे पोलीस करत आहेत.