जवान, पठाण, स्त्री २ ही छावा पुढे पडले फिके, बॉक्स ऑफिसवर प्रेक्षकांची शंभूराजांनाच पसंती

‘छावा’ ने २० व्या दिवशी किती कमाई केली?

विकी कौशलचा ऐतिहासिक सिनेमा ‘छावा’ हा चित्रपट छत्रपती शिवाजी महाराजांचे पुत्र छत्रपती संभाजी महाराज यांच्या शौर्य कथेवर आणि मुघल आक्रमणापासून आपल्या मराठा साम्राज्याला वाचवण्यासाठी त्यांनी दाखवलेल्या निर्भय धाडसाच्या कथेवर आधारित आहे. दिग्दर्शक लक्ष्मण उतेकर यांनी या सिनेमामार्फत मराठा साम्राज्याच्या निष्ठेचे उत्तम चित्रण केले आहे ज्यामुळे लोकांची मने जिंकली आहेत. आतापर्यंत वर्षातील सर्वाधिक कमाई करणारा चित्रपट बनलेला ‘छावा’ भरपूर कमाई करत असताना, त्याने सुलतान, बाहुबली: द बिगिनिंग, सालार पार्ट १ यांसारख्या सर्वाधिक कमाई करणाऱ्या चित्रपटांचे रेकॉर्डही मोडले आहेत.

Tharala Tar Mag Todays Episode: अथर्व विचारे शरण! अर्जुनने कोर्टात डॅशिंग एण्ट्री घेत फिरवली केस, खुशीत पेढे वाटणाऱ्या महिपत साक्षीच्या पोटात गोळा
दोन आठवडे मोठी कमाई केल्यानंतर, तिसऱ्या आठवड्यात त्याच्या कलेक्शनमध्ये घट दिसून येत आहे परंतु तरीही तो चांगला कमाई करत आहे. ‘छावा’ ५०० कोटींची कमाई करण्याच्या अगदी जवळ पोहोचला आहे. या सगळ्यामध्ये, जर आपण चित्रपटाच्या आतापर्यंतच्या कमाईबद्दल बोललो तर, सॅकोनिल्कच्या मते ‘छावा’ने रिलीजच्या पहिल्या आठवड्यात २१९.२५ कोटी रुपये कमावले होते.

दुसऱ्या आठवड्यात चित्रपटाची कमाई १८०.२५ कोटी रुपये होती.

यानंतर, चित्रपटाने १५ व्या दिवशी १३ कोटी आणि १६ व्या दिवशी २२ कोटी रुपये कमावले. ‘छावा’ चित्रपटाचे १७ व्या दिवशी २४.२५ कोटी रुपये कलेक्शन झाले. १८ व्या दिवशी चित्रपटाने ७.७५ कोटी रुपये कमावले आणि १९ व्या दिवशी ‘छावा’चे कलेक्शन ५.४ कोटी रुपये होते.

Nana Patekar: वडिलांचा मृतदेह समोर, तरी नाटकांचे शो करण्याची नामुष्की, जवळच्या व्यक्तीनेच केलेला विश्वासघात
आता चित्रपटाच्या प्रदर्शनाच्या २० व्या दिवशीच्या कमाईचे सुरुवातीचे आकडे समोर आले आहेत. सॅकॅनिल्कच्या सुरुवातीच्या ट्रेंड रिपोर्टनुसार, ‘छावा’ने रिलीजच्या २० व्या दिवशी ५.७५ कोटींचा गल्ला जमवला आहे. यासह, ‘छावा’ची २० दिवसांत एकूण कमाई ४७७.६५ कोटी रुपये झाली आहे.

‘छावा’ २० व्या दिवशी सर्वाधिक कमाई करणारा पाचवा चित्रपट ठरला

‘छावा’ची कमाई तिसऱ्या आठवड्यात घसरत आहे, पण तरीही तो दररोज अनेक मोठ्या चित्रपटांचे रेकॉर्ड मोडत आहे. रिलीजच्या २० व्या दिवशी, ‘छावा’ ने ५.७५ कोटींची कमाई करून स्त्री २, अ‍ॅनिमल आणि जवान पठाण यासह अनेक चित्रपटांचे रेकॉर्ड मोडले आहेत.

स्त्री २ ने २० व्या दिवशी ५.५ कोटी रुपये कमावले होते. अ‍ॅनिमलचा २० व्या दिवसाचा कलेक्शन ४.७ कोटी रुपये होता. २० व्या दिवशी ‘जवान’ने ४.४ कोटी रुपयांचा व्यवसाय केला होता. पठाणने २० व्या दिवशी ४.१ कोटी रुपये कमावले तर पद्मावतची कमाई ३.७५ कोटी रुपये होती.