आमदार काँग्रेसचा, मतदारसंघावर राष्ट्रवादीनंतर शिवसेनेनेही केला दावा; महाविकास आघाडीत होणार घमासान

परभणी येथील शिवाजी महाविद्यालयाच्या सभागृहामध्ये शिवसेना उद्धव बाळासाहेब ठाकरे पक्षाची संघटनात्मक बैठक संपन्न झाली. यावेळी विरोधी पक्षनेते अंबादास दानवे आमदार डॉक्टर राहुल पाटील सहसंपर्कप्रमुख डॉक्टर विवेक नावंदर जिल्हाप्रमुख विशाल कदम महिला आघाडीच्या सखुबाई लटपटे यांच्यासह प्रमुख पदाधिकारी उपस्थित होते. या प्रमुख पदाधिकाऱ्यांच्या उपस्थितीत आगामी विधानसभा निवडणुकीच्या अनुषंगाने जिल्ह्यातील चारही विधानसभा मतदारसंघातील पक्षाच्या संघटनेचा आढावा विरोधी पक्षनेते अंबादास दानवे यांनी घेतला.
कोणतीही छेडछाड झालेली नाही; पराभवानंतर EVM, VVPAT संशय घेणाऱ्या सुजय विखेंचा अर्ज निकाली

पुढे बोलताना खासदार संजय जाधव म्हणाले की, परभणी विधानसभा मतदारसंघांमध्ये सध्या शिवसेनेचे आमदार डॉक्टर राहुल पाटील हे प्रतिनिधित्व करत आहेत. त्यांची स्वतःची ताकद या मतदारसंघात असल्याने शिवसेनेसाठी परभणी विधानसभा मतदार संघातून येणाऱ्या विधानसभा निवडणुकीत शिवसेनेच्या उमेदवाराचा सहज विजय होऊ शकतो. पण परभणी वगळता गंगाखेड आणि जिंतूर विधानसभा मतदारसंघांमध्ये शिवसेनेची मन हवी तेवढी ताकद नाही. नुकत्याच झालेल्या लोकसभा निवडणुकीत गंगाखेड विधानसभा मतदारसंघांमध्ये 6000 मताने आपण पिछाडीवर आहोत. तर जिंतूर विधानसभा मतदारसंघांमध्ये शिवसेनेची ताकद कमी असल्याने तेथे आपण महाविकास आघाडीच्या अन्य पक्षांसोबत आघाडी करूनच निवडणुका लढत आहोत.
मुख्यमंत्री लाडकी बहीण योजनेचा लाभ घेण्यासाठी पुरुषाने केला ‘प्रताप’; अर्जांची छाननी सुरू असताना समोर आला धक्कादायक प्रकार

पाथरी विधानसभा मतदारसंघ वरून महाविकास आघाडीत होणार घमासान

पाथरी विधानसभा मतदारसंघ सध्या काँग्रेसच्या ताब्यात आहे. या मतदारसंघातून काँग्रेसचे आमदार सुरेश वरपूडकर हे प्रतिनिधित्व करत आहेत. पण काही दिवसांपूर्वी राष्ट्रवादी अजित पवार गटातून शरद पवार गटात प्रवेश केलेल्या बाबाजानी दुर्राणी यांनी पाथरी विधानसभा मतदारसंघ राष्ट्रवादीला सोडून घेणार असे जाहीर केले. आणि पाथरी विधानसभा मतदारसंघातून राष्ट्रवादीच्या चिन्हावर निवडणूक लढणार असल्याचेही दुर्राणी म्हणाले होते. काँग्रेस राष्ट्रवादी मध्ये पाथरी विधानसभा मतदारसंघावरून धूसपुस असताना आता त्यात शिवसेनेने देखील उडी घेतली आहे. आज खासदार संजय जाधव यांनी पाथरी विधानसभा मतदारसंघात शिवसेनेची चांगली ताकद असून हा मतदारसंघ महाविकास आघाडीत शिवसेनेला सोडून घ्यावा असे थेट आव्हानच केले आहे. त्यामुळे येणाऱ्या काळामध्ये पाथरी विधानसभा मतदारसंघावरून महाविकास आघाडीमध्ये चांगलाच रणसंग्राम आपणास पहावयास मिळू शकतो.
Chandrapur Crime News: वाढदिवसाची भेट दे- गले लग जा! शिक्षकांचा प्रताप, विद्यार्थिनीची पोलिसात धाव

विरोधी पक्ष अंबादास दानवे यांनी पक्ष संघटने वरून जिल्हाप्रमुखांसह पदाधिकाऱ्यांना चांगलेच फैलावर घेतले

शिवसेनेच्या पदाधिकाऱ्यांच्या आज झालेल्या बैठकीमध्ये विरोधी पक्ष अंबादास दानवे यांनी जिल्हाप्रमुखांसह पदाधिकाऱ्यांना चांगलेच धारेवर धरले. काही दिवसांवर विधानसभेच्या निवडणुका होणार आहेत या पार्श्वभूमीवर नुकत्याच जाहीर झालेली मतदार यादी पदाधिकाऱ्यांपर्यंत पोहोचली का? बूथ लेवल वर या मतदार यादीचे वाचन झाले का? नवीन भूत रचना झाली आहे ती आपल्याला माहित आहे का? तालुकाप्रमुख गाव पातळीवर फिरत आहेत का? असे असंख्य प्रश्न विचारून दानवे यांनी पदाधिकाऱ्यांना चांगलेच फैलावर घेतले. जोपर्यंत पक्ष संघटना मजबूत होत नाही तोपर्यंत शिवसेना राज्यामध्ये स्वबळावर निवडणुका लढू शकत नाही असे दानवे म्हणाले. दर महिन्याला मी जिल्ह्यात येणार असून पक्ष संघटनेचा आढावा घेणार असल्याचेही ते म्हणाले.