काँग्रेस प्रदेशाध्यक्ष आंबेडकर समाजविरोधी, आंबेडकरी चळवळीतील कार्यकर्त्यांचा खळबळजनक आरोप

भंडारा येथे आंबेडकरी चळवळीचे कार्यकर्ते परमानंद मेश्राम, प्राचार्य पूरण लोणारे, प्राणहंस मेश्राम, अ‍ॅड. निलेश डहाट, प्रज्ञा नंदेश्वर, भीमराव मेश्राम यांनी पत्रकार परिषद घेऊन आपली भूमिका मांडली. परमानंद मेश्राम म्हणाले, अनेक दशकांपासून पटोले आंबेडकरी समाजविरोधी भूमिका घेत आहेत. परंतु, इतक्या वर्षांनंतरही आंबेडकरी समाज पटोलेंचा डाव समजू शकला नाही. जगाने दखल घेतलेल्या खैरलांजी हत्याकांडावेळी पटोले यांनी ‘खैरणा ते खैरलांजी’ अशी पदयात्रा काढून आंबेडकरी समाजाविरोधी भूमिका घेतली होती. काँग्रेसला आंबेडकरी समाजाची मते हवी आहेत. परंतु, या प्रवर्गाला नेतृत्व देण्याची संधी मिळते तेव्हा काँग्रेस ती नाकारते. डोक्यावर संविधान ठेवून आंबेडकरी समाज काँग्रेसला साथ देईल, असा भ्रम काँग्रेसला झाला आहे. आमची संधी नाकारणाऱ्या नेत्यांना त्यांची जागा दाखवू, असा इशाराही मेश्राम यांनी दिला.
मोदीजी राहुल गांधींची बहीण सांगते, बाळासाहेब ठाकरे आणि काँग्रेसची विचारधारा वेगळी पण… प्रियंका गांधींचा पलटवार
भंडारा विधानसभा क्षेत्रात अनुसूचित जाती प्रवर्गाचे मतदार ९० हजारांपेक्षा अधिक आहेत. परंतु, आंबेडकरवादी विचारधारा असलेल्या व्यक्तीला काँग्रेस उमेदवारी देत नाही. फक्त जातीय राजकारण करून विशिष्ट जातीला पटोले जवळ करतात. अशा जातीयवादी नेत्यांना समाजाने त्यांची जागा दाखवून देण्याचे आवाहनही मेश्राम यांनी केले.