छत्रपतींचे विसर्जन करणार का? शिवरायांसोबत असलेल्या बाप्पांच्या मूर्तींवरुन संभाजी ब्रिगेड आक्रमक

काही खोडसाळ मूर्तिकारांनी छत्रपती शिवाजी महाराजांसोबत गणरायाची मूर्ती एकत्र बनवली आहे, हे अतिशय निषेधार्थ असून जर कुठल्याही गणपतीच्या विक्रीच्या स्टॉलवर अशी मूर्ती आढळल्यास संबंधित विकणाऱ्याला सोडू नका चोप द्या. त्यांच्यावर कायदेशीर कारवाई करा अशीच संभाजी ब्रिगेडची मागणी केली आहे. गणपती घेणाऱ्यांनी लक्षात ठेवा आपले राजे महापुरुष होते महाराजांचे विसर्जन करणं म्हणजे विटंबना करणे आहे.

पीओपी मूर्तीच्या विसर्जनावर कडक नियमावली

दरम्यान, राज्याचे मुख्यमंत्री एकनाथ शिंदे यांनी नैसर्गिक जलस्रोतांमध्ये पीओपी मूर्तींचे विसर्जन करण्यावर बंदी घालण्याच्या अंमलबजावणीबाबत सर्व स्थानिक स्वराज्य संस्थांच्या प्रमुखांसोबत मुंबई येथे बैठक घेतल्याचे नमूद करीत राज्य शासनाने शपथपत्र दाखल केल्याचे सांगण्यात आले. याच बैठकीत राज्य शासनाने सणासुदीच्या काळात सीपीसीबीच्या मार्गदर्शक तत्त्वांची अंमलबजावणी करण्याचे कठोर आदेश जारी केले आहेत. महापालिका, नगरपरिषदा आणि सर्व स्थानिक स्वराज्य संस्थांना त्यांच्या कार्यक्षेत्रात पीओपी मूर्तीच्या विसर्जनासाठी कृत्रिम तलाव उपलब्ध करून देण्याचे निर्देश देण्यात आले आहेत. मूर्तीच्या सजावटीसाठी वापरल्या जाणाऱ्या रंगाच्या परिणामावर तज्ज्ञ शास्त्रज्ञांच्या अहवालाचा संदर्भ देत राज्य शासनाने या रंगाचे रासायनिक विश्लेषण अहवाल मागवला असल्याचेही नमूद केले. न्यायालयीन मित्र म्हणून ॲड. श्रीरंग भांडारकर यांनी, तर शासनातर्फे वरिष्ठ विधिज्ञ एस. के. मिश्रा यांनी बाजू मांडली.