Surya Gochar 2024 : खरमास कधीपासून? नवीन वर्षात सूर्य संक्रमणामुळे मिथुनसह ५ राशींना लाभ! आर्थिक संकट सुटणार

खरसमास हा वर्षातून दोन वेळा येतो. सूर्य ग्रह हा गुरु राशी धनु आणि मीन राशीत प्रवेश करतो तेव्हा त्या काळाला खरमास असे म्हटले जाते. पहिला खरसाम हा वर्षाच्या सुरुवातीला येतो तर दुसरा वर्षाच्या शेवटी. खसमासाचा कालावधी हा ३० दिवसांचा असतो. सूर्य एका राशीत ३० दिवस असतो. २०२४ मधला शेवटचा खरमास हा १६ डिसेंबरपासून सुरु होणार आहे. तर नवीन वर्ष २०२५ मध्ये १५ जानेवरी मकर संक्रांतीच्या दिवशी संपेल.

ज्योतिषशास्त्रात खरमास हा अशुभ काळ मानण्यात आला आहे. यामध्ये विवाह आणि इतर शुभ कार्य करणे वर्ज्य मानले जाते. देवउठणी एकादशीला चार महिन्यांचा चातुर्मास संपल्यानंतर लग्नसराईला सुरुवात होते. परंतु, १५ डिसेंबरला सूर्य धनु राशीत प्रवेश करेल त्यामुळे खरमास सुरु होईल. खरमासात सूर्य जेव्हा गुरुच्या राशीत प्रवेश करतो तेव्हा गुरुचा प्रभाव कमी होतो. गुरु हा ग्रह शुभ कार्यासाठी जबाबदार मानला जातो. शुक्र आणि गुरुचा उदय विवाह कार्यासाठी आवश्यक मानला जातो. अशा स्थितीत दोन ग्रहांपैकी एक ग्रहाचा अस्त झाला तर त्या काळात शुभ कार्ये वर्ज्य असतात.

सूर्य संक्रमणामुळे मेष राशीच्या लोकांना चांगला लाभ होईल. या राशीच्या लोकांचे काही प्रलंबित काम पूर्ण होण्याची शक्यता आहे. येणारे नवीन वर्ष तुमच्यासाठी लकी ठरेल. तुम्ही मालमत्ता खरेदी करु शकता. जुन्या गुंतवणुकीतून चांगला परतावा मिळेल. सरकारकडून तुमचा सत्कार होईल. नोकरी करणाऱ्यांच्या करिअरमध्ये यश मिळेल. कुटुंबातील सदस्यांची तुम्हाला साथ मिळेल. कौटुंबिक जबाबदाऱ्या पूर्ण केल्याने मन प्रसन्न राहिल.

सूर्याच्या संक्रमणामुळे मिथुन राशीच्या लोकांच्या अनेक इच्छा पूर्ण होतील. तुमचा आत्मविश्वास वाढेल. शेअर बाजारात गुंतवणूक केली असेल तर तुम्हाला चांगला परतावा मिळेल. नवीन वर्षात तुम्हाला यश मिळणार आहे. जोडीदारासोबत तुमचे नाते अधिक प्रामाणिक आणि मजबूत असेल. प्रत्येक कामात एकमेकांना साथ द्याल. नोकरीच्या शोधात असणाऱ्यांना चांगली बातमी मिळेल. परदेश दौऱ्यावर जाण्याची संधी मिळेल. कोणाकडून कर्ज घेण्याचा विचार करत असाल तर सहज मिळेल.

सूर्य संक्रमणामुळे सिंह राशीच्या लोकांना यश आणि प्रगतीच्या संधी मिळतील. या काळात तुमच्या उत्पन्नाचे स्त्रोत वाढेल. कुटुंबाच्या सर्व गरजा सहज पूर्ण कराल. कौटुंबिक व्यवसाय करणाऱ्यांना या काळात चांगला नफा मिळेल. भविष्याकडे तुम्हाला लक्ष द्यावे लागणार आहे. नफा मिळविण्यासाठी नवीन कल्पनांचा विचार कराल. नोकरी करणाऱ्यांसाटी करिअरच्या प्रगतीसाठी चांगल्या शुभ संधी मिळतील. ज्यामुळे उत्पन्न वाढेल. कर्ज फेडण्यात तुम्ही सक्षम व्हाल. तुमची आर्थिक स्थिती मजबूत होईल.

सूर्य संक्रमणामुळे वृश्चिक राशीवर शुभ प्रभाव पडणार आहे. या काळात तुम्ही अधिक पैसे कमाल. आर्थिकदृष्ट्या अधिक मजबूत बनाल. पैशांमुळे रखडलेले काम या काळात पूर्ण होईल. कौटुंबिक आणि वैवाहिक जीवनातील समस्या आज संपतील. तुम्ही आनंदी असाल. नोकरीच्या शोधात असणाऱ्यांना चांगल्या संधी मिळतील.

सूर्य संक्रमणामुळे धनु राशीच्या लोकांना वारसा आणि इतर अनपेक्षित स्त्रोतांकडून पैसे मिळतील. या काळात तुम्ही यशस्वी व्हाल. तुमच्या मेहनतीचे फळ तुम्हाला मिळेल. सरकारी नोकरीची तयारी करणाऱ्या विद्यार्थ्यांना या काळात शुभ परिणाम मिळतील. आरोग्याच्या तक्रारी कमी होतील. कामधंदा करणाऱ्यांना नशिबाची साथ मिळेल.