Mumbai Local: पश्चिम रेल्वेवर आठवडाभर लोकल खोळंबा, प्रवशांना वेगमर्यादेचा त्रास, कारण…

३१ ऑगस्ट ते १ सप्टेंबरदरम्यान रात्रकालीन ब्लॉकमध्ये विरारकडे जाणाऱ्या धीम्या मार्गाची जोडणी करण्यात आली. सध्या सहाव्या मार्गिकेची अप-डाउन धीम्या मार्गाला जोडणीचे काम पूर्ण झाले आहे. येत्या काळात अप-डाउन जलद मार्गाला नव्या सहाव्या मार्गिकेच्या जोडणीचे काम करण्यात येणार आहे.

गणेशभक्तांना दिलासा

सोमवारी, १६ सप्टेंबरला ईद-ए-मिलादची सुट्टी आहे. मंगळवारी, १७ सप्टेंबरला अनंत चतुर्दशी आहे. त्यापूर्वी १४-१५ सप्टेंबरला अनुक्रमे शनिवार-रविवार आहे. यामुळे अनंत चतुर्दशीच्या पूर्वी सलग तीन दिवस सुट्टी असल्याने नागरिक मोठ्या संख्येने सार्वजनिक मंडळांना भेट देण्यासाठी घराबाहेर पडतील. या दिवसांमध्ये लोकलगाड्यांमधील संभाव्य गर्दी लक्षात घेत पश्चिम रेल्वेने १४-१५ सप्टेंबर रोजी १० तासांचा ब्लॉक रद्द करण्यात येणार असल्याचे जाहीर केले आहे.