राष्ट्रवादी शरद पवारांच्या पक्षाला गळती? दोन नेते अजित दादांना भेटले; दोघेही राष्ट्रवादीत जाणार?

दोघेही राष्ट्रवादीत जाणार?

श्रीगोंदा मतदारसंघातून बंडखोरी करत अपक्ष निवडणूक लढविल्याने निलंबित झालेल्या राहुल जगताप यांनीही पवार यांची भेट घेतली. जगताप हे निवडणूक लढविण्यासाठी आग्रही होते परंतु, मतदारसंघ शिवसेना उबाठा या पक्षाला सोडल्याने त्यांनी अपक्ष म्हणून निवडणूक लढविण्याचे ठरवले. त्यामुळे ऐन निवडणुकीदरम्यानच त्यांना पक्षातून निलंबित करण्यात आले होते. जगताप व नाईक हे दोघेही राष्ट्रवादीत प्रवेश करणार असल्याची जोरदार चर्चा आहे.

दरम्यान, महाराष्ट्रात महायुतीच्या सरकारचे नेतृत्व कोण करणार, याबाबतची उत्कंठा भाजपच्या केंद्रीय नेतृत्वाने वाढवली असतानाच उपमुख्यमंत्री आणि राष्ट्रवादी काँग्रेसचे अध्यक्ष अजित पवार सोमवारी रात्री तातडीने दिल्लीत दाखल झाले. त्यांचे पुत्र पार्थ हेही त्यांच्यासोबत होते. सुनील तटकरे आणि प्रफुल्ल पटेल यांच्यासह पवार पितापुत्र सोमवारी मध्यरात्री केंद्रीय गृहमंत्री अमित शहा यांची पुन्हा भेट घेणार असल्याची माहिती आहे. शहा यांच्याकडून यावेळेस फक्त पवार यांना बोलावणे आल्यामुळे दोघांमधील प्रस्तावित बंदद्वार चर्चेबाबत विलक्षण उत्सुकता आहे. एकनाथ शिंदे यांच्या नाराजीकडे काणाडोळा करून भाजप महाराष्ट्रात सरकार स्थापन करणार का, अशी चर्चादेखील दिल्लीच्या राजकीय वर्तुळात रंगली आहे. पवार यांच्या दिल्लीतील आगमनाबाबत त्यांच्या पक्षातील अधिकृतपणे कोणीही काहीही बोललेले नाही.