Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Jalgaon Ahmed Hussain Firing at the House: अपक्ष उमेदवार अहमद हुसेन शेख यांच्या घरावर पहाटे चार वाजता गोळीबार करण्यात आला. या गोळीबारात त्यांच्या घरातील खिडकीचे काच फुटलेले आहेत. तसेच जिवंत काडतुसे देखील त्या ठिकाणी पडलेले असल्याचे दिसत आहे.
हायलाइट्स:
- जळगावात पुन्हा अपक्ष उमेदवाराच्या घरावर गोळीबार
- अपक्ष उमेदवार अहमद हुसेन यांच्या घरावर गोळीबार
- निवडणुकीच्या तोंडावर राज्यात ‘गुंडाराज’
Today Top 10 Headlines in Marathi: बड्या नेताने शिवबंधन सोडलं, कमळ हाती, मुस्लिम उमेदवारीवरुन खासदाराला घेरलं, काय म्हणाल्या प्रणिती; सकाळच्या दहा हेडलाईन्स
या घटनेची माहिती पोलीस अधीक्षक महेश्वर रेड्डी यांना मिळताच ते घटनास्थळी दाखल झाले. गोळीबार करणाऱ्यांचा शोध कसून सुरु आहे. जळगाव जिल्ह्यात याआधीही मुक्ताईनगर बोदवडमधून निवडणूक लढणारे उमेदवार विनोद सोनवणे यांच्या वाहनावरही गोळीबाराची घटना घडली होती. या प्रकरणी गोळीबार करणाऱ्या तीन संशयित आरोपींना अटक करण्यात आली होती.
जळगाव जिल्ह्यामध्ये वारंवार अशा घटना होत असून यामुळे सामान्य नागरिक भयभीत झालेला आहे. गुन्हेगारी वृत्तीकडे जळगाव जिल्हा आता वळू लागला असल्याची चर्चा आता नागरिकांमध्ये होत आहे. हा गोळीबार नेमका कशासाठी करण्यात आला? गोळीबार करण्यामागचा हेतू काय होता? हे मात्र अद्यापही अस्पष्ट आहे.
दरम्यान, १५ दिवसांपूर्वी मुक्ताईनगर बोदवड मतदार संघाचे अपक्ष उमेदवार विनोद सोनवणे बोदवड तालुक्यातील राजुर गावात प्रचाराला आले असताना त्यांच्यावर दोन अज्ञातांकडून गोळीबार करण्यात आला होता. या घटनेनं एकच मोठी खळबळ जळगाव जिल्ह्यात उडाली होती.