ठाकरेंचं पुन्हा दबावतंत्र? मुंबईतील २२ जागांवर लढण्याची तयारी; संभाव्य उमेदवारांची यादी समोर

मुंबईत विधानसभेच्या एकूण ३६ जागा आहेत. यातील १४ जागांवर शिवसेनेनं गेल्या निवडणुकीत बाजी मारली होती. नुकत्याच झालेल्या लोकसभा निवडणुकीत ठाकरेंनी मुंबईत चार जागा लढवल्या, त्यातील तीन जागांवर त्यांना यश आलं. यानंतर आता विधानसभेला मुंबई जिंकण्यासाठी ठाकरेंच्या शिवसेनेनं कंबर कसली आहे. त्या पार्श्वभूमीवर मातोश्रीवर बैठकांचं सत्र सुरु आहे.
Rahul Gandhi: मोदींनी माफी नेमकी कशासाठी मागितली? राहुल गांधींचे तीन सवाल; भलीमोठी यादीच वाचली
मागील विधानसभा निवडणुकीत जिंकलेल्या, पक्षाची ताकद असलेल्या, लोकसभेला आघाडी मिळवलेल्या जागांसाठी ठाकरेसेना आग्रही आहे. ठाकरेंनी २२ जागांवर त्यांच्या संभाव्य उमेदवारांना हिरवा कंदिल दिला आहे. निवडणुकीची तयारी करण्याची सूचना त्यांना करण्यात आलेली आहे. मुंबईतील आपली ताकद पुन्हा दाखवून देण्यासाठी ठाकरेसेना इरेला पेटली आहे. फुटलेल्या आमदारांना धडा शिकवण्यासाठी ठाकरेसेनेनं कंबर कसली आहे.
जयदीप आपटेंना बॉसही वाचवू शकला नाही, अटकेच्या ८ दिवसाआधीच ठाण्यातून जामिनाची तयारी, संजय राऊत यांचा आरोप
ठाकरेसेना आग्रही असलेल्या जागा आणि संभाव्य उमेदवार खालीलप्रमाणे-
मागाठाणे- विलास पोतनीस, उदेश पाटेकर, संजना घाडी
दहिसर- विनोद घोसाळकर
दिंडोळी- सुनील प्रभू
जोगेश्वरी- अमोल कीर्तीकर, बाळा नर, शैलेश परब
अंधेरी पश्चिम- ऋतुजा लटके
वर्सोवा- राजू पेडणेकर, राजुल पटेल
वांद्रे पूर्व- वरुण सरदेसाई
दादर-माहिम- विशाखा राऊत, महेश सावंत
शिवडी- अजय चौधरी, सुधीर साळवी
वरळी- आदित्य ठाकरे
भायखळा- किशोरी पेडणेकर, जामसुतकर, रहाटे
चांदिवली- ईश्वर तायडे
चेंबूर- अनिल पाटणकर, प्रकाश फातर्पेकर
भांडूप- रमेश कोरगावकर
विक्रोळी- सुनील राऊत
कलिना- संजय पोतनीस
अणुशक्तीनगर- विठ्ठल लोकरे, प्रमोद शिंदे
घाटकोपर- सुरेश पाटील
कुर्ला- प्रविणा मोरजकर
चारकोप- नीरव बारोट
गोरेगाव- समीर देसाई
वडाळा- श्रद्धा जाधव

काँग्रेस, शरद पवार गटाचा कोणत्या जागांवर दावा?
लोकसभेवेळी उद्धव ठाकरेंनी त्यांच्या २१ उमेदवारांची यादी अचानक प्रसिद्ध केली. मित्रपक्षांच्या आधी उमेदवार जाहीर करत ठाकरेंनी दबावतंत्राचा वापर केला. आताही ठाकरे तेच करत असल्याची चर्चा आहे. अणुशक्तीनगर, वर्सोवा, वांद्रे पूर्व, वांद्रे पश्चिम, कुर्ला, चेंबूर या जागांसाठी काँग्रेस आग्रही आहे. पण याच जागांवर ठाकरेंनी त्यांचे उमेदवार जवळपास निश्चित केले आहेत. घाटकोपर, अणुशक्तीनगर, कुर्ल्याच्या जागेसाठी शरद पवार गटदेखील आग्रही आहे. त्यामुळे महाविकास आघाडीच्या जागवाटपावेळी बरीच रस्सीखेच पाहायला मिळू शकते.