Vastu Tips : चांदीचा मोर ठेवा या ठिकाणी ! घरात नांदेल सुख-समृद्धी, व्यवसायात उत्तम प्रगती !

वास्तुशास्त्रानुसार, चांदीचा मोर पूजा घरात ठेवल्याने घरात सकारात्मकता कायम राहून भगवान विष्णू आणि देवी लक्ष्मीची कृपा सदैव तुमच्यावर राहते. देवघरात चांदीचा मोर ठेवल्याने घरात सुख-समृद्धी राहून मानसिक शांती समाधान मिळते.

जर तुमच्या घरात पैशांची समस्या वारंवार येत असेल किंवा पैसे येतील असे वाटते पण येत नाहीत. तर घरात एक छोटासा चांदीचा मोर ठेवणे गरजेचे आहे. चांदीच्या मोराला तिजोरी किंवा जिथे पैसे ठेवता त्या कपाटात चांदीचा मोर ठेवावा. यामुळे धनलाभ तर होतोच तसेच थांबलेले पैसेही मिळतात.

कधी कधी असे होते की आपण खूप मेहनत करतो, पण आपल्याला जे अपेक्षीत आहे तसे यश मिळत नाही. कारण नशिबाची साथ नसते. वास्तुशास्त्रानुसार, नशिब बळकट करण्यासाठी कोणत्याही पूर्णिमेच्या दिवशी चांदीचा मोर आणून त्याला तिजोरीत ठेवावा.

जर तुमच्या व्यवसायात अडचणी येत असतील किंवा सतत नुकसान होत असेल, तर सकारात्मक ऊर्जेची गरज आहे असे समजा. म्हणून चांदीचा मोर ऑफिस डेस्क किंवा स्टडी टेबलवर ठेवा. ज्या ठिकाणी तुम्ही व्यवसायाशी संबंधित फाइल्स ठेवता, तिथेही चांदीचा मोर ठेवू शकता.

पती-पत्नीमध्ये लहानमोठे वाद होतच असतात. पण या वादामुळे घरात नकारात्मक ऊर्जा वाढते. समजा वाद विकोपाला गेला तर नकारात्मक ऊर्जा अधिक वाढून घरामधील शांतता भंग होवू शकते. समजा तुम्ही चांदीचा मोर घरात ठेवला तर घरातील सकारात्मक ऊर्जा कायम राहते तसेच पती-पत्नीमधील प्रेम अधिक वृद्धींगत राहते.