शिंदेसेनेचा ‘भाजप पॅटर्न’; मोठ्या भावाला त्याच्याच स्टाईलनं उत्तर; ‘नवी’ खेळी करत दे धक्का

लोकसभेला अवघ्या ९ जागा मिळाल्यानं भाजप बॅकफूटवर गेला आहे. आता भाजपच्या नाकीनऊ आणण्यासाठी मुख्यमंत्री एकनाथ शिंदेंच्या शिवसेनेनं मित्रपक्षाचाच पॅटर्न वापरण्यास सुरुवात केली आहे. २०१९ मध्ये शिवसेनेनं जिंकलेल्या, पक्षफुटीनंतरही शिंदेंकडे असलेल्या अनेक जागांवर भाजपनं लोकसभेच्या जागावाटपात दावा सांगितला. त्यामुळे जागावाटपाच्या चर्चेत शिंदेंना बरेच परिश्रम करावे लागले. महत्प्रयासानं त्यांनी १५ जागा मिळवल्या. लोकसभेवेळी भाजपनं वापरलेला पॅटर्न आता शिंदेसेनेनं वापरण्यास सुरुवात केली आहे.
Nagpur-Goa Expressway: लोकसभेला फटका, विधानसभेचा धसका; महायुती सरकारनं ८६ हजार कोटींचा ड्रीम प्रोजेक्ट गुंडाळला
नवी मुंबईतील बेलापूर, ऐरोलीच्या जागेवर शिंदेसेनेनं थेट दावा सांगितला. विशेष म्हणजे या दोन्ही मतदारसंघात भाजपचे आमदार आहेत. मंदा म्हात्रे बेलापूरचं, तर गणेश नाईक ऐरोलीचं प्रतिनिधीत्व विधानसभेत करतात. या दोन्ही आमदारांमध्ये विस्तवही जात नाही. नाईक आणि म्हात्रे यांच्यात अधूनमधून खटके उडत असल्यानं नवी मुंबई भाजपमध्ये संघर्ष सुरु असतो. त्यात आता शिंदेंनी भाजप पॅटर्न वापरुन नवी मुंबईत नवी खेळी केल्यानं भाजपची गोची झाली आहे.
Nitesh Rane: नितेश राणेंनी कुर्ल्यातील मशिदीत येऊन दाखवावं! भाजपच्याच नेत्याचं थेट चॅलेंज, राणे म्हणतात..
शिंदेसेनेचे नवी मुंबई जिल्हाध्यक्ष विजय चौगुलेंनी बेलापूर, ऐरोलीच्या जागांवर दावा सांगितला आहे. स्वत: चौगुले ऐरोलीतून लढण्यास उत्सुक आहेत. त्याबद्दल मुख्यमंत्री शिंदेंशी चर्चा झाल्याचंही त्यांनी सांगितलं. जागावाटपाबद्दल पक्षानं निर्णय घेतल्यावर पुढील रणनीती ठरवू, असं चौगुले म्हणाले आहेत. ते शिंदेंचे निकटवर्तीय मानले जातात. ‘२०१९ मध्येही आम्हाला दोन्ही जागा लढवायच्या होत्या. आमची तशी तयारी होती. पण मी माघार घेतली,’ असं चौगुले म्हणाले.

चौगुले आणि नाईक कुटुंबात विळा भोपळ्याचं नातं आहे. ऐरोलीतून निवडणूक लढण्यास चौगुले उत्सुक आहेत. २००९ मध्ये हा मतदारसंघ अस्तित्त्वात आला. तेव्हापासून तो नाईक कुटुंबाच्या ताब्यात आहे. २००९ आणि २०१४ मध्ये गणेश नाईक यांचे पुत्र संदीप नाईक राष्ट्रवादी काँग्रेसच्या तिकिटावर ऐरोलीतून विजयी झाले. दोन्ही वेळा त्यांनी विजय चौगुले यांचाच पराभव केला. त्यावेळी चौगुले एकसंध असलेल्या शिवसेनेचे उमेदवार होते. चौगुले यांचा दोन्ही वेळा १० हजारांहून अधिक मतांनी पराभव झाला.