प्रेक्षकांना थिएटरमध्ये खेचण्यास 'छावा'ला यश, ५ दिवसांतच बजेट वसूल, या दोन शहरांत सर्वाधिक कमाई

गुजरातमध्ये छावा सिनेमादरम्यान थिएटरमध्ये राडा, तो सीन सुरू होताच प्रेक्षकाने फाडला पडदा
पहिल्या मंगळवारी सोमवारपेक्षा जास्त कमाई झाली

छत्रपती शिवाजी महाराजांचे पुत्र छत्रपती संभाजी महाराज यांचे चरित्र, शौर्य आणि बलिदान दाखवणारा हा चित्रपट प्रत्येकाच्या हृदयाला स्पर्श करणारा आहे. या चित्रपटात विकी कौशलने संभाजी महाराजांची भूमिका साकारली आहे. विकीने या चित्रपटात आपला जीव ओतला आहे आणि म्हणूनच या सिनेमाला त्याच्या कारकिर्दीतील सर्वोत्तम चित्रपटांपैकी एक म्हटले जात आहे. या चित्रपटाने सोमवारपेक्षा पहिल्या मंगळवारी जास्त कमाई केली.

एकूण कमाई १६५.०० कोटी रुपये

अंदाजे १३० कोटींच्या बजेटमध्ये बनवलेल्या या चित्रपटाने जगभरात एकूण १६५.०० कोटींची कमाई केली आहे. सॅकनिल्कच्या अहवालानुसार, चित्रपटाने पाचव्या दिवशी म्हणजे पहिल्या मंगळवारी २४.५० कोटी रुपये कमावले आहेत. तर सोमवारी २४ कोटी रुपये जमा झाले होते.

‘कही खुशी, कही गम’! आई-वडिलांवर अश्लील टिप्पणी करणाऱ्या रणवीरला कोर्टाने फटकारलं, अटकेवर न्यायमूर्ती म्हणाले…
‘छावा’ची जगभरातील कमाई २०० कोटींपेक्षा जास्त

जगभरातील कलेक्शनच्या बाबतीत, चित्रपटाने सुमारे २३० कोटी रुपये कमावले आहेत. चौथ्या दिवशी हा आकडा सुमारे १९५.६० कोटी रुपये होता. थिएटरमधील प्रेक्षकांची संख्या रात्रीच्या शोमध्ये सर्वाधिक होती.

‘छावा’ मुंबई आणि पुण्यात सर्वाधिक कमाई करत आहे.

सकाळ, दुपार आणि संध्याकाळच्या तुलनेत, रात्रीच्या शोला सुमारे ५१.७०% गर्दी होती. हा चित्रपट मुंबई आणि पुण्यात सर्वाधिक कमाई करत आहे. पाचव्या दिवशी, मुंबईत चित्रपटाला ५४.००% गर्दी होती तर पुण्यात ६९.००% होती, ही इतर शहरांच्या तुलनेत सर्वाधिक आहे.

रश्मिका मंदान्ना, अक्षय खन्ना, आशुतोष राणा सारखे कलाकार

विकी कौशल व्यतिरिक्त, या चित्रपटात रश्मिका मंदान्ना, अक्षय खन्ना, आशुतोष राणा, विनीत कुमार सिंग, दिव्या दत्ता, डायना पेंटी, नील भूपालम आणि प्रदीप रावत यांच्याही महत्त्वाच्या भूमिका आहेत. तर मराठीमधले संतोष जुवेकर, शुभंकर एकबोटे, सारंग साठ्ये, सुव्रत जोशी यांसारखे बरेच कलाकार आहेत.