झाडू ठेवण्याची योग्य दिशा आणि बरेच काही, दिवाळीत ‘या’ वास्तू टिप्समुळे होईल लक्ष्मीकृपा

आर्थिक अडचणी होतील दूर

दिवाळीच्या दिवशी घरातून जुना झाडू काढून टाका आणि नवीन झाडू घेऊन या. ज्योतिष शास्त्रानुसार या दिवशी झाडू दान करणे देखील खूप शुभ मानले जाते.

जर तुम्ही आर्थिक अडचणींमुळे त्रस्त असाल तर त्यावर मात करण्यासाठी दिवाळीच्या दिवशी तीन झाडू खरेदी करा आणि मंदिरात ठेवा. असे मानले जाते की असे केल्याने आर्थिक संबंधित समस्या दूर होतात.

असे म्हणतात की, दिवाळीच्या दिवशी संपूर्ण घर नवीन झाडूने स्वच्छ करावे, या साफसफाईनंतर हा झाडू कुठेतरी लपवून ठेवावा, जिथे तो कोणाल दिसणार नाही. ज्योतिष शास्त्रानुसार असे केल्याने लक्ष्मीचा घरात प्रवेश होतो.

​या गोष्टींची विशेष घ्या काळजी

झाडू देवी लक्ष्मीशी संबंधित असल्याचे मानले जाते, म्हणून तो कधीही जोरात फेकू नये किंवा जोरात आपटून फेकू नये. झाडूचा अनादर होता कामा नये. झाडूचा अनादर करणे म्हणजे माता लक्ष्मीचा अनादर करणे असे म्हणतात.

वापरल्यानंतर झाडू कधीही उभा ठेऊ नका. झाडूला नेहमी जमिनीवर आडवा ठेवावा.

झाडू दरवाजाच्या मागे लपवून ठेवणे चांगले मानले जाते.

Diwali Vastu Tips : दिवाळीच्या साफ सफाई पासून ते लक्ष्मी स्थापनेपर्यंत, या वास्तू टिप्स लक्षात ठेवून करा काम

​झाडूला चुकनही पाय लागल्यास काय करावे

वास्तुशास्त्रामध्ये झाडूबाबत अनेक नियम सांगण्यात आले आहेत. अनेक वेळा जाणूनबुजून किंवा नकळत झाडूवर पाय पडतो, परंतु अशा परिस्थितीत लागलीच झाडूच्या पाया पडाव्या. झाडूवर पाय ठेवणे हा लक्ष्मीचा अपमान आहे. यामुळे व्यक्तीला आर्थिक संकटाचा सामना करावा लागू शकतो. जर तुमच्यासोबतही असे कधी घडले असेल तर झाडूला हाताने स्पर्श करून नमस्कार करावा आणि या चुकीसाठी लक्ष्मी मातेची माफी मागा.

झाडूशी संबंधित नियम

घरात कधीही तुटलेला झाडू वापरू नका. जर झाडू तुटला किंवा खराब झाला असेल तर तो त्वरित बदलावा. तसेच, शुक्रवारी आणि गुरुवारी झाडू बाहेर टाकू नये हे लक्षात ठेवा.

याशिवाय रात्री कधीही झाडूला हात लावू नका. असे केल्यास तुम्हाला आर्थिक संबंधित समस्यांना सामोरे जावे लागू शकते.

झाडू दक्षिण-पश्चिम किंवा दक्षिण दिशेला ठेवल्यास जीवनात कधीही धनाची हानी होत नाही आणि माता लक्ष्मीची कृपा कायम राहते.

वास्तूनुसार झाडू कधीही कपाट किंवा तिजोरीच्या मागे ठेवू नये. असे केल्याने धनहानीही होते.

टीप : ही सर्व माहिती भाविकांची श्रद्धा लक्षात घेऊन दिली जात आहे, तुमच्या श्रद्धा आणि विश्वासावर ज्योतिष उपाय आणि सल्ला वापरून पाहा. याचा उद्देश फक्त तुम्हाला चांगला सल्ला देणे आहे. या संदर्भात आम्ही कोणताही दावा करत नाही.

Diwali 2022: सूर्यग्रहणाच्या छायेत राहील दिवाळीचा सण, विलक्षण योगायोग आणि सुतक काळ