Amit Shah: मुस्लिमांना आरक्षण मिळू देणार नाही; अमित शहा यांची भूमिका, ‘मविआ’वर तुष्टीकरणाचा आरोप

‘महाविकास आघाडी म्हणजे ‘औरंगजेब फॅन क्लब’ आहे, तर महायुती सरकार हेच छत्रपती शिवाजी महाराज व सावरकरांच्या विचारांवर चालणारे सरकार आहे. महाविकास आघाडी म्हणजे विनाश, तर महायुती म्हणजे विकास’ असे शहा म्हणाले. शिंदखेडामध्ये ज्यांनी दंगल घडवली अशा लोकांना महाविकास आघाडी प्रोत्साहन देत आहे, असा आरोपही त्यांनी यावेळी केला. ‘भाजपने ३७० कलम रद्द केले. आता दिवंगत पंतप्रधान इंदिरा गांधी स्वर्गातून परतल्या तरी जम्मू-काश्मीरमध्ये ३७० कलम पुन्हा बहाल केले जाणार नाही’, असेही शहा यांनी बजावले.
उद्धव ठाकरेंना धडा शिकवा! मुंबईतील प्रचारसभेत भाजपचे राष्ट्रीय अध्यक्ष जे.पी.नड्डा यांचे आवाहन
‘हरियाणात काँग्रेसने खोटी आश्वासने दिली. तिथे काँग्रेसचा सुपडासाफ झाला, ’याकडे शहा यांनी लक्ष वेधले. ‘महाराष्ट्रात महायुतीचे सरकार येताच लाडक्या बहिणींना २१०० रुपये दरमहा दिले जाणार आहेत. मोदींनी ‘महान भारता’साठी मोहीम चालवली आहे, त्यात महाराष्ट्र आघाडीवर आहे, असेही शहा म्हणाले.
वातावरण तापणार! राज्यातील सर्व पक्षांतील प्रमुख नेत्यांच्या आजपासून नाशिक जिल्ह्यात सभा
यावेळी उमेदवार आमदार जयकुमार रावल, धुळे ग्रामीणचे उमेदवार राम भदाणे, साक्रीच्या उमेदवार आमदार मंजुळा गावित, शिरपूरचे उमेदवार आमदार काशीराम पावरा यांच्यासह माजी मंत्री अमरीशभाई पटेल, माजी मंत्री डॉ. सुभाष भामरे आदी उपस्थित होते.