सई ताम्हणकरच्या बॉलिवूड सिनेमाची पहिल्या दिवशी किती झाली कमाई? इमरान हाश्मीसह झळकली मुख्य भूमिकेत

‘ग्राउंड झीरो’ चित्रपटाची एकूण हिंदी ऑक्युपन्सी फक्त 4.71% नोंदवली गेली, जी अपेक्षेपेक्षा कमी आहे. सॅकनिल्क वेबसाइटने दिलेल्या वृत्तासार, पहिल्या दिवशी चित्रपटाचे कलेक्शन निराशाजनक राहिले. सिनेमाची बहुतांश कमाई मुंबई, एनसीआर आणि पुण्यासारख्या प्रमुख शहरांमधून झाली आहे. देशभरातील इतर ठिकाणी सिनेमासाठी कमी प्रतिसाद पाहायला मिळाला. असे असले तरीही Sacnilk वर देण्यात आलेले पहिल्या दिवसाचे बॉक्स ऑफिस कलेक्शन सुरुवातीच्या सत्रातील आहे. शुक्रवारी रात्रीपर्यंत यामध्ये आणखी बदल पाहायला मिळू शकेल.

दरम्यान या चित्रपटाची कमाई जरी आतापर्यंत अपेक्षेप्रमाणे झाली नसली तरी, एक्स या प्लॅटफॉर्मवर अनेक युजर्सनी ‘ग्राउंड झिरो’चे कौतुक करणारे ट्वीट केले आहे.

निर्मात्याला मटण खाऊ घातले अन् भांडीही घासायला सांगितली! परेश रावल यांनी सांगितला नाना पाटेकरांचा धमाल किस्सा
‘ग्राउंड झिरो’ हा चित्रपट बीएसएफ अधिकारी नरेंद्र नाथ धर दुबे यांच्या सत्यकथेवर आधारित आहे, ज्यांनी 2001 दरम्यान गाजी बाबा म्हणून ओळखल्या जाणाऱ्या दहशतवादी राणा ताहिर नदीम याला ठार मारण्याच्या मोहिमेचे नेतृत्व केले होते. इमरान हाश्मी या अधिकाऱ्याची मुख्य भूमिका साकारत असनू सई त्यांच्या पत्नीच्या भूमिकेत आहेत. याशिवाय या चित्रपटात झोया हुसेन देखील महत्त्वाच्या भूमिकेत आहे. ललित प्रभाकर, मुकेश तिवारी, दीपक परमेश, रॉकी रैना, राहुल वोहरा हे कलाकारदेखील या सिनेमात आहेत. ट्रेलर-टीजरमध्ये या सर्वांची झलक पाहायला मिळाली होती.

मराठमोळा दिग्दर्शक तेजस देऊस्करने ‘ग्राउंड झीरो’चे दिग्दर्शन केले आहे. २५ एप्रिल रोजीच तेजसचे ‘ग्राउंड झीरो’ आणि ‘देवमाणूस’ असे दोन मराठी चित्रपट रीलिज होणार आहेत.