बदलापूर प्रकरणी आंदोलनकर्त्यांवर कारवाई, संस्थाचालकांबाबत कुचराई, सहा दिवसांनंतरही अटक नाही

संबंधित शिक्षण संस्थेचे अध्यक्ष उदय कोतवाल आणि सचिव तुषार आपटे हे पोलिसांसमक्ष पळून गेले. मात्र अजूनही पोलीस त्यांना शोधू शकलेले नाहीत. एकीकडे आंदोलनकर्त्यांवर पोलिसांनी गुन्हे दाखल करून अनेक आंदोलकांना अटकही करण्यात आली आहे. तर दुसरीकडे जी तत्परता आंदोलकांवर कारवाई करताना पोलिसांनी दाखवली, ती तत्परता संस्थाचालकांच्या बाबतीत पोलीस का दाखवत नाहीत? असा सवाल नागरिक करत आहेत.
Lalbaug Bus Accident : लालबागला गणेशभक्तांच्या गर्दीत बेस्ट बस घुसली, गाड्यांना धडक, आठ पादचारी जखमी, कारण चक्रावून टाकणारं

बदलापूर आंदोलन प्रकरणात पत्रकारांवरही गुन्हे

बदलापुरात चिमुकल्या मुलीवर झालेल्या अत्याचाराच्या घटनेनंतर बदलापूरकरांनी शाळेबाहेर आंदोलन करत शाळेची तोडफोड केली होती. याप्रकरणी दाखल करण्यात आलेल्या गुन्ह्यात महिला पत्रकार श्रद्धा ठोंबरे यांचं नाव आरोपी म्हणून समाविष्ट करण्यात आल्यानं पोलिसांच्या कारभारावर प्रश्नचिन्ह उपस्थित झालंय. या प्रकरणात श्रद्धा ठोंबरे यांना गुन्हे शाखेनं अटक करण्याचा इशारा देत चौकशीला हजर राहण्याची नोटीस बजावली आहे.
Ganga River Death : दहा हजार रोख द्या, तरच जीव वाचवू, जीवरक्षकच झाले भक्षक, आरोग्य अधिकाऱ्याचा बुडून मृत्यू
आंदोलनाच्या दिवशी सकाळपासून श्रद्धा ठोंबरे या संबंधित शाळेबाहेर फेसबुक लाईव्हच्या माध्यमातून वार्तांकन करत होत्या. मात्र आंदोलकांची संख्या वाढू लागताच श्रद्धा ठोंबरे यांना पोलिसांनी स्वतः गर्दीतून बाहेर काढलं. यानंतर एकीकडे संतप्त आंदोलकांनी रेलरोको केला, तर दुसरीकडे शाळेचीही तोडफोड करण्यात आली. यावेळी श्रद्धा ठोंबरे या सहाय्यक पोलीस आयुक्त सुरेश वराडे यांच्यासोबत शाळेच्या परिसरात होत्या. मात्र या प्रकरणात दाखल करण्यात आलेल्या गुन्ह्यात श्रद्धा ठोंबरे यांचं नाव आरोपी म्हणून दाखल करण्यात आलं.

श्रद्धा ठोंबरे यांनी हे अत्याचार प्रकरण चांगलंच उचलून धरलं होतं. मात्र यामुळं हे प्रकरण पोलिसांच्या अंगलट आल्यानं आता पोलिसांनी पत्रकारांनाच लक्ष्य करायला सुरुवात केल्याची चर्चा बदलापूरमध्ये आहे. त्यामुळे पोलिसांच्या कार्यपद्धतीवर प्रश्नचिन्ह निर्माण झालं आहे.