Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Bhor Vidhan Sabha Result : अजित पवारांचा एक निर्णय अन् भोरमध्ये थोपटेंच्या गडाला सुरूंग, ४५ वर्षांनी नेतृत्त्व बदललं
Pune Bhor Vidhan Sabha Nivdnuk Result : भोर वेल्हा मुळशी मतदारसंघात ४५ वर्षांच्या थोपटे घराण्याच्या वर्चस्वाला शंकर मांडेकर यांनी पूर्णविराम दिला आहे. २० हजार मतांनी विजय मिळवत मांडेकर यांनी थोपटेंना विजयाचा चौकार मारण्यापासून रोखलं आहे. अजितदादांच्या समर्थनामुळे मांडेकर यांना हा विजय मिळाला अशी चर्चा आहे. स्थानिक मतदारांनी थोपटे यांच्या कामावर नाराजी व्यक्त केली होती.
थोपटे घराण्याची गेल्या 45 वर्षांपासून या भागामध्ये वर्चस्व होते. संग्राम थोपटे यांचे वडील अनंतराव थोपटे यांचा राजकीय वारसा जपत संग्राम थोपटे यांनी सलग तीम टर्म या भागाचे नेतृत्व केले. यंदाच्या निवडणुकीमध्ये त्यांना विजयाचा चौकार मारण्याची संधी होती. मात्र, भोर, वेल्हा,मुळशी तालुक्यातील जनतेने बदल करत शंकर मांडेकर यांच्या गळ्यामध्ये आमदारकीची माळ घातली. त्यामुळे संग्राम थोपटे यांच्या वर्चस्वाला धक्का बसला आहे.
लोकसभा निवडणुकीमध्ये संग्राम थोपटे यांनी सुप्रिया सुळे यांना निवडून आणण्यासाठी या मतदारसंघांमध्ये काम देखील केले होते. मात्र स्थानिक मतदार राजाने गेल्या दहा वर्षांमध्ये आमदार कडून कोणतेही काम झाले नसल्याचे प्रतिक्रिया दिल्या. तसेच संग्राम थोपटे यांच्या विरोधात लढण्यासाठी महायुतीकडे कोणताही तुल्यबळ उमेदवार नव्हता. अशी चर्चा असतानाच अजित दादांनी उद्धव ठाकरे गटाचे शिवसेनेचे जिल्हाध्यक्ष शंकर मांडेकर यांना मैदानात उतरून त्यांना ताकद दिली. त्यामुळे संग्राम थोपटे यांचा पराभव झाला असल्याची चर्चा आता या मतदारसंघात होऊ लागले आहे.
भोरमधील मतदार राजाने मला विधानसभेत जाण्याची संधी दिली आहे. त्यांचे प्रश्न मार्गी लावण्यासाठी मी पाठपुरावा करणार आहे. यात भोरच्या औद्योगिक वसाहतीचा, साखर कारखान्याचा आणि शेतकऱ्यांच्या हमी भावाचा यात समावेश आहे. माझ्या विजयाच्या खऱ्या गेमचेंजर लाडक्या बहिणी ठरल्याचं शंकर मांडेकर म्हणाले.
कसा झाला विजय…!
24 व्या फेरी अखेर शंकर मांडेकर यांनी 1,26,252 मतांनी ऐतिहासिक विजय मिळवला आहे. काँग्रेसच्या संग्राम थोपटे यांना 1,06, 347 मते मिळाली. भोर विधानसभा मतदार संघात शंकर मांडेकर यांनी १९,९०५ अधिक २०३ पोस्टलचे मतदान असे एकुण २०,१०८ मतांनी विधानसभेच मैदान मारले आहे.
लेखकाबद्दलहरिश मालुसरे महाराष्ट्र टाइम्स ऑनलाईन टीममध्ये सिनिअर डिजिटल कंटेंट प्रोड्युसर म्हणून कार्यरत. क्रीडा, राजकीय आणि क्राईम बातम्यांमध्ये विशेष आवड. झी 24 तास आणि टीव्ही9 मराठीसह पत्रकारिता क्षेत्रात 04 वर्षांचा अनुभव…. आणखी वाचा