Tej Police Times
Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage

आया रे तूफान! बॉक्स ऑफिसवर 'छावा'ची गर्जना; सहज पार केला १६० कोटींचा टप्पा

17

Chhaava Box Office Collection On Day 5: ‘छावा’ चित्रपट रीलिज होऊन अवघे ५ दिवस झाले आहेत आणि या चित्रपटाने १६० कोटींचा टप्पा सहज पार केला आहे.

हायलाइट्स:

  • ‘छावा’चा बॉक्स ऑफिसवर धुमाकूळ
  • पाच दिवसात १६० कोटींहून जास्त कमाई
  • पाचव्या दिवशी कोट्यवधींचा गल्ला
महाराष्ट्र टाइम्स.कॉम

मुंबई: अभिनेता विकी कौशल आणि अभिनेत्री रश्मिका मंदाना यांचा ‘छावा’ हा चित्रपट २०२५ या वर्षातील सर्वात मोठी ओपनिंग असणारा सिनेमा ठरला आहे. छत्रपती संभाजी महाराज यांच्या शौर्यगाथेवर आधारित या चित्रपटाने बॉक्स ऑफिसवर धुमाकूळ घातला असून अवघ्या ५ दिवसात १६० कोटींहून अधिक कमाई केली आहे. त्यामुळे चालू आठवड्यातील वीकेंडपर्यंत ‘छावा’ने ३०० कोटींचा टप्पा गाठल्यास नवल वाटणार नाही, कारण वीकेंड किंवा सुट्टीचा दिवस नसूनही प्रेक्षक चित्रपटगृहांमध्ये गर्दी करतायंत. केवळ देशभरातच नव्हे तर परदेशातही ‘छावा’ला प्रतिसाद मिळाला. सिनेमाच्या टीमकडून सातत्याने या प्रेक्षकांचे आभार मानण्याच्या पोस्ट शेअर केल्या जात आहेत.

किती झाली आहे कमाई?

रीलिजच्या पहिल्या दिवशी, १४ फेब्रुवारी रोजी ‘छावा’ या सिनेमाने भारतात ३३.१ कोटी रुपयांची कमाई केली. तर १५ फेब्रुवारी रोजी पहिल्या शनिवारी ही कमाई ३९.४० कोटी रुपयांवर पोहोचली होती. त्यानंतर या चित्रपटाने पहिल्या रविवारी (१६ फेब्रुवारी) ४९.०३ कोटी रुपयांची जबरदस्त कमाई केली. हा सिनेमा सोमवारच्या परीक्षेतही उत्तीर्ण झाला आणि चौथ्या दिवशी २४.१० कोटी रुपये कमावण्यात चित्रपटाला यश मिळाले. Sacnilk ने दिलेल्या वृत्तानुसार पाचव्या दिवसाच्या कमाईची सुरुवातीची आकडेवारी १९.८६ कोटी आहे. त्यामुळे एकूण ५ दिवसांची कमाई १६५ कोटींहून अधिक झाली आहे.

रीलिजनंतरच्या पाचव्या दिवसात थिएटरमध्ये प्रदर्शित होणारे असंख्य शो अद्याप शिल्लक आहेत, त्यामुळे या कमाईत आणखी वाढ होण्याची शक्यता आहे. पाच दिवसातच या चित्रपटाने १६० कोटींचा टप्पा ओलांडल्याने २०० किंवा ३०० कोटींचा गल्ला या चित्रपटाने कमावल्याचे लवकरच पाहायला मिळेल.

Chhaava: घोडेस्वारी, तलवारबाजी अन् ॲक्शन सीनसाठी प्रचंड मेहनत; विकी म्हणाला- ‘दररोज नवी जखम…’
दरम्यान लक्ष्मण उतेकर दिग्दर्शित आणि मॅडॉक फिल्म्स निर्मित या चित्रपटात विकीसह रश्मिका मंदान्ना, अक्षय खन्ना, आशुतोष राणा, दिव्या दत्ता, संतोष जुवेकर, डायना पेंटी, विनीत कुमार सिंग या कलाकारांच्या महत्त्वाच्या भूमिका आहेत. याशिवाय मराठी कलाकारांची एक मोठी फौज यामध्ये आहे. शुभंकर एकबोटे, आशिष पाथोडे, सुव्रत जोशी, सारंग साठ्ये, नीलकांती पाटेकर हे मराठी कलाकार या चित्रपटात आहेत. सोशल मीडियावर सध्या या सर्वच कलाकारांचे भरभरुन कौतुक केले जाते आहे.

जान्हवी भाटकर

लेखकाबद्दलजान्हवी भाटकरजान्हवी भाटकर, महाराष्ट्र टाइम्स ऑनलाइनमध्ये डिजिटल कंटेंट प्रोड्युसर म्हणून कार्यरत. डिजिटल आणि टेलिव्हिजन मीडियामध्ये ५ वर्षांचा अनुभव. ‘न्यूज १८ लोकमत’मधून डिजिटल मीडियामध्ये काम करण्यास सुरुवात. ऑनलाइन माध्यमांमध्ये ३ वर्ष कार्यरत. मनोरंजन, लाइफस्टाइल आणि अर्थ विषयात आवड.आणखी वाचा

Source link

Leave A Reply

Your email address will not be published.