आधी धाकटा लेक गेला, मग मोठ्या मुलाने आयुष्य संपवलं, हताश मायबापाने ८ दिवसातच मृत्यूला कवटाळलं

पती-पत्नी दोघाही जणांनी आपल्या राहत्या घरात गळफास घेऊन आत्महत्या केल्याचा हृदयाला काटे टोचणारा प्रकार घडला आहे. या घटनेने परिसरावर मोठी शोककळा पसरली आहे.

काय घडलं होतं?

दोन वर्षांपूर्वी दाम्पत्याच्या १६ वर्षीय मुलाने राहत्या घरात आत्महत्या केली होती. तर आठ दिवसांपूर्वी पुणे येथे शिक्षण घेत असलेल्या त्यांच्या २१ वर्षीय मुलाने देखील गळफास घेऊन आयुष्याची दोर कापली होती. त्यानंतर गणेश मच्छिंद्र वाडेकर आणि गौरी गणेश वाडेकर यांनी देखील मरणाला आलिंगन दिलं आहे.
Lalbaug Bus Accident : गणराया काय केलंस? होणाऱ्या नवऱ्यासोबत बाईकवर जाताना बसची धडक, त्याच्याच डोळ्यादेखत प्राण सोडले
वाडेकर दाम्पत्याचा २१ वर्षीय मुलगा श्रीराज गणेश वाडेकर पुण्यामध्ये शिकत होता. आठ दिवसांपूर्वी त्याने पुण्यात गळफास घेत आत्महत्या केली. याआधी, दोन वर्षांपूर्वी वाडेकर दाम्पत्याच्या १६ वर्षीय मुलाने देखील राहत्या घरात आत्महत्या केली होती. याच नैराश्यातुन या दोघांनीही आयुष्य संपवलं असावं, असा अंदाज संगमनेर शहर पोलिसांनी व्यक्त केला आहे.

दोन चिठ्ठ्या आढळल्या

या घटनेची माहिती मिळताच संगमनेर शहर पोलिसांनी घटनास्थळी भेट घेत दोन्ही मृतदेह शव विच्छेदनासाठी कॉटेज हॉस्पिटल येथे पाठवले आहेत. दरम्यान या दोन्ही पती-पत्नीच्या जवळ पोलिसांना दोन चिठ्ठ्या आढळून आल्या आहेत.
बिस्कीट उचलायला चिमुकला धावला, बेल्टचा जोरदार फटका, अंबरनाथच्या कंपनीत मृत्यूचा थयथयाट
वाडेकर दाम्पत्याचा २१ वर्षीय मुलगा श्रीराज याचा पुणे येथे जो मृत्यू झाला होता, त्यात वाकड पोलिसांविषयी नाराजीचा काही मजकूर असल्याची चर्चा होत आहे.

शासकीय सेवेतील दाम्पत्य

गणेश वाडेकर हे संगमनेर नगरपालिकेत कार्यरत होते, ते सध्या सेवानिवृत्त झाले होते. तर त्यांची पत्नी गौरी वाडेकर या आरोग्य विभागात कार्यरत होत्या. एकाच कुटुंबातील चौघांचाही तीन वेगवेगळ्या घटनात आत्महत्या होण्याचा प्रकार विरळाच. त्यातही तिघा जणांचा आठ दिवसांच्या कालावधीत असा दुर्दैवी मृत्यू झाल्याने परिसरात हळहळ व्यक्त केली जाात आहे.