Eknath Shinde: मुख्यमंत्री एकनाथ शिंदे दरे गावी; फडणवीस आणि अजित पवारांकडून फोनवरुन विचारपूस

विधानसभा निवडणुकीचा निकाल लागून ते आठ ते दहा दिवस झाले, तरी सरकार स्थापन होत नाही. यात महायुतीला बहुमत असतानाही सत्ता स्थापनेसाठी अनपेक्षित अशा चर्चा होत नसल्याने सरकार स्थापनेसाठी वेळ लागत आहे. मात्र, आजच्या माहितीनुसार पाच डिसेंबर रोजी शपथविधी ग्रहण करण्याचा कार्यक्रम होणार आहे. मुख्यमंत्री एकनाथ शिंदे हे आज दुपारी दोन वाजता मुंबईला हेलिकॉप्टरने रवाना होणार असल्याचे समजते. त्यांची तब्येतीत सुधारणा झाली नसली तरी ते आज येथील ग्रामदैवताचं दर्शन घेऊन पुढे रवाना होणार असल्याचे माहिती मिळत आहे. तत्पूर्वी ते येथील प्रसारमाध्यमांशी बोलणार आहेत.
Ravindra Chavan: नगरसेवक ते मंत्रिपद; फडणवीसांचे निकटवर्तीय, सीएमपदासाठी चर्चेत असलेले रवींद्र चव्हाण कोण?
मुख्यमंत्री एकनाथ शिंदे आपल्या दरे गावी आल्यानंतर त्यांना अनेक नेत्यांचे फोन होत आहेत. काल शनिवारी एकनाथ शिंदे यांना भेटण्यासाठी आमदार कपिल पाटील आणि आमदार दीपक केसरकर आले होते. मात्र, त्यांना मनाई करण्यात आल्यानंतर ते महाबळेश्वर येथूनच मुंबईकडे रवाना झाले.

आज मुख्यमंत्री एकनाथ शिंदे हे मुंबईला जाणारा असल्याचा शासकीय दौरा जाहीर झाला आहे. त्यानुसार ते दुपारी दोनच्यादरम्यान घरी येथून हेलिकॉप्टरने मुंबईकडे रवाना होणार आहेत. शिंदे हे ठाणे येथे पोहोचल्यानंतर ते पक्षाच्या नेत्यांची भेट घेऊन चर्चा करणार असल्याचे समजते. आज सकाळी शिवसेनेचे आमदार महेश शिंदे दरे गावी दाखल झाले होते. त्यांनाही गेली दोन ते अडीच तास वेटिंगवरच थांबावे लागले आहे. त्यांची एकनाथ शिंदे यांच्याशी चर्चा झाली नसती असल्याचे समजते. मुंबईला जाण्यापूर्वी ते ग्रामदैवताचे दर्शन घेऊन मुंबईला रवाना होतील. गेले तीन दिवस त्यांच्या सुरक्षेसाठी मोठ्या प्रमाणात पोलीस फौजफाटा तैनात केला आहे.