Titwala Crime: चिमुरडी रडत रडत घरी आली, कारण ऐकताच आई-वडिलांच्या पायाखालची जमीनच सरकली; टिटवाळ्यात लैंगिक अत्याचार

काही दिवसांपूर्वी बदलापूरातील शाळेत दोघा चिमुरड्यांवर लैंगिक अत्याचार झाल्याचे उघडकीस आल्यानंतर या घटनेने संपूर्ण राज्यात संतापाची लाट उसळली होती. या घटनेच्या जखमा साऱ्यांच्या मनात ताज्या असतानाच आता महागणपतीच्या टिटवाळ्याजवळील दहागाव परिसरात या घटनांची पुनरावृत्ती झाल्याचे कल्याण तालुका पोलिस ठाण्यात दाखल करण्यात आलेल्या तक्रारीतून उघडकीस आले आहे.
Priyansh Arya: एका ओव्हरमध्ये ६ षटकारांची कमाल, भारतीय खेळाडूंने झळकावले वादळी शतक; फक्त इतक्या चेंडूत केल्या १०० धावा

या संदर्भात पोलिस सूत्रांकडून मिळालेल्या माहितीनुसार, शुक्रवारी दुपारच्या सुमारास अंगणात खेळत असताना चिमुरडीवर त्याच भागात राहणाऱ्या ३५ वर्षीय आरोपीची नजर पडली. या सैतानाने चिमुरडीला फरफटत निर्जनस्थळी नेऊन तिच्यावर लैंगिक अत्याचार केला. त्यानंतर चिमुरडीला तेथेच सोडून नराधमाने पळ काढला.
Chandrapur Crime News: वाढदिवसाची भेट दे- गले लग जा! शिक्षकांचा प्रताप, विद्यार्थिनीची पोलिसात धाव

या घटनेनंतर चिमुरडी रडत रडत घरी आली. तिला वेदना असह्य होऊ लागल्या होत्या. मुलीची अवस्था पाहून आई-वडिलांना संशय आला. त्यांनी मुलीची विचारपूस केली. आपल्यासोबत घडलेल्या अघटीत घटनेमुळे प्रचंड भेदरलेली चिमुरडी काहीही सांगण्याच्या मन:स्थितीत नव्हती. अखेर तिने बेतलेला प्रसंग आपल्या जन्मदात्यांना सांगितला. हे ऐकून आई-वडिलांच्या पायाखालची जमीनच सरकली. वेळ न दवडता मुलीसह आई-वडिलांनी तालुका पोलिस ठाणे गाठून तेथील पोलिसांपुढे मुलीवर बेतलेल्या प्रसंगाची कहाणी कथन केली.

वरिष्ठ पोलिस निरीक्षक सुरेश कदम यांनी पालकांसह पिडीत मुलीला धीर दिला. घटनेचे गांभीर्य ओळखून पोलिसांनी प्रथम वैद्यकीय तपासणीकरिता पीडित मुलीला रूग्णालयात पाठविले. तर दुसरीकडे पिडीत मुलीच्या पालकांनी दिलेल्या जबानीवरून रात्री गुन्हा दाखल केला. त्यानंतर पोलिसांच्या खास पथकाने तपासाची चक्रे वेगाने फिरवून आरोपीला काही तासातच अटक केली आहे.