Dhule News: भररस्त्यात आढळला तरुणाचा संशयास्पद मृतदेह, धुळ्यात एकच खळबळ

पारोळा रोड हा धुळे शहरातून जळगावकडे जाणारा हा मुख्य रस्ता आहे. या रस्त्यावर मोठ्या प्रमाणात रहदारी असते. याच परिसरात वावरत असलेल्या नागरिकांना नालीमधून ठिकाणाहून दुर्गंधी येत होती. याबद्दल तात्काळ पोलिसांना माहिती देण्यात आली. माहिती मिळताच पोलिसांनी घटनास्थळी धाव घेतली. पोलिसांनी पंचनामा करुन मृतहेद ताब्यात घेतला आहे. तर मृतदेह शवविच्छेदनासाठी हिरे वैद्यकीय रुग्णालयात पाठवला आहे.
Pune Hadapsar hotspot murder : रस्त्यात हॉटस्पॉट न दिल्याचा राग, पुण्यातील बँक कर्मचारी कुलकर्णींच्या हत्येचं गूढ उकललंदरम्यान पोलिसांना काल मृतदेह आढळताच निनावी क्रमांकावरुन एका व्यक्तीचा फोन आला होता. त्याने पारोळा रोड परिसरात एका तरुणाचा मृतदेह कुजलेल्या अवस्थेत पडला असल्याची माहिती आझाद नगर पोलिसांना दिली होती. त्या माहितीच्या आधारे आझादनगर पोलिसांनी घटनास्थळी धाव घेत सदर स्थळाचा पंचनामा केला. मृतदेह ताब्यात घेऊन मृतकाची ओळख पटविण्यासाठी नागरिकांना आवाहन केले होते.

सध्या मृतदेहाची ओळख पटली असून मृतक पुरुषाचे नाव अजय बाविस्कर असे असून त्याचे वडील राजू बाविस्कर यांनी अजयच्या हातावरील खुणेवरुन त्याची ओळख पटवली आहे. मृतक पारोळा तालुक्यातील मोंढाळे पिंपरी येथील रहिवासी होता. तरी सध्या अजयच्या मृत्यूचे कारण अद्याप स्पष्ट झाले नसून पुढील तपास सुरु आहे, अशी माहिती पोलीस अधिकारी निवृत्ती पवार यांनी दिली आहे.