हर हर महादेव! पहिलाच दिवस गाजवणार 'छावा' सिनेमा; Advance Booking मध्ये कोट्यवधींचा गल्ला

By tejpolicetimes On Feb 13, 2025

Chhaava Advance Booking Collection Day 1: विकी कौशल आणि रश्मिका मंदाना यांची मुख्य भूमिका असणारा ‘छावा’ सिनेमा अवघ्या काही तासातच प्रदर्शित होईल. १४ फेब्रुवारी रोजी रीलिज होणाऱ्या या सिनेमाच्या पहिल्या दिवसासाठी आगाऊ बुकिंगमध्ये तगडी कमाई झाली आहे.

हायलाइट्स:
‘छावा’ सिनेमाची जबरदस्त कमाई 
आगाऊ बुकिंगमध्ये कमावले कोट्यवधी 
ओपनिंग डे ला मोडणार रेकॉर्ड 

महाराष्ट्र टाइम्स.कॉम

मुंबई: विकी कौशल आणि रश्मिका मंदाना यांची मुख्य भूमिका असणारा ‘छावा’ सिनेमा १४ फेब्रुवारी रोजी रीलिज होणार आहे. छत्रपती संभाजी महाराज यांच्या शौर्यगाथेवर आधारित या सिनेमाचे दिग्दर्शन लक्ष्मण उतेकर यांचे असून मॅडॉक फिल्मने निर्मिती केली आहे. ‘छावा’ सिनेमाच्या रीलिजची वेळ जसजशी जवळ येते आहे, तसे सर्वांचे लक्ष बॉक्स ऑफिस कलेक्शनकडे लागून राहिले आहे. रीलिजनंतर पहिल्या दिवशी सर्वाधिक कमाई करणाऱ्या २०२५ मधील सिनेमांच्या यादीत पहिले स्थान पटकावण्यासाठी हा सिनेमा सज्ज आहे. ‘छावा’ सिनेमाच्या आगाऊ बुकिंगचे आकडे कमाल आहेत. बॉक्स ऑफिसवर अलीकडेच रीलिज झालेले ‘बॅडअॅस रवीकुमार’, ‘लव्हयापा’, ‘देवा’ आणि ‘स्काय फोर्स’ हे चित्रपट भुईसपाट झालेत, त्यामुळे बॉलिवूडला ‘छावा’कडून अपेक्षा आहेत. कारण सध्या बॉक्स ऑफिसवर रीरीलिज झालेला ‘सनम तेरी कसम’ वगळता कोणताही बॉलिवूड चित्रपट चांगली कमाई करत नाहीये. अशातच ‘छावा’ची आगाऊ कमाई सुखावणारी आहे. Sacnilk च्या रिपोर्टनुसार पहिल्या दिवसासाठी गुरुवारी सकाळपर्यंत आगाऊ बुकिंगमधून ९.२३ कोटी रुपयांची कमाई या चित्रपटाने केली.

रीलिजआधी होणाऱ्या बुकिंगसाठी ‘छावा’ सिनेमाकडे अजून गुरुवारचा पूर्ण दिवस शिल्लक आहे. त्यामुळे अशी अपेक्षा केली जातेय की, या बुकिंमधून ‘छावा’ ११ ते १२ कोटींची कमाई करेल. परिणामी ७ फेब्रुवारी रोजी रीलिज झालेल्या ‘सनम तेरी कसम’ला तगडी टक्कर पाहायला मिळेल.

‘छावा’चे आगाऊ बुकिंग

गुरुवारी सकाळपर्यंत ‘छावा’च्या ११४७८ शोसाठी ३ लाख २५ हजार ६७८ तिकिटांचे अॅडव्हान्स बुकिंग झाले आहे. यामध्ये २डी, IMAX आणि ४डीएक्स शो समाविष्ट आहेत. यातून झालेली ग्रॉस कमाई ९.२३ कोटी रुपये आहे.

‘एक हात दुसऱ्या हातापेक्षा मोठा…’ विकीच्या ट्रेनरने सांगितला धक्कादायक किस्सा; ‘छावा’च्या सेटवर झालेली दुखापत

‘छावा’ मोडणार ६ वर्षांपूर्वीचा रेकॉर्ड

‘छावा’ सिनेमाचे बजेट १३० कोटी रुपये आहे. एवढ्या मोठ्या बजेटमध्ये तयार झालेला हा सिनेमा व्हॅलेंटाइन डेला ६ वर्षांपूर्वी रीलिज झालेल्या ‘गल्ली बॉय’चा रेकॉर्ड मोडण्यासाठी सज्ज झाला आहे. आतापर्यंत बॉलिवूडच्या इतिहासात व्हॅलेंटाइन डेला सर्वाधिक कमाई ‘गल्लीबॉय’ने २०१९ साली केली होती, या सिनेमाची पहिल्या दिवसाची कमाई १९.४० कोटी रुपये होती. ‘गल्ली बॉय’चे अॅडव्हान्स बुकिंगही ९ कोटी रुपये होते. ‘छावा’ने तर हा टप्पा आधीच पार केला आहे, त्यामुळे ओपनिंग डेची कमाई ‘गल्ली बॉय’चा रेकॉर्ड ब्रेक करणारी ठरू शकते. असा अंदाज वर्तवला जातो आहे की, पहिल्या दिवशी ‘छावा’ची २०-२२ कोटी रुपये कमाई होऊ शकते.

लेखकाबद्दलजान्हवी भाटकरजान्हवी भाटकर, महाराष्ट्र टाइम्स ऑनलाइनमध्ये डिजिटल कंटेंट प्रोड्युसर म्हणून कार्यरत. डिजिटल आणि टेलिव्हिजन मीडियामध्ये ५ वर्षांचा अनुभव. ‘न्यूज १८ लोकमत’मधून डिजिटल मीडियामध्ये काम करण्यास सुरुवात. ऑनलाइन माध्यमांमध्ये ३ वर्ष कार्यरत. मनोरंजन, लाइफस्टाइल आणि अर्थ विषयात आवड.… आणखी वाचा

Source link