भरधाव ट्रकने ट्रॅक्टर – दुचाकीला उडवलं आणि धूम ठोकली, नागरिकांनी १५ किमीवर फिल्मी स्टाईलने पकडलं

नेमकं काय घडलं?

या प्रकरणी स्थानिकांनी दिलेल्या माहितीनुसार, छत्रपती संभाजीनगर जिल्ह्यातील फुलंब्री तालुक्यात वडोद बाजार या ठिकाणाहून ट्रॅक्टर आणि दुचाकीस्वार रस्त्याने जात होते. यावेळी सिल्लोड येथून भरधाव वेगात आलेल्या एम एच १६ एव्ही ५५ ६८ या क्रमांकाचा ट्रक पाठीमागून आला. ट्रक चालकाने ट्रॅक्टर आणि दुचाकीला जोरदार धडक दिली. या अपघातामध्ये दुचाकीस्वार आणि ट्रॅक्टर चालक गंभीर जखमी झाले. या अपघाती धडकेनंतर परिसरात मोठा आवाज झाला.
वेटरची नोकरी ते १४ वर्ष फरसाणचं दुकान सांभाळलं; आज अभिनेता १०० कोटींचा मालक
घटना घडल्यानंतर ट्रक चालकाने घटनास्थळी न थांबता घटनास्थळावरून धूम ठोकली. यावेळी संतापलेल्या नागरिक आणि जखमींनीही ट्रकचा पाठलाग केला. नागरिक पाठलाग करत असल्याचं बघून ट्रक चालकाने ट्रकचा वेग वाढवला. ट्रक चालक काही केल्या थांबत नसल्यामुळे नागरिकांनी ट्रकला लटकून १५ किलोमीटर जात ट्रक थांबवण्याचा प्रयत्न केला. त्यानंतर अथक प्रयत्नानंतर ट्रक चालकाने एका मोकळ्या मैदानावर ट्रक घुसवला. त्या ठिकाणी नागरिकांनी ट्रक चालकाला थांबवून बेदम चोप दिला.
Maharashtra CM : महाराष्ट्रात एकनाथ शिंदेच ‘Boss’! दिल्ली हाय कमांड पुन्हा एकदा वापरणार धक्का तंत्र?

स्थानिकांनी दिलेल्या माहितीनुसार, ट्रक चालकाने मद्यप्राशन केलं होतं. नागरिकांनी चोप देऊन ट्रक चालकाला वडोद बाजार पोलिसांच्या ताब्यात दिलं. या थरारक घटनेचा व्हिडिओ मोबाईल कॅमेऱ्यामध्ये कैद झाला आहे. याप्रकरणी पुढील कारवाई वडोद बाजार पोलीस करत आहेत.