Pune Crime: २४ वर्षीय महिलेचा बेडमध्ये सापडला मृतदेह, पुण्यातील घटनेनं खळबळ

काय आहे प्रकरण?
स्वप्नाली उमेश पवार (वय २४, रा. तिसरा मजला, हुंडेकर वस्ती, फुरसुंगी) असे मृत महिलेचे नाव आहे. पोलिसांनी दिलेल्या माहितीनुसार, उमेश आणि स्वप्नाली यांचे चार वर्षांपूर्वी लग्न झाले होते. उमेश कॅबचालक म्हणून काम करतात. ते सात तारखेला प्रवासी घेऊन बीड येथे गेले होते. त्या दिवशी रात्री पत्नी स्वप्नाली यांच्यासोबत त्यांचे शेवटचे बोलणे झाले होते. त्यानंतर त्यांचा संपर्क झाला नाही. पत्नीचा फोन लागत नाही म्हणून मित्राला घरी जाण्यास सांगितले. मात्र, मित्र घरी गेल्यावर स्वप्नाली घरी नसल्याचे त्याने पती उमेश यांना सांगितले. त्यामुळे दुसऱ्या दिवशी सव्वाबारा वाजण्याच्या सुमारास उमेश घरी आले, घराच्या दरवाज्याला बाहेरून कडी लावली होती. घरात पत्नी मिळून आली नाही, नातेवाइक, मित्र परिवार यांच्याकडे शोध घेतला असता पत्नीचा शोध लागला नाही. घ
आमच्या योजना बंद होणार नाहीत; Ladki Bahin Yojanaवरुन मुख्यमंत्री एकनाथ शिंदेंचे मोठं विधान
रामध्ये सोन्याचे दागिने आणि मोबाइल होते, मोबाइल आणि दागिने मिळून आले नसल्याने दागिन्यांचा शोध घेण्यासाठी उमेश यांनी बेडरूममधील सामान ठेवण्याच्या जागेत शोध घेतला असता, तेथे स्वप्नाली बेशुद्ध अवस्थेत आढळली. यानंतर उमेश पवार यांनी तत्काळ याबाबत पोलिसांना माहिती दिली. पोलिसांनी घटनास्थळी धाव घेऊन बेडमधून महिलेले बाहेर काढले. डॉक्टरांनी तपासले असता, महिलेचा मृत्यू झाल्याचे डॉक्टरांनी सांगितले. बेडरूममध्ये मृतदेह मिळून आल्याने परिसरात एकच खळबळ उडाली. घटनास्थळी पोलिस उपायुक्त आर. राजा, फुरसुंगीच्या पोलिस निरीक्षक मंगला मोढवे यांनी भेट देऊन माहिती घेतली.
जीवघेणा ठरला नायलॉन मांजा! मांडीला गंभीर दुखापत, ९ वर्षीय मुलाचा उपचारादरम्यान मृत्यू, नाशिकमधील घटना
महिलेचा मृत्यू नेमका कारणामुळे झाला आहे, याची तपासणी करण्याकरिता मृतदेह ससून रुग्णालयामध्ये शवविच्छेदनासाठी पाठवण्यात आला आहे. याचा अहवाल आल्यानंतर मृत्यूचे कारण समजेल. –मंगला मोढवे, पोलिस निरीक्षक, फुरसुंगी